اسطورة حب

فارس ووجد!

وابتدأت المحاضره عند المجموعتين
عند شوق ووجد كان ترتيبهم كذا
اروى بعدين وجد بعدين شوق وعلى يمين شوق مشعل وبعده فارس
شوق في نفسها:استغفر الله وين ما اروح الاقيه عندي نشبه الله ياخذه
مشعل حس انها متضايقه منه وحب ينرفزها زياده
وصار يتأفف كل شوي
شوق بصوت واطي:المفروض انا اللي اتأفف مو انت
مشعل ناظرها بطرف عينه:احد كلمك
شوق: كيفي انا ابي اتكلم انت وش دخلك
مشعل:اتوقع انك جالسه تكلميني
شوق:محد قال اني اكلمك
مشعل بسخريه:اجل انجنيتي وصرتي تكلمين نفسك
شوق عصبت:احترم نفسك
الدكتور سمعهم وقال:شوق ومشعل اخرجوا الان
شوق:و ولكن
الدكتور_:هيا بدون نقاش
قامت شوق وهي تتحلطم وقام مشعل وعنده الامر عادي
طلعوا برا وشوق جالسه تخانق مشعل وهو مو معطيها وجه
شوق:هييه انت تراني اكلمك
مشعل بإستهبال:اووه تكلميني انا
شوق تنرفزت:انت الكلام معك ضايع وخلته وراحت الكافيتريا
وهو راح وراها وجلسوا بطاوله مع بعض والصمت كان حوارهم
بعد وقت انتهت المحاضره عند المجموعتين وقامت لمار وميعاد مع شذى وراحوا الكافيتيريا
ميعاد:شوق وش بك نفسييه
شوق تناظر مشعل بطرف عينها:والله بعض الناس خربوا لي مزاجي
مشعل جالس يضحك عليها وخلاها تتنرفز زياده
شوق بنرفزه:اتوقع مافي شي يضحك
مشعل:والله بكيفي اضحك وقت ما ابي
شوق:امشوا بس امشوا ما ابي اجلس مع ناس مثله
وراحوا البنات جلسوا بطاوله ثانيه
وتعرفوا على اروى وشذى
شذى:بنات انتم وين ساكنين؟
ميعاد:بشقه
اروى:لحالكم
شوق :لا معنا وجه الثور ذاك هو وشلته
اروى وشذى كاتمين ضحكتهم عشان ما تعصب عليهم
لمار:حرام عليك ما سوا لك شي
شوق ناظرتها وما قالت شي
ميعاد تهمس للمار وشوق وشذى واروى:شوفوا بس وجد شكلها سرحانه في فارس احلامها وضحكت
لمار ضحكت ونادت على وجد وما ردت
شوق بإبتسامه:شكله ماخذ عقلها ونادت عليها
وجد:ها ها ايه وشو
البنات ضحكوا عليها وقالوا :اللي ماخذ عقلك يتهنى فيه
وجد ناظرتهم بحزن وابتسمت ابتسامه صفرا
لمار:يلا بنات المحاضره الثانيه بتبدأ
اروى:اليوم كم محاضره عليكم؟
ميعاد:ثلاثه وانتم
شوق:ذي اخر محاضره لنا
لمار:طيب انتظرونا بالكافيتيريا لين نطلع
اروى:طيب
وراحوا شذى واروى ولمار وميعاد لمحاضرتهم ومعهم الشباب
في المحاضره كانت ميعاد ساحبه على الدكتور وتناظر فيصل
فيصل حس فيها وناظرها وابتسم وقال:مضيعه شي بوجهي
ميعاد:ايه ها اقصد لا لا مافي شي ولفت ووجهها
وقعد فيصل يضحك عليها
راكان يهمس للمار:شوفي فيصل وميعاد
لمار ناظرتهم وضحكت على خفيف
راكان:فديت الضحكه
لمار استحت ولفت وجهها وقالت:تسلم
وابتسمت له ورد لها الابتسامه
وبعد وقت خلصت المحاضره وظلوا جالسين عشان محاضرتهم الاخيره
اما عند اروى وشوق ووجد ومشعل وفارس
كلهم كانوا على طاوله وحده
فارس:اففف طفش
شوق:ورا ما تسكت شوي
فارس:حاضر ماما
وجد كانت سرحانه وجالسه تناظر فارس
وتقول في نفسها:هو والله هو بس مستحيل يكون مو متذكرني
فارس لاحظها وقال:مضيعه شي في وجهي وابتسم
وجد ناظرته شوي وقالت:ايه مضيعه
فارس :وش هو عشان ادور معك (ابتسم)
وجد وعيونها دمعت:مستحيل تكون نسيتني مستحيل تكون ما تعرفني
كلهم استغربوا منها وناظروا لفارس
فارس بإبتسامه:اكيد غلطانه يا اخت
وجد وهي تبكي:لا مستحيل اكون غلطانه مستحيل انساك
مشعل :طيب اهدي خلينا نعرف ايش السالفه
فارس ناظره وكأنه يقول اسكت انت
وقام فارس من كرسيه ووقف قدام وجد
فارس فتح يدينه الاثنين وابتسم وقال:في احد ينسى......
وانتهى البارت #نذاله
ابي توقعاتكم