اسطورة حب

يوم السفر

ميعاد اتصلت على البنات جماعي
ميعاد:بناااات مو قادره انام من الوناسه معقوله بكره بنساافر مو مصدقه
شوق وهي تضحك:الا صدقي وبطلي هبال وروحي نامي ورانا سفر
لمار بفرح:تدرون اول مره بحياتي اسافر من دون امي او اختي
وجد:وانا بعد يخي حمااس نسافر بدون اهلنا
شوق وهي تضحك عليهم:والله انكم مهابيل خلو السماجه عنكم وروحوا ناموا يلا
لمار:يلا تصبحون على خير
البنات:وانتي من اهله
وسكروا وراحوا ناموا

اليوم الثاني الساعه 5 الفجر صحوا ابطالنا وتجهزوا عشان سفرتهم
ميعاد:سلييييييم يلا بسررعه تأخرت
سليم وهو ينزل من على السلم بسرعه:جيت جيت
وركبوا السياره وراحوا المطار

عند لمار
لمار تبوس راس امها وتحضنها:بشتااق لك حيل يمه
الام وهي تبكي :الله معك يابنتي انتبهي لنفسك
لميس وهي تبكي:لمو لا تخليني وتروحين
لمار والدموع بعيونها:ماراح اتأخر حبيبتي بخلص دراستي وبرجع على طول اهم شي خليك عاقله واهتمي بأمي زين ولا تتعبينها واسمعي كلامها
لميس تهز راسها وتبكي

نبذه عن لميس(اخت لمار الصغيره عمرها 16 اول ثانوي طيوبه وهبله وفلاويه عكس اختها )

ودعتهم لمار وراحت المطار

عند شوق
شوق:يلا مامي بابي انا طالعه الحين
الام والاب:الله معك يابنتي
وراحت شوق مع السواق ياخذون وجد
عند وجد كانت شوق تنتظرها برا
وجد تحضن ابوها وتبكي:مع السلامه راح اشتاق لك
الاب:مع السلامه يابنتي اهتمي بنفسك وخليك عاقله
وجد:ابشر يبه يلا مع السلامه
وراحت وجد مع شوق ووصلوا كلهم للمطار

الساعه 6 ونص نادوا على طيارتهم
ميعاد والدمعه بعيونها:مع السلامه سليم انتبه لنفسك
سليم بإبتسامه ومزح:اخيرا بنفتك منك
ميعاد بإبتسامه صفرا:بشتاق لك
سليم :وانا اكثر انتبهي لنفسك
وجد:يلا ميعاد تأخرنا
ميعاد:يلا مع السلامه
وراحوا البنات وركبوا الطياره

الطياره كانت عباره عن ثلاث كراسي بالوسط وكرسيين على اليمين وكرسيين على اليسار
كان ترتيب البنات: وجد وميعاد وشوق بالثلاث كراسي اللي بالوسط ولمار لوحدها بكرسي من الكرسيين اللي على اليمين وكان في ولد جالس بالكرسي اللي جنبها

لمار بخوف:بنات انا خايفه ما ابي اجلس لحالي
وجد بتعاطف معها:ياحبيبتي لا تخافين كلنا جنبك
ميعاد بدفاشه:ياخبله وش تخافين ما راح ياكلك اهجدي بس واجلسي وبعدين شوفيه شلون يخقق اه بس لو كنت مكانك
لمار:خلص خلينا نبدل
ميعاد:لا مافي روحي اجلسي يلا
وجلست لمار بعد وقت طويل من الاقناع
لمار بتوتر وهي تنادي المضيفه:ل لو سمحتي ممكن تجيبين لي ماء
المضيفه:اوك دقيقه واحده
التفت لصوت انثوي هادي بجنبه وهو منصدم من ذي الملاك اللي جالسه جنبه (ملاحظه البنات متحجبات بس بدون غطا وجه)
انصدم من ملامح وجهها الطفوليه او بمعنى اصح انبهر من جمالها
لمار حست انه يناظر فيها وخافت انها تلتفت وصارت ترجف
.... لاحظ انها ترتجف وقال :وش بك ليش ترتجفين
لمار انصدمت لما كلمها ولفت وجهها عليه وانبهرت هي الاخرى بجماله
رزه ورجوله وملامحه حاده لاحظت لمار انها طولت وهي تناظره ولفت وجهها
وقالت بتوتر : م مافيني شي وجابت لها المضيفه الماء وشربته

بعد وقت اعلن الكابتن عن اقلاع الطائره
لمار لانها كانت اول مره تركبها كانت حيل خايفه وترجف تبي احد من البنات يلاحظها بس كان كلهم مشغولين مو معها
ولما بدأت الطائره تقلع غمضت لمار عينها بقوه ومسكت يد اللي جنبها لا اراديا
استغرب من اللي مسك يده التفت وشافها مغمضه عيونها وخايفه ضغطت على يدها اكثر كأنه يقول لها تطمني انا معك.
بعد ما استقرت الطائره في الجو
فتحت عينها بصعوبه ولاحظت انها كانت ماسكه يد اللي جنبها سحبتها بسرعه
وقالت بصوت مبحوح: ا انا ا اسفه
....:لا عادي ماصار شي ، الا قوليلي ايش اسمك انتي
لمار تعجبت من سؤاله وقالت: لمار اسمي لمار وانت ايش اسمك
.... بإبتسامه:عاشت الاسامي لمار معك .....
انتهى البارت اتمنى يعجبكم