اسطورة حب

....

ثاني يوم الصباح
مشعل:فهود تعال ابيك شوي
فهد:هلا
مشعل بضيق:الحين ابي افهم انت وش قلت لابوي عشان يسوي كذا
فهد:والله ما قلت له شي هو اللي قرر بنفسه
مشعل:ابي افهم ليش يسوي فيني كذا
فهد حط يده على كتف مشعل وقال:الله يعينك يا اخوي والله مدري وش اسوي
مشعل حب يغير للموضوع وقال بإبتسامه:اهم شي انت وش اخبارك مع..(وغمز له)
فهد بإحراج:مالك دخل شي ما يخصك
مشعل ضحك عليه وقال:ترا انا بكلمه وحده بس اقدر اخليها ما توافق
فهد:ما تقدر لانك ما تعرفها
مشعل:هيه ترا اختها معي بالجامعه
فهد:احلف
مشعل:ايه والله
فهد بوجه طفولي:مشعل اخوي حبيبي تدري اني احبك واموت فيك
مشعل ضحك على تصرفه وقال:ايه الحين صرت تحبني
فهد:ايه اخاف تلعب براس اختها ومايوافقون علي
مشعل بإبتسامه:الله يهنيكم مع بعض ومبروك مقدما
فهد بإبتسامه من قلب:الله يبارك فيك
عند ميعاد
خرج من الغرفه وهو ما يدري وش يقول ولا وش يسوي
سليم بضيق:الحين شلون بقول لها شلون بتكون ردت فعلها كنت دايما خايف ان اليوم ذا يجي اهه مدري وش اسوي يارب ساعدني
وراح لغرفة ميعاد طق الباب ودخل بعد ما اذنت له ميعاد
ميعاد بإبتسامه:هلا سليم تبي شي
سليم بإبتسامه صفرا:ميعاد حبيبتي انتي تعرفي اني احبك صح
ميعاد بإستغراب:سليم وش فيك ليش تقول كذا
سليم :ميعاد ترا ...
ميعاد توترت وحست ان اللي بيقوله خبر مو زين:سليم تكلم قول وش في، ابوي او امي صار لهم شي
سليم بنفسه:اهه والله انك طيبه تسألين عنهم وهم ما فكروا فيك حتى
سليم بإبتسامه:لا مافي شي بس كنت امزح معك
ميعاد:الله ياخذ ابليسك خوفتني
سليم بضحك:اسف اسف
ميعاد:يلا انقلع برا
سليم:افا تطرديني
ميعاد:ايه وسكر الباب وراك ابي انام
سليم:اوك
وطلع من عندها
عند وجد
وجد في نفسها:استغفر الله وش ذا توني شايفته امس وبسرعه اشتقت له لا يكون بس (وهزت راسها بقوه عشات تطرد ذي الافكار) لا لا وش ذا اكيد ذا مجرد شعور عادي مو شي ونزلت عند ابوها وفارس وجلست معهم
عند لمار
لمار:ماما
الام:هلا بنتي
لمار:ماما ابي اطلع
الام:وين تبين تروحين
لمار:اي مكان خلينا نغير جو شوي
الام:والله انا تعبانه خذي لميس وروحوا السوق مع بعض
لميس:وناااسه بنروح السووق
الام بضحك:الله يهديك
لميس تشد يد لمار وتقول:يلا يلا بسرعه روحي البسي عشان ما نتأخر
لمار:طيب شوي شوي
ولبسوا وراحوا السوق
عند شوق
شوق كل يوم حالتها تزداد سوء عن قبل وكل يوم تدعي على ذا اللي يبي يتزوجها وتدعي ان الله يفك كربتها ويعينها على ما ابتلاها وتفكر بالكلام اللي قالته لمار
شوق بنفسها:طيب هي وش دراها انه ما يكرهني وهي اصلا شلون عرفت اني احبه اخخ بس وراحت الحمام(اكرمكم الله)تتروش عشان تفوق
بليل
لميس ولمار رجعوا من السوق تعبانين وناموا
وميعاد كالعاده تنام الصبح وتصحى بليل وكلهم نايمين
وجد سوت العشا وتعشوا وراحت هي وابوها وفارس ينامون
فيصل مثل حالة ميعاد يسهر باليل
مشعل وفهد يحبون ينامون بدري
اما ناصر فجلس يسولف مع شذى بعدين سكر منها ودخل ينام
في جده
شذى واروى دخلوا البيت مع الحرمه وكل وحده اخذت لها غرفه
اروى صحت بليل الساعه 2 لانها ما عرفت تنام زين لانها مو متعوده على المكان
ونزلت للمطبخ تشرب وسمعت صوت بالصاله ما اهتمت وجت بتطلع وصدمت بشي قدامها وطاحت وكان ظلمه وماشافت غير شخص طويل قدامها
اروى بخوف وصراخ:حرااا...
ما كملت كلامها لان.....
انتهى البارت