اسطورة حب

الوصول لارض بريطانيا

..... بإبتسامه:معك راكان
لمار ابتسمت:تشرفت
.....:هييه مشعل شف شف راكان وش يسوي
مشعل يلتفت ويضحك:الله يقطع ابليسك يافارس خليه لحاله
فارس:من متى وراكان يسوي كذا والله ما عرفته
فيصل:اقول ورا ما تسكت ازعجتنا
ترتيب الاولاد كانوا فيصل ومشعل وفارس بالكراسي الثلاثه اللي بالنص ورا البنات
وراكان جنب لمار

نروح عند البنات
شوق:اقول بنات شوفوا لمار وش تسوي من شوي تقول خايفه والحين تهذر معه
ميعاد وهي تضحك:والله وطلعتي منتي بهينه يا لمو
وجد:اقول بنات ابي اروح الحمام مين تجي معي
ميعاد:احلفي بس بزر انتي نجي معك
وجد:يلا عاد ابي اروح ومابي اروح لحالي
شوق:قومي بس قومي جايه معك
وجد :يلا
وراحوا للحمام

عند الاولاد
مشعل:يا شباب بروح الحمام طيب
فارس وفيصل:طيب
دخلت وجد الحمام ووقفت شوق تنتظرها برا
هو عباره عن حمامين قدام بعض وجد في اللي باليسار وشوق موقفه عند الحمام اللي على اليمين
جا مشعل وشاف شوق واقفه واستغرب من وقفتها
قرب منها وقال:لو سمحتي في احد في الحمام؟
شوق:لا مافي
مشعل بإستغراب من تصرفها:طيب ابي ادخل
شوق:اففف طيب وبعدت عن الباب
مشعل :هبله انتي ولا تستهبلين وبعدين على ايش رافعها خشمك ياحظي على جمالك ولا على مالك
شوق اتنرفزت من اسلوبه:هييه انت ترا ما اسمح لك تتكلم عني كذا
مشعل:ومن انتي عشان تسمحين لي ولا لا
شوق:احترم نفسك واعرف من تكلم
مشعل بإستهزاء:لا يكون اكلم الملكه اليزابيث وانا مدري
شوق تنرفزت وعصبت وكانت بتتكلم بس شافت ميعاد جايه عندها
ميعاد:وش فيك صوتك عالي واصل لاخر الطياره
شوق يعصبيه:الاخ مو محترم نفسه ويغلط علي
مشعل ما اعطاها وجه ودخل الحمام وسكر الباب
شوق بنرفزه:شوفي وش سوا
ميعاد كاتمه الضحكه:يلا بس امشي وجد طلعت
ورجعوا البنات لأماكنهم

لمار بصوت واطي:بنات وش فيكم كلكم قمتم وانتي يا شوق وش فيك
شوق بعد ماهدت:مافيني شي لا تشغلين بالك بس في واحد كان يستهبل وخانقته
لمار بعدم اقتناع:اها
راكان: وش فيهم
لمار بهدوء:مدري بس شوق تقول انها خانقت واحد لانه يستهبل عليها
راكان:اها
وهدت الاوضاع وناموا ابطالنا

وبعد ساعتين وصلت الطائره الى ارض بريطانيا
ميعاد بفرح ودفاشه:بنات بنات يلا اصحوا وصلنا
شوق:طيب بس اهدي
عند راكان
راكان بهدوء: لمار لمار يلا اصحي وصلنا
لمار وهي تفرك عينها:اممم طيب
ابتسم راكان على حركتها الطفوليه وقام راح لشلته
فارس بخبث:اقول ركوني الجلسه هناك حلوه ولا
راكان فهم قصده:وش ركوني ذي اصغر عيالك انا وبعدين مالك دخل اذا كانت حلوه ولا لا (ابتسم)
فارس يصفر:اوووه شكلها خذت عقلك
راكان بإبتسامه:طس بس
عند البنات ميعاد كانت تبي تنزل شنطتها من الدرج ذاك اللي فوق الكراسي
بس ماقدرت تنزلها لانها قصيره
ميعاد:اففف والحين ذي من ينزلها
شافها وحب يساعدها
....:اي وحده هي شنطتك؟
ميعاد فهت فيه:هاااه
.... ابتسم على شكلها وقال:اي وحده شنطتك عشان انزلها لك
ميعاد:ها ايه ايه ذي شنطتي
ونزلها له
ميعاد بدفاشه:شكرا . الا وش اسمك انت
....ابتسم على هبالها:اسمي فيصل
ميعاد:تشرفت بك فيصل معك ميعاد
ابتسم لها فيصل وراح
ميعاد راحت للبنات وهي ماسكه قلبها
ميعاد:اهه لو تدرون وش صار لي بس
وجد بضحكه:وش صار
ميعاد:قابلت فارس احلامي اخخ بس لو تشوفونه
لمار :شلون شكله
ميعاد اشرت عليه وكان واقف جنب راكان
لمار ناظرت ميعاد بصدمه وقالت:ميمي وش اسمه ذا فارس احلامك
ميعاد بتنهيده:فيصل
حست لمار بإرتياح لما قالت لها انه مو راكان
لمار في نفسها:استغفر الله وش ذا توني مقابلته ومسرع حبيته لا لا اكيد بس من التعب جالسه اتوهم
وراحوا البنات يستأجرون لهم شقه يرتاحون فيها
وانتهى البارت