#تَســرِيــب ⚠️❌
#خليووو ليا آراااءكم و تحليللااااااتكم شهاد النعاس البنات را غنحبس ❌🤌🏻
_______________ _______________ _________
نَظراتو الباردين غراب بطريقة خطيرة كانو مفِيكسين فطريق قبالتو شاد يدو فوق الگِيدون ومرة مرة كي يميلهم لعندها كيف فرحانة براسها كتشوف فوجهها فالمراية متأكدة من داك العكر واش مزالو فبلاصتو ولا جلخ ليها فمهاا .. فرحتها ماشي براسها قد ما بيه هو لي اهتم بيها وعطاها الكارط گيشي ديالو خلاها تشري كاع داكشي لي باغاه حتا من اللوطو لي صايكها دابا خداها ليها هي وعلى دوقها..
حبس اللوطو فواحد الخلا ضاير بيهم فيه غير الصخر والحجر لا طير يطير ولا وحش يسير داير بحال شي صحرة ديال كاليفورنيا .. شافت للقدام بان ليها واحد الجرف و ميلات راسها لعندو .. كان مفيكسي عينيه للقدام و كايرخي فالكرافاطة ديالوو واليد التانية شاد بيها الݣارو التالت لي ساط فيه من الدقيقة لي خرجو فيها من الدار
لاح البونتة لي بقاتلو منو و حط يدوو على الڤولون مخاويها مع التانية... مفيكسي عينيه للقدام ومحرك لساانو وسط فمو .. وجهو حجرة تنقشو عليها الملامح اما التعابير خلاهم لماليهم ماداير فيهم وبيهم حتى شي رياكسيون
ڤاليـريا : [ بغات تهرس داك السكات وترطب الجو المكهرب لي ولّا بيناتهم ] ماقلتيليش فين معروضين؟
أدلـر [ تنهد فاش سمع صوتها وضار لعندهاا كانو شوفاتو ليها فشكل ] : غير نتي لي معروضة
ڤاليريا : [ قطبات حجبانها ] ونتا؟؟
مافهماتش اش واقع .. ضارت فجنابها كاتشوف فين وصلو بان ليها غا الخلا والقيفار .. رجعات كتشوف فيه بغرابة مافاهماش اصلا شكايديرو هناا..
ڤاليـريا: علاش وقفنا هنا
رجع ديمارا الموطور باش تتحرك الطوموبيل .. قلبها ماهناهاش.. خاطرها كايقولها شي حاجة غاتوقع ياكما جابهم للهنا باش يتلاح هو وياها؟؟؟ لا هادي ماشي ديالو و هو ماشي راجل من داك الطراز الدرامي لي يضحي براسو على ودك .. هز باكيتو ديال الݣارو والبريكة وهبط
مع سد الباب من وراه وهي تسمع دوك الطرقات ديال الكونطاكط .. صافي هنااا قلبها بدا كي يضرب فالتسعيين بالاخص فااش حسات بديك لوطو كاتحرك.. ضارت كاتقااتل مع الباب تحلها
ڤاليريا : ادلررر حل البااااب [ بدات كاتخبط فالزااج بكااع جهدها.. ] ادلررررر
قلبها غاايسكت بالخلعة و حلقها نشف .. عينيننيهاا حوومر شداتها البكية واش هااانت عليه؟؟؟ .. باغا تدير شي حركة ولكن شنوو هي هاد الحركة..
نقزااات من بلاصتهااا للور باش تشووف واش الباب محلووول حتى هو مسدوود .. مع هزات راسها فالزاجة اللورانية وهو يبان ليها وااقف كايشوف فلووطوو بضميير ميـ ـت بلا مايحرك سااكن .. كايجبد و يلوح للرية الدخان ويعاود يزفرو كي شي تران خدام بالشاربو .. عااس عليها من اللور بعينين غادراتهم الحياة بحالا تلبسو فيهم شيطاان .. مقابل العين مع عين معشوقتو لي ماكانتش ناوياها فيه شي نهار يلعبها معاها بالغدر و يتأبط بدراعها غادي دايها فطاپي غوج كايسالي فالبرزخ .. واقف حاضيها كيما حاضي ديك اللووطو لي غادا قااصدة الجرف بينما عقل معشوقتو يلاااه بدا كايستوعب بلي العراضة لي لبسها و سبطها فيها بأغلى ماكاين على ودها كانت عراضة سبيسيال لعند عزرائيل..
