اسطورة حب

شخصيه جديده

وسكرت لمار ونامت وهي مو مقتنعه باللي قالته له امها
في مكان ثاني حارج بريطانيا
...:ابوي اقولك لحالهم ما معهم احد
الاب:وانت وش دراك
...:شفتهم وسمعتهم
الاب:طيب انت ليش كذا مهتم
...:هاه لا مو شي بس يعني حرام وكذا
الاب:فهد قول لا تخاف
فهد:صدقني يبه ما في شي
الاب ابتسم ويدري ان ابنه يكذب عليه:طيب اعطيني اسمه
فهد:اسمه......(اعطاه الاسم)
الاب:خلص ابشر لك اللي تبيه
فهد بفرحه باس يد ابوه:تسلم يبه ما قصرت الله يخليك لي ولا يحرمني منك
الاب ضحك:ويخليك لي انت واخوك ولا يحرمني منكم
ثاني يوم الصباح عند الشباب
كلهم قاموا وتجهزوا وراحوا للجامعه
شوق تكلم اروى:اروى انتي بخير
اروى بإبتسامه:ايه الحمد لله
ميعاد في نفسها:انا ما ابي اخسر صديقاتي عشان شخص احبه انا راح اعاملها زين وزي ما قالت لمار القرار الاخير لفيصل مو لنا
ميعاد:اخبارك اروى
اروى:بخير وانتم كلكم اخباركم
كلهم:بخير الحمد لله
ووصلوا الجامعه
وماكان في شي مميز حصل
غير ان ميعاد قابلت جاك هناك
...:لا تناظرين له وامشي عادي
ميعاد:فيصل!
فيصل:وشو
ميعاد:هاه لا ولا شي
فيصل ابتسم وقال:يلا امشي بيروحون ويخلونا
ميعاد ردت له الابتسامه:يلا
وراحوا للشباب
لمار تغمز لميعاد:افا يا ميمي وش ذا التقدم
ميعاد استحت:انقلعي عني ما صار شي
لمار:ايه واضح ما صار شي
ميعاد:ايه ويلا هش بس
لمار:الشرهه مو عليك الشرهه على اللي يكلمك وراحت وخلتها
وميعاد جلست تضحك عليها
...:وش فيه الحلو زعلان
لمار كانت معصبه:حلو بعينك
..:افا في احد يزعل على راكان
لمار:راكان وش تبي
راكان بإبتسامه:ابيك تعطيني وجه
لمار:ما ابي يلا روح عني
راكان:ماراح اروح
لمار:كيفك سوي اللي تبيه
راكان:طيب احبك
لمار:اففف قلت اب.........نععععععم
راكان ابتسم:باي باي
لمار:هيييه اصبر
راكان سحب عليها وراح وخلاها
لمار بإحراج:مجنون ذا
شوق:وش فيك صايره حمرا كأنك طماطم
لمار:هاه لا مافيني شي بس الجو حار
شوق:اهه ططييب
شذى:يا شباب تعالوا نروح نتغدى برا
مشعل:فكره حلوه موافقين!
كلهم:اكيييد
وراحوا لمطعم ايطالي
اروى:بس انا ولا مره ذقت الاكل الايطالي
فيصل بإبتسامه:لا تخافين بيعجبكم صدقيني
اروى ردت له الابتسامه:دامك قلت بيعجبني اجل بيعجبني
ميعاد كانت شايفتهم وسامعتهم وقالت في نفسها:عادي يا ميعاد ماصار شي هو بس قال بيعجبها ما صار شي...بس هو ولا مره كلمني كذا...يووه هو قالها بحسن نيه ماكان قصده شي اكيد وهزت راسها كأنها تطرد هذي الافكار ودخلت وراهم المطعم
دخلوا وجلسوا كلهم بطاوله وحده كبيره الشباب بجهه والبنات بجهه
وكان في ثلاثه منيو بس على الطاوله
وكان كذا ترتيبهم
راكان قدام لمار
مشعل قدام شوق
سليم قدام وجد
ناصر قدام شذى
فيصل قدام اروى
فارس قدام ميعاد
اخذت شوق المنيو وجات بتفتحه بس في احد سحبه منها
شوق:هيييه رجعه وبلا سماجه
مشعل:وان قلت ماراح ارجعه
شوق:والله انك بزر واخذت المنيو اللي مع لمار وقالت لها هي ووجد يناظرون مع ببعض
وراكان ومشعل وسليم مع بعض
ناصر وشذى واروى مع بعض
فيصل وفارس مع بعض
ميعاد:طيب وانا
فارس:تعالي معنا
ميعاد ناظرت لهم شوي وبعدين قربت منهم وشافت معهم
راكان:يلا اعطوني طلاباتكم عشان اروح اطلب
ناصر:بجي معك
واخذوا الطلابات وراحوا
فيصل:بروح الحمام(اكرمكم الله)
اروى:وانا بعد
وراحوا واروى ما دخلت ظلت تنتظر فيصل برا
فيصل طلع واستغرب انها واقفه تنتظره:اروى فيك شي
اروى:هاه لا بس كنت ابيك شوي
فيصل:اتفضلي قولي وش عندك
اروى نزلت راسها:فيصل انا احبك
فيصل ابتسم ابتاسمه عريضه ورفع راسها وقال:.....
انتهى البارت