الهوس

PART 26

INSTA: MALAK_ATHMANI1
____________________________________
حرك اسكندر راسو بمعنى واخا و نزل عينو فحالا تفكر شي حاجة ورجع شاف فأدلـر محرك لسانو فوسط فمو..

اسكندر: بالمناسبة ..[ علا ادلـر راسو لعندو باش يكمل هضرتو]: لقيت الخائن
جبد اسكنـدر من جيبو تيلي وشعلو كي يقلب وسطو لمدة حتا لقا داكشي لي باغي وتهز من بلاصتو مادو لأدلـر ..

بدا كي يوريه الكاميرات ديال الوقت د العرس .. برا فوحدة من الطرق د الڤيلا فين كانو مبرونشين كاميرات قدرو يطلعو التسجيلات من تحت الارض .. باين فيها واحد من رجالو واقف مع ثلاثة د الرجال ومنهم داك اوسكار فالوقت لي كان كي يلبس فيه حوايج القس فالقنت..

تبسم أدلـر كي يشوف فداك الڤيديوو محرك يدوو فوق عنقوو وطفا تيلي رادو لاسكندر ونتض من بلاصتو هاضر بنبرة مسموعة..

أدلـر: جيبو ليا

حرك اسكندر راسو بمعنى واخا وناض من بلاصتو راد  تيلي لجيبو وحنا راسو ليه بتحية و ضار خارج من تما مخل ادلر يجبد كارو اخر خاشيه وسط شفاهوو و دارو يدو على جنابو مورك بابهامو على قنت البريكة مخلي لهيب العافية يحرق داك الكارو من تحتو ماتو منو عاد بعدو شادو بينً سبابتو و الوسطى خارج من تما ..

ضار قالب الطريق من تما راد شعرو للور كي يفك فالصدايف اللولين د الشوميز حاس بيها خانقاه مطرطق عنقو حتا كمش داك الكارو فيدو طافيه فيها بالحر د ديك الخنقة لي طالعاه والموصيبة الكحلة ماهازش معاه الرابوز ديالو.

رجع تمشا طالع للفوق لايح الكارو فوق الارض بلا مايحس ورجلييه فاشلين عليه بزز باش كي يتمشاا..

دخل نيشان للبيت لقاها كالسة فوق داك الكرسي قدام المرايا كتشوف فراسها بصمت ، رجليها محطوطين فوق الحافة د الكرسي و الدنيا مظلمة غامة عليها ريحة النعاس ..

ماكانش عندو كاع هو الوقت فين يديها فشي ظلام ولا فيها .. دابا خاصو يشوف ديك الخنقة لي شاداه وديك الروح لي غاتزهق دقايق قريبة ايلا مالقاش رابوزو ..

حل نفس المجر د المرة لي فاتت كي يقلب وسطوو داير يدوو على الشوميز جارهاا ويدوو فاشلين عليييه بزز باش كي يهزهم وبزز باش قادر يتحكم فيهم .. الضباابة بدات كتشد على عينوو وهو كي يرجع باللور ويرجع يتقاد فالوقفة باينة فيه ماموازنش ..

ضورات عينيها فيه كتشوف فيه وفحالتو والعرق لي نازل على جبينوو باينة فيه مهلوك ديال بصح .. بلعات ريقها كتشوف فيه وقلبها كي يزدح.. قلبها لي كايقول ليها نوضي عاونيه مخالفة عقلها لي كايخبرها بلي دار ليها البارح ويقول ليها خليه يمـ ـوت وترتاحي منو.

شداات بيديهاا فبعضيااتهم بالاخص فاش صااف بان ليها تحنااا حاط يدو بجوج على الكوافوز حاني راسو وشعرو طايح قبالتو اعلى وجهو فازك بديك الحرارة لي طالعااه وصوت انفااسو مسمووعين مطلعهم غير بزز وعلى عينيه ضبابة شادة ليه فيها ماقادرش يفرز لي كاين قدامو..