නිමේෂ (BL)

6) King of The Moon

ඊළඟ සති කිහිපයේ වැඩි දෙයක් වුණේ නෑ. ඉදුර අර කැමරාව අර අයියා පොඩ්ඩක් modify කරලා කියපු එකට අම්මා ගාණට ඇන්දුණා.

කොහොමහරි ළග ළගම drama competition එකකට auditions එනවා ඉතින් ඉදුර මේ ටිකේ ඒකට practice වෙවී හිටියේ. ඉදුර කරන්න ආසම දේ drama නොවුණට මේ ඉස්කෝලේ drama සම්බන්ධ දෙයක් කිව්වහම ඉදුරව නැතුව බෑ. මොකද ඉස්කොලේ ගැහැණු චරිතයක් කරන්න පුළුවන් අය ඉන්නේ හරිම කිහිප දෙනයි. ඉතින් auditions දවසේ ඉදුර පන්තියට වෙලා හර්ෂ එක්ක lines practice කර කර හිටියේ.

"උඹව audition කරන්න ඕනෙත් නෑ බං. මට දැන් මේ රෙද්ද අහලම ඇති වෙලා. "

"හරි හරි තව එක පාරයි."

"හරි හරි ඉක්මනට යමන් එහෙනම්. Lights. Camera. Action"

"Haply, for I am black And have not those soft parts of conversation That chamberers have; or, for I am declined Into the vale of year, yet that's not much, She's gone. I am abused, and my relief Must be to loathe her. O curse of marriage, That we can call these delicate creatures ours And not their appetites! I had rather be a toad, And live upon the vapor of a dungeon, Than keep a corner in the thing I love For others' uses." (- Othello, Act 3, Scene 3)

ඉදුර තමන්ගේ හැගීම් ඔක්කෝම දාලා ශෙක්ස්පියර්ගේ ඔතෙලෝ නාට්‍යයේ දෙබසක් කිව්වා.

"මොන කුණුහරුපද බං මේ ? "

"ඔය old English. එහෙනම් මචං මං ගියා පරක්කු වෙලා තියෙන්නේ." ඉදුර බෑග් එකත් එල්ල ගන්න ගමන් කිව්වේ.

"හා හා. හොඳට කරහන්. උඹට ඉතින් කොහොමත් ඕකේ මොකක් හරි එකක් හම්බෙනවා."

හර්ෂට හිනාවක් දාලා. ඉදුර auditions තියන තැනට ගියා. හිටියා ඒ වෙද්දිත් එතන ටිකක් සෙනඟ හිටියා. ඉතින් ඉදුර ගිහිල්ලා line එකේ හිට ගත්තා, තමන්ගේ වාරේ එනකන්. ඒත් එක්කම ඉදුරට තමන්ගේ පිටිපස්සේන් ලොකු හෙවනැල්ලක් වැටෙනවා තේරුණා. එක පාරට සූර්යයක් ග්‍රහණයක් වෙලද බලන්න පිටි පස්ස හැරෙනකොටම දැක්කේ. තමන් මෙතන දකින්න බලාපොරොත්තුවුන අන්තිම කෙනා.

"uh hi ?" ඉදුරට නොදැක්කා වගේ ඉන්න බැරි නිසා කතා කරේ.

"hi" ආව්‍යත් යන්තම් හිනා වෙලා උත්තර දුන්නා.

"ඔයා acting කරනවද ?" ඉදුර ඇහුවේ තාමත් ටිකක් අදහගන්න බැරි නිසා.

"ඇයි සැකයි වගේද ?" ආව්‍ය කිව්වේ කට කොන්නින් හිනාවක් අදෙන ගමන්.