INSTA: MALAK_ATHMANI1
____________________________________
كمل داك النترات ديالو حتا سالا وردها لبلاصتها هاز كاس د الماا هابط عليه فدقة عاد رد شعرو للور راجع لبلاصتو حداهاا.. تكا وجر الغطا عليه كايشوف فالسقف لمدة عاد غفاا ناعس حتا هو ..
#أصـبحنا_وأصـبح_المـلك لله ✨
فتحات عويناتها البنيين على الصوت ديال باها وهو كايفيق فيها .. كان مزال الخمسة د الصباح الظلام مزالو طايح على الدنيا بحكم كايخصها تشد التران للرباط ويلااه كي يكفيها الوقت توجد راسها.
علات عينيها فيه وقربات لعندو باستو فوق خدودو بجوج و خرج مخليها كترد فشعرها للور .. هزات تيلي فيديها كتشوف الميساج للخر من عند إيـريكس كاتب ليها فيه " غنطير لك راسك لا ماجمعتيهش" بالايطالية .. مشات دارت ليها كوبيي كولي ترجماتها ووسعات عينيها كاتبة ليه ميساج طويييل نيت " شكاايسحاب ليك راسك؟ نتا راك والووو ماغاتجيش تطبقها على وحدة مغربية انا را غا الحبس مزال ليا مادوزتوش!" ..
سيفطاتو وناضت من بلاصتها دخلات نيشان للدوش غسلات وجهها و خرجات لبسات حوايجها وقادات الميكاب ديالها عاد خرجات ..
دخلات للكوزينة لقات باها موجد ليها الفطور في حين مها فالجلمة الساابعة غارقة فنعاسها.. فطرات دغياا بداك الخبز لي كان مسخنو ليها حتا كرم هكاك كي يعجبها عمرو ليها مزيان بالفروماج ولانشون .. دوزااتو مع واحد الكويس دآتاي مبردة بيه جووفها فعز داك البرد لي ضارب فداك الصباح..
خرجات شدات طاكسي نيشان للمحطة د التران .. قطعات ورقتها ونزلات للسكة كتسنا فيه حتا جا وطلعات شاقة طريقها لتمااا..
الثمانية قد قد كانت وصلات ..
خرجات من المطاار هازة فيديها صاكها وفيديها لخرا حلوة كتاكل منها متمشية للجهة د المعهد ودخلات ..
غا دخلات ملاك للمعهد العالي للفنون المسرحية والتنشيط الثقافي، أول حاجة شدات انتباهها هي الهندسة العصرية ديال البناية. واجهات زجاجية كبيرة كتسمح بدخول الضوء الطبيعي، وديكور حديث كيغلب عليه اللونين الأبيض والرمادي، مما كيعطي إحساس بالراحة والانفتاح. المعهد كان فيه طوابق متعددة وكل طابق كيختص بشي مجال، وكأنك وسط مركز ثقافي حديث متكامل وغير تدخل وسطوو تدوخ من كبروو .
ملاك كانت كتقرا فقسم التنشيط الثقافي، اما الحصة ديال دابا كان عندها حصة ديال التنشيط نيت.. القسم ديالها قريب من صالات المسرح الكبيرة، لي فيهم كيديرو التداريب اليومية. كان عندهم قاعات كتشبه مسارح صغيرة، مجهزة بالإضاءة الحديثة والكراسي المتحركة باش يقدروا يغيرو الفضاء كيف ما بغاو، وهادا كيعطيهم فرصة للتجريب فالتصاميم المسرحية بطرق مبدعة.
القسم ديال التنشيط لي كان فيه مجموعة مواد متنوعة لي كتركز على تطوير المهارات الاجتماعية والثقافية ديال الطلبة، من ضمنهم مادة "أساسيات التنشيط الثقافي" هدفها الاساسي انها كتعلّمهم كيفاش يتواصلو مع الجمهور ويحفزوهم باش يشاركوا فأنشطة ثقافية وفنية.
