الهوس

PART 24

INSTA: MALAK_ATHMANI1
____________________________________

زفرر كي يشوف فوجهها والخلعة باارزة عليه غير من داك الشحوبية لي عليه باينة دوزات نيييت العـ ـذاب .. حرك راسو ليها بواخا عاطيها الأمان كي يحرك يدوو فوق فخدها بشوية ميل راسو لعندها هاضر بصوت هااادي و خافت باش تكالما..

اينـزو: ها انا معاك، ماباقيش غنخليك بوحدك
صوفـيا[ كمشت عينيها مزيرة على يديه لي فوق خدودها بين يديها الصغار]: بغيت نمشي عند بابا

تنهد كي يشوف فيها هكاك خايفة كترجف كي يفكر فين غايديها وهوما حاليا محطووط عليهم العين ديال بصح .. قاد ليها السانتور و تقاد فبلاصتو مدوز يدو فوق فخظها مربت عليه بهدوء ..

ضار تقاد فكلستوو قبالت الڤولون وكسيريلا شاد الطريق للمجهوول ..

الطرييق كاملة وهوما ساكتين حتا شي حد ماهضر .. بقاو غاديين وسط داك الظلام لي طاغي على الغاابة و السواد ديال الليل فحال شي فحم طاغي على السما عاطي الاشعة ديالو حتا لعندهم بالضو د القمرة ..

مدة ديال الطرييق شدووها كرجة حتا بدا اينزو كي يدخل بيهم وسط المدينة .. هناا بدا الرواج د المدينة شوية بشوية و الصوت ديال الطوموبيلات والماااطر مسموع ..

زااد شاد الطريق مدة د ساااعة كاملة ومرة مرة كي يميل عينو ليها كيف مغطية وسط الغطاا لي عطاها حتا وقف لوطو وسط بلاصة عاامرة بالشجر ..

نزل هو الاول ونزلها معااه حتا بانت ليها عمارة طوييلة عامرة بلي زابارطومون .. علات راسها فالعلو ديالها جاية فبلاصة فاخرة ..

تمشا مضور يدو على خصرها على حسابها وحالتهاا .. طلعو فلاسانسور حتا للطابق السبعطاش عاد خرج متوجه بيها لوحدة من الشقق تماا .. جبد الساروت من ڤاز محطوط تما كان خاشيه بين التراب .. حل الباب ودخلها سادو وراه..

ايـنزو: غنباتو اليوم هنا، غدا نشوف شنو ندير 

حركات راسها كتشوف فعينيه مزيرة بيديها فوق داك ليزار لي مغطية بيه لحمها مدفياه من البرد ورجعات حنات راسها حاسة بلحمها كي ياكلها بالوسخ لي توسخاتو فالغابة .. تنهد عارف شنو قصدات و اشار ليها بعينو للدوش ..

اينـزو: دوشي غتلقاي اللعيبات لي غتحتاجي تما، غنحط لك شنو تلبسي فالبيت

كانت الشقة من اصلها الشقة غير ديال صاحبو موالفين لا كانت شي قصارة بعقلها ولا شي حاجةه هكا يجيو يدوزو فيها الليل فقط ..

دخلات للداخل كتضور عينيها على الدوش وشكلو لي مان مخدوم بالخشب وديكور جاي سامبل و هماوي فنفس الوقت باين مخدوم نيت ..

قربات كتحيد فحوايجها واخدة الامان معاه عارفاه ماشي واحد برهوش لي غايجي يقيسها ولا يتجسس ليها ولا يدير ليها شي بلان هكا داكشي باش خدات راحتهاا كتنزل فالكسوة لي لابسة حتا حيداتها و تبعاتها داك سترينغ البوردو لي لابسة ..