| لـە ساڵـی 1822 خۆشـم دەوێـی |

|22|

|لە ساڵی 1822 خۆشم دەوێی|

ــــــــــــــ

دوای ئەوەی خالید ماچی کردم، نەمدەتوانـی ئیتـر ڕوبەڕوی ببمەوە و سەیری بکەم. بۆیە گەڕامەوە ماڵەوە بەڵام باشـم کرد چونکـە یامیـر و باوکی و دایکی هاتبوون، گەرنا مەیسام دەکردە حاڵێکی ناخۆشەوە، من بەتەواوەتـی ئەوانم لەبیـر کردبـوو.

دوای خوانی ئێوارە هەمومان کۆببوینەوە، دوای کەمێک دایە ئۆلیڤیا هات و لەتەنیشتـم دانیشت.

دڵخۆشبووم بەوەی وەڵامی داواکەی منتان دایەوە، ئەوە بۆمن زۆر گەورە بوو.
"باوکم گوتـی و من و دایە ئۆلیڤیا شۆک بوین. کەواتە باوکم داوای کردوە بێن و من بخوازن! زۆر هەستم بە خراپی کرد، خـۆم وەک کاڵاییـەک هاتـە پێش چـاو.

من زۆر دڵخۆش دەبـم بەوە، دەتوانین خێزانەکەمان بەهۆی ئەوەوە لەیەک نزیک ببێتەوە.
" باوکی یامیر گوتـی زۆر دڵخۆش دیار بوو، سەیری یامیرم کرد ئەویش بەهەمان شێوە زۆر دڵخـۆش دەردەکەوت.

بێگومان دوودڵ یەکتریان خۆش دەوێ، ئەوەی لەسەر ئێمەیە بەیەکگەیاندنیانە.
" باوکم گوتـی، بێگومان بەهۆی گەمژایەتیەکی خۆمەوە نەمتـوانی هاوسەرگیری لەگەڵ خالید بکەم. سەیرێکی دایە ئۆلیڤیام کرد بیدەنگ بوو وادیار بوو بیری دەکردەوە.

باشە، بەڕای ئێوە چ ڕێکەوتێک باشە تا منداڵەکان هاوسەرگیری تێدا ئەنجام بدەن؟
"باوکم پرسیاری کرد بۆ ساتێ هەموان بێدەنگ بوون

حەز دەکەین لە مانگی ئایاردا ئاهەنگەکە بەڕێوە بچێت.
" دایکی یامیر گوتی.

بەڵام ئەوە کاتێکی زۆری ماوە! واباشترە بە زووترین کات ئاهەنگەکە ئەنجام بدەین. لەو ماوانەی ڕابردودا ئێمە کۆمەڵێک شتێ نا خۆشمان بەڕێکرد، ئیتر کاتێ ئەوەیە خۆشیەک ببینین.
"باوکم گوتی و ڕوخساری دەگەشایەوە..

خاتوو ئۆلیڤیا شارەزاترە لە ئێمە و لە خێزانی ڕاهیبەکانە، واباشترە ئەو بڕیار بدات. خاتوو ئۆلیڤیا چ ڕۆژێکت پێباشە بۆ هاوسەرگیری؟
" دایکم گوتی و دایە ئۆلیڤیا سەیری منی کرد پاشان قسەی کرد، زۆر بەپەرۆشـم تا بزانـم دایە ئۆلیڤیا چیدەڵێت! بەڵام شۆک بووم.

هیچ ئاهەنگێکی هاوسەرگیری ڕوونادات.
" دایە ئۆلیڤیا بەڕاستەوخۆی گوتـی و هەمومان سەرمان سوڕما.

یەکسەر قۆڵی دایە ئۆلیڤیام گرت، ڕاستە لە بەرژەوەندی مندا قسەیکرد بەڵام دەترسم ئێستا باوکم توڕەبێت.

مەبەستت لەوە چیە خاتوو ئۆلیڤیا، تۆ کێیت تـا بڕیارێکی لەوشێوەیە بدەیت؟
" باوکم بە توڕەییەوە گوتـی.