INSTA: MALAK_ATHMANI1
____________________________________
حركاات راسها بالزربة كتشوف فعينيه مزيرة بيديها فوق الفراش كتبلع فريقهاا وتشهق حتا نتر رجليها وبعد متكي فالقنت لاخر مخليهاا ضايرة عاطياه بالظهر شادة بيديها فوق ليزور لي تحتها مكمشاه كتشهق وهو جنبها مامسوقش ليها كااع مخليها كتبكي و تنبح غير راسها ...
بقاا كي يشوف مدة فداك السقف ختا غفاا داير يدو على كرشو في حين مزااال ديك الخلعة ديال راها بقات ساعات هوما مع نمر مخشية وسط قلبها ماقادرااش تقبلها..
#أصـبحنا_وأصـبح_المـلك
𝐓𝐎𝐑𝐈𝐍𝐎 - 𝐏𝐎𝐙𝐙𝐎 𝐒𝐓𝐑𝐀𝐃𝐀
" 𝐈𝐓𝐀𝐋𝐈𝐄 "
فداك الحي الهادي وسط توريتو الايطالية .. الحي المتميز بأصالتو ممزوجة بداك الطابع الحديث والتجديد السكني فيه .. عاد الحدائق العامة والمتنزهات الصغيرة الكثيرة وسطوو المعروف .. غانمشيو parco ruffini المعروف تما بالانشطة الرياضية والباحات لي فييه ..
كان البارك عامر بالدراري الصغار فكل جهة، ها لي كايتزحلق من هنا وها لي كايدير الرياضة من جهة خرا.. وفوسط دوك الناس كانت مرا كبييرة ورا ارجوحة شادة بنتها كاتدفعها بالزعلولة مخلياها كتضحك وتقهقه بطفوولة عاجبها الحال فرحانة ..
فوسط داك الضوسي مكتوب العنوان، الاسم، اللقب .. وادق التفاصيل حتا من الانشطة لي كتديرهم فالنهار وفين كتدوز وقتها .. الوقت لي كتااكل فيه وتشرب فيه مكتوب ..
كورتني ليدجر.. ست سنين ..
كان واقف فالقنت داير القب على راسو بداك السورفيط لي لابسها لاكوسط مع tn فرجليه فحال واحد عادي ساكن ف lecco ولا شي حاجة هكا حيت هوما لي ماروفين بهاد اللباس .. واخد فيدوو كارو كي ينتر منو مدخل الدخاخن لريتوو ويرجع يبخو طالق ثنائي اوكسيد الكاربون فالهوا ملوثو بيه .
تسمع صوت خافت ورا المراا حتا ضارت مخلبة الزعلولة كتلعب ببنتتها مخلياها وضارت لعند السيد لي باينة فيه كبير نييت .. كان دانتِي توماسُو .. عمِيل أساسي فالرومَانوڤا ، واحد من أقدم العمَلاء معاهم .. خدمتُو التموييه معروف بالاحترافية والقدرة على الاندماج والتخفي بلا مايتعرف ولا يلفت الانتباه .. وماشي غير مع ناس عاديين لا حتا مع البوليس و هادشي عندو دور كبييير مخلي الرومانوڤا بعيدة على اعمال القانون ... من الاساسيات دعميل عندهم، يكون عندو القدرة يتقن لهجات مختلفة ولغات من كاع بقاع العالم .. يعني فين ما تحطو يندامج معاهم ويبان ولد المدينة.. وهادشي ماين فدانتي تُوماسو لي كان تم اختيارو من عند جدُّو .
كاان واقف بديك القاميجة الزرقة لي لابس جامعة كتفو بجوج سميطات فكل جهة لاصقين فداك السروال التوب الكحل لي لابس مع سبرديلة سوميلة طايحة مريحة مناسبة لواحد كبير تخليه يتمشا براحة .. حط يدوو على صدروو كي يكح كحاات باحة مبينة المرض لي عندوو و التجاعيد على وجهو كي يزيدو يتجمعو بسباب داك التكميشة ري مكمش حجباانو بارزين العمر الكبير ديالوو ..
