لا انتثى عودك وانا بينه وبين ظلاله

18

في الماضي
في ديرة بعيدة عن الرياض
طلع من المسجد وهو يذكر الله في كل خطوة رفع عيونه من نزول المطر الخفيف ابتسم بخفة يدعي الله حتى وصل لبيته،ابعد عنه الجاكيت يعلق ناظر لهدوء البيت اردف بصوت مرتفع:حنان وينك؟
رفع راسه من نزولها من الدرج بشرشف الصلاة واضح كانت تصلي ابتسمت:شلونك؟،تروح اليوم شغلك؟
ابو جواد اقترب منها يجمع كفه في كفّها يتقدمون للكنب يجلسون اردف:تعبان شوي بعتذر منهم
رفعت يدها بقلق تتحس حرارته نطقت:حرارتك مرتفعة قم لغرفتك
ابو جواد:حبيبتي خفيف ويروح
استقامت بحدة ام جواد:قم الحين بدون تجادلني
هممهم يقوم بتعب يتذكر عناد زوجته يتنهد بخفوت

في الليل الساعه ثلاث ونص قام من السرير شاف حنان النائمة ابتسم من طول كانت تعتني فيه،قام متجه للحمام يتوضى لقيام الليل،اغلق الباب على خفيف لا تستيقظ ام جواد نزل عن الباب اخذ الجاكيت يلبس من برودة الجو وضع يده على جيبه يمشي يتامل المباني
وقف يلمح جاره الذي طلع من السيارة في حضنه طفل
انزل راسه بحزن نطق بهدوء يُكمل المشي:يارب لا اعتراض على قدرك،اللهم ارزقنا الصبر،وارزقنا بالذرية الصالحه
شاف الحديقة المظلمة التي تضيء من القمر،جلس في إحدى الكراسي يستمتع بهدوء الليل والرياح الباردة
قاطعه صوت بكاء تلفت يمين ويسار،ظن يتوهم سم بالله
حتى اشدد صوت البكاء هنا تأكد من وجود احد
تمعن النظر يمشي بخطوات سريعة من سمع صوت بشده
حتى وصل لصناديق صغيرة جانب احدى الكراسي اقترب يبحث حتى عثر على المصدر وقد كان طفل حمله بين احضانه مصدوم نطق:كيف وصل هنا؟؟
رائف قلبه على ارتجاف الطفل ركض خارج من الحديقة يغطي جسد الطفل بجاكيت والشماغ من اجل يتدفى
—
تفحصت الطفل وهي خايفة وتغير الكمادات حتى خففت الحرارة بشكل ملحوظ وطفيف،استقامت تعدل ملابسه
التفتت على نظرات ابو جواد القلق:الحمدلله نزلت الحرارة
الحين وش نسوي؟
ابو جواد اقترب يرى نوم الطفل اردف:بكلم الشيخ احمد
اعلمه كيف نتصرف
هممت بتفهم ابتسمت من تقدم ابو جواد يجلس على ركبتيه يناظر لطفل بكل هدوء يتأمله:كم عمره تتوقعين؟
رتبت السرير تنسدح جنب الطفل نطقت:خبرتي في الطب قليله،اعتقد خمس شهور!

في الصباح اليوم التالي

من عادة ابو جواد يذكر الله وهو متجه للمسجد لكن كان شارد في الطفل طول الليل يفكر فيه،فز من صراخ باسمه:محمد ولد لي ساعتن اناديك
لف ابو جواد يسمى بالله كشر من الرجل الملقب"ناقل العلوم مايترك علم إلا يعرفه"نطق:فكنا من شرك في هذا الصباح
قلب عيونه مشى جانبه اردف:وش ماخذ فكرك؟
وقف يناظره استغفر بالله لا يقول كلام ياخذ فيه ذنب:
فارقني ابو وليد
مشى بخطوات سريعة لا يسمعه وصل يجلس في اول الصف يردد الأذكار بصوت خافت،انفتح الباب يدخل رجل كبير في السن ينظر لـ ناس تأكد من حضور الجميع صغيره إلا كبيرهم تقدم يأذن للصلاة ويصطف الجميع جانب بعض
بعد الانتهاء من الصلاة،جلس بعيد يقرأ ورده،استقام يتقدم لشيخ جلس وهو مايعرف كيف يقول،فهم عليه الشيخ:
ناقصك حاجة بغيت مساعدة؟؟
ابو جواد ابتسم من كرم الشيخ اردف:عازمك اليوم عندي،وأعلمك العلم اللي بخاطري
طبطب على كتفه الشيخ بابتسامة:يصير خير باذن الله
–
مشى لبيته نظر لـ ام جواد وهي تحاول تسكت الطفل يبكي
اردفت:لاتوقف جيب لي لهّاية
بحث عنها حتى وجود يمد لها،فرحة من سكوته تداعب انفه:ياحلوك،الله يحفظك
جلس بهدوء ينظر لهم التفت له اردفت:تشيل جواد؟
عقد حواجبه من نطقت باسم"جواد"الذي كان يتمنى يرزق بولد يسمى عليه الاسم،توتر:خايف يطيح
اقتربت ام جواد تضحك من تعابير وجهه:اجل امس من شال الولد؟
ابو جواد:كنت في حالة خوف لايموت الولد
ماهتمت له تحط في احضانه حمله متفاجئ،لانت ملامحه لسعاده من ضحكات جواد تُبهج من حُرم لذة الأبناء
—
بعد انتهاء صلاة المغرب
دق جرس الباب طلع ابو جواد يفتح ويرحب في الشيخ
ضيفه ابو جواد يسولفون عن الديرة ولأحوال الناس
حتى نطق بفضول:وش السالفة الصباح اليوم؟