وماامداها تفتح الباب تحس بحركه خلفها التفتت تشوف ثنين رجال خافين هويتهم حاولت تدافع عن نفسها لكنهم كلنو اقوى منها وتقدم احد منهم يحط على انفها مخدر يتركها يغمى عليها....
حملها الرجل يدخلها السياره يربط يديها وفمها.
طلع من المجلس بعد خروجها بربع ساعه قريبا لن قلبه ناغزه ويحس بشي بيصير رفع جواله يتصل عليها مره ومرتين وثلاث لكن بدون فايده ركب سيارته يمشي للمكتبه وصل للمكتبه ونزل يشوفها مقفله عقد حواجبه يرفع جواله يرجع يتصل ومافي رد مشى متوجهه للبيت دخل البيت بهدوء ظن منه انها نايمه دخل غرفته ماحصلها موجوده مشى متوجه لغرفتها يشوف فستانها على السرير لكنها مو موجوده تقدم يدق باب الحمام ومافي رد فتحه بخفه مالقى شي تقدم يطلع من الغرفه يدورها في البيت ماحصلها مشى متوجهه للمركز بخوف ومن شعوره الي يحس فيه ويدعي انها موجوده ركن السياره ينزل يركض عقدت حواجبها رغد من شافته تتقدم توقف بعيد عنه بمسافه تنطق: رامي؟
هز راسه بخوف ينطق : ايلام جت هنا؟
هزت راسها رغد باالنفي: كلمتي بعد ماطلعت من ملكه اخوها وعلمتني انها رايحه المكتبه والحين لي ربع ساعه احاول اتصل عليها ماترد
رجفت عيونه بتوتر يدعي ان الي بباله مايصير رفع جواله بسرعه يتصل على سالم ومن رد سالم ينطق: شفيك رامي؟، حك راسه رامي من الخلف بتوتر وخوف ينطق: قائدي ايلام ماهي موجوده بااي مكان!
عقد حواجبه سالم يوقف بسرعه يطلع ينطق: شلون ماهي موجوده؟
رامي:كلمتي قبل ساعه وقت كنا ببيتك وقالت لي انها بتروح المكتبه وبترجع البيت رحت البيت محصلتها ورجعت للمكتبه لقيتها مقفله وجوالها مقفل والأن انا باالمركز
هز راسه سالم ينطق: جايك الان انا والعيال
هز راسه رامي يقفل منه يجلس على الكرسي يهز رجله بتوتر ووقف بسرعه يطلع من المركز مو قادر يوقف بمكانه توجه للمكتبه ونزل يتلفت يمين ويسار ونزل راسه عن رجوله تحديداً يشوف كابها يعرف هو كابها الوحيد الي دايم يشوفها لابسه اخذه بسرعه يقلبه يتأكد اذا هو او لا اخذه بسرعه من تأكد انه هو يرجع للمركز نزل وتقدمت له رغد تنطق بقلق: لقيت شي؟
هز راسه باالنفي يعطيها الكاب: هذا حق ايلام انا متأكد
اخذته رغد ورفعت انظرها له وناظرها ونطقت رغد برجفه: لا، هز راسه رامي ينطق: مع الاسف انخطفت!
هزت راسها رغد باالنفي وتقدم رامي بسرعه يفتح البتوب يشوف موقع جوالها لن في العاده يشبكون جوالات الاستخبارات بااجهازتهم يدعي انه يحصل موقعها لكنه مع الاسف اخفو كل شي من جوالها ضرب الطاوله بغضب ينحني يحط كفه على راسه يدعي انه مايصير لها شي التفت من دخل سالم وخلفه علي وأوس ومنصور تقدمو له ونطق سالم: حصلت شي؟
هز راسه رامي بالنفي ورفع راسه من وصلته صوره وتحتها رساله الصوره الي كانت عباره عن ايلام الي مغمى عليها ومربطه وتحته"اترك صديقنا ونترك زوجتك"
رمش رامي بصدمه يوقف وناظره سالم ينطق: شبلاك
لف الجوال رامي لسالم ترجف يده: يهددوني فيها!
اخذ سالم الجوال من رامي بسرعه يعطي رغد ينطق: ابحثي عن الرقم بسرعه
هزت راسها رغد تاخذ الجوال تبدأ تبحث عن الرقم وتحدد موقعه وفزت بسرعه من طلع لها موقع تعطي سالم تنطق: طلع الموقع بس الرقم مع الاسف مجهول
اخذ رامي منها الموقع على طول يطلع ولحقه أوس يركب معه وتوجهو للموقع ووصلو ينزلون يدخلون البيت المهجور واول مادخلو التفت أوس على يمينه يشوف شي اسود تقدم بهدوء وحظر وهو رافع السلاح وخلفه رامي حتى صرخ أوس: فخ رامي فخ اطلع
ركضو يطلعون ومن حطو رجلهم على عتبه الباب انفجر البيت الي كان من خشب غط اذنه رامي من الصوت ووقف بسرعه وهو يترنح من الدخان المنتشر بكل مكان يشوف أوس المرمي باالارض تقدم له يوقفه
وقفو بسرعه يبتعدون ومن ابتعدو ضرب رامي السياره بغصب يصرخ: لعبو علينا عيال الكلاب
تقدم له أوس وهو يكح ينطق: خلاص اهدى بنلاقيها الحين نحتاج هدوئك ونفكر في كل شي
ضرب السياره رامي يصرخ: كيف بهداً كيف زوجتي بين يديهم ماادري الحين هي بخير ولا لا!
تقدم له أوس يمسك اكتافه يهديه وركب السياره رامي يضرب الباب بقوه يصرخ: بسببي لو اني ماتركتها تروح او رحت معها ماصار الي صار!
التفت ل أوس يهمس: لو صار لها شي ماقدر اسامح نفسي أوس!
هز راسه أوش باالنفي: لا تفكر كذا بنلاقيها ومابيصير لها شي ان شاء الله اركب الحين خلنا نرجع
هز راسه رامي يركب وركب أوس يسوق ورفع رامي ذراعه على عيونه ينتظر وصولهم للمركز وفز من اتصل جواله يرد يحطه سبكير عشان يسمعه أوس
ونطق سيف بعد مركب مغير الصوت وهو يضحك: كيف المكان ان شاء الله عجبكم
صرخ رامي بحده: من انت يبن الكلب ووش تبي من زوجتي! ، ضحك سيف بسخريه: زوجتك هذي بتفيدنا كثير بنرجعها لكم بعد مانشوها
شد على اسنانه رامي ينطق بغضب: اقسم بالله لو تأذي شعره منها والله لااخليك تشوف نجوم الليل بعز القوايل!
ضحك بسخريه ينطق: زوجتك بين يديني بلعب فيها لعب ولاتحاولون تطلعون الرقم لنكم مراح تحصلونه! قفل سيف بدون مايسمع رد وصرخ رامي يرمي الجوال بغصب
رفع صوته أوس عشان يطلع رامي من الجنون الي هو فيه: خلاص رامي اهدا عشان نعرف نتصرف!
مسك راسه رامي: كيف بهدأ أوس شلون وهو يهددني
فيها بكل وضوح!
رفع أوس يده على كتف رامي: بنلاقيها الحين لازم نركز على سيف والي معه
وصلو المركز ونزل رامي دخل المركز واستقبله سالم: حصلتوها؟
هز راسه رامي بخيبه امل: طلع فخ
هز راسه سالم ورفع راسه رامي لسالم ينطق: مابتعلم اتاش؟
هز راسه سالم باالنفي بهدوء: اذا جا وقته يعرف الحين اتركه مع زوجته لحد يعلمه بشي
هزو روسهم وجلس رامي يحط يده على راسه يفكر قبل شوي كان معها قبل شوي ودعها كيف وانقلبت الاحوال عليهم تنهد بضيق مايقدر يتحمل طلع برا يحاول يتنفس فكرة فراقها عنه تتعبه جداً وفكره انها الان بيدين رجال ارهابين ممكن يسون فيها كل شي بدون تردد وخوف تجننه وحيل التفت وبحركه سريعه ضرب قزاز السياره الي واقف عندها تقدم له علي ونزل رامي على الارض ويده تنزف مسكه علي ينزل معه ينطق بخوف: وش سويت رامي!
رفع راسه رامي: ماني قادر اوقف تفكير علي فكره انها بين يديهم تجنني!
مسك علي راس رامي الي كان يضربه باالسياره خلفه وهو جالس ومركي ظهره على كفر السياره
فز رامي من وصلته رساله من نفس الرقم الي اتصل عليه يفتح الرساله بسرعه يوقف بذهول يشوف الصوره الي كانت عباره عن ايلام وهي مربطه ويدها تنزف الواضح انها كلنت تقاومهم ومنزله راسها والواضح له مغمى عليه رفع كفه على يسار صدره مكان نبضه تحديداً يحاول يهدي خوفه عليها يفز بسرعته ومسكه علي يصرخ في وجهه: وين رايح رامي وين رايح!
لفت عليه رامي يصرخ: مقدر اتحمل بروح ادورها لو وين ماكانت بطلعه قبل ماتطلع ها الشمس!
هز راسه علي باالنفي يحاول يمسكه بس رامي فلت من يده يركب سيارته يضرب الدكسون بااقوى ماعنده يصرخ بوجع يتمنى ياخذها بحضنه يدري انها تحتاجه ويدري انها ماتقدر عليهم مهما بلغت قوتها رجع يحط يده على قلبه ينطق بهمس: بحصلها ولو ماحصلتها بحرق الدنيا زي حريق قلبي!
مشى بسيارته مايدري وين يروح المكان الي كان يلجأ لها وقت ضيقته الان هي مو معه ومايدري وش جالسه تعيش من الألم بدونه نزل راسه على الدكسون مايبي يستسلم يدري انها الأن تثق فيه وجداً وواثقه انها مابيتركها ومراح يخيب ثقتها فيه ابداً.
أنت تقرأ
"على عهدٍ حتى الموت"
Acciónذبَلت انَواَر الشَوِارعَ وانَطفَى ظَي الحِروف يَلاِ ياقلَبي سَرينا ضاَقت الَدنياَ عليناَ
