اسطورة حب

...

ثاني يوم الصبح صحوا كلهم وتجهزوا وراحوا للجامعه
تسريع الاحداث
انتهت محاضراتهم وراحوا للكافيتيريا
وميعاد كان كل همها تعرف فيصل مين يحب
وقررت تكلم اروى وهم راجعين عشان تسألها وتعرف
فارس:يلا يا جماعه مو ناويين ترجعون
راكان:الا يلا
وقامول كلهم وبالطريق ميعاد سحبت اروى وسألتها
ميعاد:اروى ماقلتي لي فيصل وش قال لك
اروى:هاه لا ابد ما في شي
ميعاد:يلا تكفين قولي ابي اعرف
اروى حست بغصه وكانت بتبكي وقالت:يحب يحب وصارت تبكي
ميعاد استغربت منها وجلست تهدي فيها
ميعاد:بسم الله اروى وش فيك
اروى ما كانت تتكلم بس تشاهق
شافهم فيصل وراح لهم
فيصل:اروى وش فيك ليه تبكين
اروى لما سمعت صوته صارت تبكي اكثر
فيصل:ميعاد وش فيها وش سويتي لها
ميعاد:والله ماسويت شي انا سألتها عن شي وفجأه صارت تبكي
فيصل:طيب حصل خير
اروى حاولت تهدي نفسها وبطلت تشاهق بس دموعها تنزل
وناظرت لفيصل وعيونها مليانه دموع وقالت بإبتسامه مصطنعه:لا تشيل في بالك انا بس كنت مخنوقه عشان كذا بكيت
فيصل ارتاح:الحمد لله طيب انتي بخير الحين
اروى:ايوه بخير الحمد لله
ميعاد:اروى انتي بخير
اروى ناظرت لها شوي وقالت:ايه بخير وراحت عنها
ميعاد:وش فيها
فيصل درا وش فيها بس قال:مافيها شي شكلها مخنوقه
ميعاد تنهدت وقالت:طيب
ووصلوا للبيت وميعاد وفيصل راحوا لغرفهم على طول
سليم:وش فيهم
وجد:ماندري
شوق:شكلهم تخانقوا مره ثانيه
مشعل قال بإستغراب:تخانقوا !؟
شوق:ايه ما لاحظتم انهم صاروا بس يتخانقون
لمار:الا انا لاحظت بس غريبه يعني ماكانوا يتخانقون ابدا
راكان:يمكن صاير معهم شي عشان كذا تخانقوا
ناصر:الله اعلم
فارس:طيب يلا روحوا اعملوا الاكل ترانا جوعانين
وجد:طيب
ودخلوا المطبخ وسووا الاكل وحطوه واكلوا وجلسوا بالصاله
ميعاد كان كل تفكيرها ليه اروى بكت وليه تتجنبها
اما فيصل فكان خايف ان اروى تقول شي وينفضح
شوق للحين تفكر بموضوع زواجها وتفكر بشي يخلي هذا الزواج ما يتم
وجد كانت تفكر في سليم وليه اخر مره قال هذا الكلام
سليم كان يتمنى ان وجد تفهمه وتحس فيه
لمار قطعت سكوتهم وقالت:سولفوا وش فيكم هاجدين مو على عادتكم
راكان:احنا بكرا كم علينا محاضره
لمار:ثلاثه بس
راكان:وانتم يا مشعل
مشعل:اتوقع اثنين
فيصل:يعني بتطلعون قبلنا
شوق:ايه
فارس:طيب دام بنخلص بدري خلونا نسوي شي بكره
وجد:مثل ايش
سليم:وش رايكم نروح اول شي مطعم نتغدا وبعدين نروح السوق وبعدين نروح اي مكان ثاني
ميعاد:ايه ايه حلوه الفكره
ناصر:خلص اتفقنا بس وش رايكم ناخذ معنا شذى واروى
وجد ناظرت له بطرف عينها وقالت:الا ناصر وش فيك مهتم بشذى كذا
ناصر:هاه لا ما في شي بس يعني حرام نخليهم لحالهم وكذا
ميعاد:يالكذاب هذا وجهي ان ما كان في شي
ناصر:ايه خلص احبها عندكم مانع
فارس صار يصفر وقال:الله الله صار عندنا عصفور حب ثاني
ناصر ضحك عليه هو وراكان
ودخلوا كلهم ناموا
انتهى البارت