سمع صراخها دخل يركض وتجمد بمكانه من شافها طايحه باالارض والدم يغطي المكان وهي تبكي وتصرخ..
ركض لها بسرعه ورفعت يدها لكتفه وهي تبكي تنطق: أوس
جلس امامها يهديها ووقف بسرعه يحملها بحضنه بسرعه يطلع من البيت يسمع بكائها وصراخها تنطق: أوس ولدي لا يصير له شي تكفى أوس
هز راسه باالنفي يعض شفته باألم من بكائهز يركبها باالسياره بسرعه ورفع جواله بسرعه يتصل على اتاش الي رد ينطق أوس: اتاش تكفى روح البيت وخذ خديجه عندكم بروح المستشفى!
قفل مايسمع رده يحرك بااقصى سرعه ورفع انظاره للمرايا يشوف سكونها وعرف ان اغمى عليها يسرع اكثر حتى وصلو المستشفى ينزل يركض يصرخ على الممرضات يجيبون سرير وفعلاً جابو له يحطها عليه ويمشي جنبهم ينطق: حامل باالشهر السابع اضن انها طاحت من الدرج!
هزو روسهم ودخلوها العمليات بسرعه بمنعونه يدخل يعطي غرفه العمليات ظهره يمسح على وجهه بخوف وترتر يهز رجله بدون توقف جلس على الكرسي يحط يده على راسه يدعي بداخله ان الله يحفظهم له ينتظر بفارغ الصبر مايتحمل لو يفقد شخص ثاني من اهله كثير على قلبه والله كثير مسح على وجهه يوقف امام غرفه العمليات يمسك نفسه باالغصب عشان لا يكسر الدنيا ركل الكرسي الي امامه يرفع راسه على الجدار مايبي يفكر بشي سيئ ابدا، وبعد انتظر نص ساعه تقريبا وقف بسرعه من طلع الدكتور يتقدم له بخوف وتوتر ينطق: تكفي يادكتور طمني؟
ابتسم الدكتور بهدوء يطمنه ينطق: مبروك جاك ولد
ناظره بذهول وهو للحين مااستوعب شي: وزوجتي؟
هز راسه الدكتور ينطق: بخير بنطلعها للغرفه ومبروك مرا ثانيه يتربى بعزكم
هز راسه أوس بعدم استيعاب وراح الدكتور غمض عيونه براحه وسرعان ماضحك يستوعب ان جاه ولد لكنه مستحيل يتطمن تماماً حتى يشوف لميس ويرتاح ناظر باب غرفه العمليات والممرضه الي طلعت وجنبها كرسي صغير فيه طفل تسحبه تقدم بسرعه ينطق: هذا ولدي؟
هزت راسها الممرضه تبتسم وابتسم أوس تلمع عيونه يشوف حجمه الصغير وناظرته الممرضه تنطق: ولِد بدري ضروري نروح فيه للحضانه
هز راسه واخذته الممرضه وناظر أوس للباب من طلعت لميس وهي نايمه والواضح انها ماتعرف عن شي نقلوها للغرفه وتقدم يدخل عندها يشوفها نايمه يتقدم يقبل جبينها يغمض عيونه بهدوء فتحت عيونها لميس بخفه تناظره تنطق بهمس: أوس؟
هز راسه باالايجاب يطمنها وسرعان مارفعت كفها على بطنها تبكي: ولدي ولدي وينه؟
ابتسم بخفه يطمنها: بخير ولدنا الحمدالله شوي ويجيبونه!
لمعت عيونها وتقدم هو يقبل خدها بخفه يمسك كفها يحسب الكرسي يجلس امام كرسيها باالضبط وبعد دقايق التفتو للباب من دخلت الممرضه وهي تسحب كرسي جابته امامهم ناظرته لميس تبكي ورفعت ذراعينها تنطق: اعطيني
ابتسمت الممرضه تحطه بحضن لميس وطلعت بعد مانطقت: شوي وايجي اخذه وابوه يروح يسوي اوراقه عند الاستقبال!
هزو روسهم وناظرته لميس ترفع نظرها ل أوس تنطق: صغير أوس!
هز راسه أوس بجلس على الطرف السرير يتأمله وعيونه تلمع بحب يرفع راسه لها ينطق: ليث؟
ابتسمت لميس تهز راسها تمده له رفع يده بهدوء ياخذه وهو يسمي عليه نزل راسه لأذنه يأذن بخفوت وابتسم من بكى وهو بحضنه ودخلت الممرضه ترجعه لحضن لميس تنطق: رضعيه ياامه
رفعت راسها لميس لأوس بخجل وابتسم من فهم نظراتها يتقدم يقبل جبينها يطلع عند الباب وفعلا رضعته ترجع تحطه على السرير جنبها واخذته الممرضه بعد ماغيرت المغذي لا لميس وطلعت يرجع أوس عندها داخل بهدوء يشوفها نامت بهدوء من المخدر الي اعطوها اياه يجلس امامها يتأملها هو يحمد ربه بكل مرا يتذكر فيها ولده.
أنت تقرأ
"على عهدٍ حتى الموت"
Acţiuneذبَلت انَواَر الشَوِارعَ وانَطفَى ظَي الحِروف يَلاِ ياقلَبي سَرينا ضاَقت الَدنياَ عليناَ
