اسطورة حب

....

مرت الايام بسرعه وميعاد مازالت مقرره انها ماراح ترجع
وابطالنا يأسوا من كثر ما يدورون عليها ومايلقونها الا شخص واحد كل يوم يروح يدور عليها يبي يقول لها الحقيقه بس للأسف ما يلقاها
باقي على اجازة نص السنه اسبوعين
كل ما يقرب وقت الاجازه ابطالنا يفرحون الا شخص واحد
شوق كل ما تقرب الاجازة قلبها يوجعها وتتمنى الموت قبل لا يجي ذاك اليوم وتنخطب لواحد ما تبيه
وجد بفرح:باقي اسبوعين وبنسافر
لمار:اخخ بس احس ذي السنه بتطول
شوق:عساها يارب تطول وما تخلص
راكان حب يغير الموضوع:حرام عليك لو طولت ماراح اقدر اخطب لمو
لمار استحت من كلامه وما ردت
فارس:الله الله وش ذا الحب
مشعل:لا تصير واثق بس يمكن ما يقبلوك
راكان:فال الله ولا فالك يخي على الاقل بارك
ناصر وفيصل بفرح لصديقهم:مبروووك منك المال ومنها العيال
لمار كل شوي وجهها يصير احمر اكثر واكثر
سليم بإبتسامه:مبروك الله يهنيكم مع بعض وقام راح غرفته
وجد بحزن:هو لين الحين يدور عليها
فارس بحزن:هو الوحيد اللي ما فقد الامل
ناصر:الله يصبره يارب
لمار بحزن مو هاين عليها تسافر بدون صديقتها ولا تفرح بخطوبتها بدونها كل شي كانوا يسوونه مع بعض كأنهم توأم
لمار بحزن وصوت مبحوح:ذي بتكون اول مره نسافر فيها من غيرها
شوق بحزن:اول مره بس ماراح تكون اخر مره
فيصل:مر شهرين وهي مختفيه ما ندري شي عنها
مشعل:ميعاد بخير هي صدق مرجوجه بس عاقله وراح تكون بخير
ناصر:الله يعين
عند شذى واروى
يكلمون خالتهم
اروى تكلم بدر:ايه ما قلت لي مو ناوي تتزوج
بدر:ايه صح ذكرتيني ابيك تدورين لي على وحده بريطانيه مزيونه كذا وتصلح لي
اروى بغصه:بتتزوج بريطانيه
بدر بإبتسامه:ايه يازينهم جمال ورشاقه وكل شي فيهم زين
اروى:وش تبي منهم كفار قليلين ادب
بدر ضحك:وش فيك بسم الله طيب عادي بخليها تسلم
اروى بنرفزه:ماراح ادور لك ولا راح اجيب لك
بدر:عادي بقول لشذو حبيبتي هي بتجيب لي
(ملاحظه بدر وشذى يتعاملون زي الاخوان بالضبط)
اروى بعصبيه:انقلع عني انت وشذو حقتك وسكرت بوجه
اروى تبكي:ليش كل ما احب شخص يكون ما يحبني ليش دايما حظي كذا وظلت تبكي
شذى كانت داخله وهي فرحانه تبي تقول لها ان ناصر بيتقدم لها بالاجازه وانصدمت لما شافتها تبكي
شذى بخوف:اروى حبيبتي فيك شي
اروى مسحت دموعها بسرعه وقالت:لا مافيني شي
شذى جلست على السرير جنب اروى وقالت:حبيبتي تكلمي قولي وش صار
اروى بحزن والدموع تنزل:شذى قولي الصراحه انا مو حلوه صح انا مو زينه انا اخلاقي مو حلوه انا كل شي فيني شين صح
شذى:بسم الله عليك من قال كذا لا والله هذا زينك تجننين
اروى تبكي:انتي كذابه انا مو حلوه
شذى بتنهد:طيب قولي وش صار عشان تقولين كذا
تروى ببكاء:بالاول حبيت فيصل وطلع يحب غيري والحين لما نسيته وجيت احب غيره قالي ابي اتزوج بريطانيه
شذى ضحكت لانها عرفت انه بدر:هههههههه تقصدين بدر صح
اروى هزت راسها بمعنى ايه
شذى بإبتسامه:يمزح معك ما يقصد شي
اروى:الا هو ما يحبني هو يحسبني اخته
شذى بهدوء:طيب انتي سألتيه
اروى وهي تمسح دموعها:لا
شذى:طيب خلص دامك ما سألتيه لا تحكمين
اروى:اصلا بدون ما اسأله باين انه يعتبرني اخت
شذى:خلص بالاجازه لما ننزل جده اسأليه وبنشوف اذا يحبك او لا
اروى بعد ما هدت:طيب انتي وش كنتي تبين
شذى ضربتها على كتفها وقالت:ايه صح كنت بنسى وقالت بإبتسامه عريضه:ناصر بيخطبني بالاجازه
اروى بفرح كبير لاختها وتوأمها:صاادقه
شذى بفرح:ايه والله
اروى حضنت اختها وباركت لها وقالت بفرح ودموع:والله وكبرتي يا شذى وبتتزوجين وتخليني اه بس
شذى بإبتسامه هاديه:حسستيني كأنك امي
اروى مسحت دموعها:الله يوفقك ويهنيك معاه
شذى:امين ياحبيبتي ويرزقك الزوج الصالح
اروى بإبتسامه:لا خلص انا قررت ابي اعنس
شذى:لا بالله احلفي
اروى:ايه احسن عشان ما اوجع راسي
شذى:اقول اص بس بتتزوجين غصب عنك
اروى:طيب يصير خير
شذى ضربتها بالمخده وقالت:يلا نامي عندنا اختبارات
وناموا ابطالنا كلهم الا اثنين
الاولى شوق صاحيه تفكر بمصيرها وبزوجها وبحبيبها ما تدري وش تسوي خلص الخطوبه قربت وما بإيدها شي غير انها توافق ونامت وهي تبكي ما تبي ذا الشخص
اما الثانيه فهي ميعاد
تناظر بجوالها تقرأ رسايل لمار وتبتسم والدموع على خدها
ميعاد بفرح وحزن بنفس الوقت:الله يوفقك ويهنيك معاه كنت اتمنى اكون معك بس خلص لازم تتعودون انكم تعيشون بدوني لاني مستحيل ارجع وسكرت جوالها ونامت وهي تفكر بمستقبلها وش راح تسوي فيه
مرت الايام والاسابيع
واليوم يوم سفرهم
كلهم تجمعوا بالمطار بدري لعل وعسى يلاقون ميعاد
سليم بيأس:ماراح تجي
لمار:الله يوفقها وين ما كانت
وركبوا طيارتهم وكل واحد يفكر بمصيره وبمستقبله
نزلت الطياره على ارض الرياض
ونزلوا ابطالنا منهم اللي فرحانين ومنهم اللي زعلانين
مشعل:ناصر ليش ما جاء
فارس:بيروح بطيارة جده
شوق:ليش
وجد:عشان بيخطب شذى
راكان وفيصل:الله يوفقهم
وجد:حرام عليكم كلكم بتتزوجون الا انا
فيصل:وانا بعد ترا لا تنسيني
فارس:وانا كمان
وجد:الله شكلنا بنعنس
سليم ناظر لها وابتسم
ابتسامه خفيفه وقال:يلا خلونا نمشي
وخلصوا اجراءاتهم وكل واحد راح لبيته
كل عائلة استقبلت اولادها بحراره وفرح الا شوق
شوق دخلت الصاله ما لقتهم طلعت للغرفه لقت امها وابوها نايمين
شوق بإبتسامة سخريه:فعلا تغيرتوا حتى موعد طيارتي نسيتوه وطلعت لغرفتها وهي حابسه دموعها
اما عند سليم دخل البيت حس انه هادي وماله طعم بدون ميعاد
امه شافته وراحت سلمت عليه وقالت بكره:وين ذيك اللقيطه
سليم ناظر لها بإستحقار:هه اللقيطه اللي تتكلمين عنها اختفت خلص ماعاد في شي اسمه ميعاد خلص تركت لكم البيت ما تبي تشوف وجهكم مره ثانيه
منار بفرح:والله احسن ريحتنا منها
نايف انصدم:كيف ياسليم شلون اختفت وليه
سليم بسخريه:تسألني ليه اسأل نفسك لا تسألني انا ذي بنت يتيمه مسكينه فقدت حنان امها وابوها وانتم بدل ما تعطونها ذا الحنان ترمونها وما تهتمون فيها والله لو ظلت بالدار بيكون اهون لها من هنا وطلع وخلاهم مصدومين من كلامه
وانتهى ذا اليوم بتعب لسليم وشوق
ثاني يوم العصر عند شوق
محمد دخل على بنته وقال ببرود:جهزي نفسك اليوم بعد صلاة العشاء خطوبتك
شوق منصدمه:ايش وش تقول
محمد طلع ببرود:زي ما سمعتي
شوق من صدمتها ما عرفت تتكلم
مها دخلت عليها وبكت على حال بنتها وحضنتها وقالت:الله يوفقك يابنتي
شوق فاقت بصدمتها وقالت ببرود عكس اللي تحس فيه:ماما ابي اتجهز ممكن تخليني لحالي شوي
مها طلعت وهي تبكي ما تعرف وش تسوي
شوق قامت فتحت دولابها وطلعت لها فستان زهري ماسك من فوق وواسع من تحت وبدون اكمام وعليه لمعه فضيه وطلعت كعب فضي بشريطه تتلف حوالين الرجل
ودخلت تتروش وكل ذا وهي ما نزلت دمعه وحده
طلعت وتجهزت وحطت مكياج خفيف بالحيل واتصلت على وجد ولمار وقالت لهم يجون لها بسرعه
بعد وقت دخلت لمار ووراها على طول وجد
لمار بخوف:شوق انتي بخير
شوق بإبتسامه:ايش رأيكم بشكلي
لمار ووجد ناظروا لبعض وقالوا بتوتر:جميله
شوق بنفس ابتسامتها:وش فيكم ترا اليوم خطوبتي ليش مو فرحانين
وجد بتوتر:ش شوق انتي بخير
شوق تضحك بصوت عالي:ليه وش فيني
لمار:شوق انتي موافقه
شوق اختفت ابتسامتها وناظرت لهم بحزن:ماراح تباركون لي
وجد ولمار حضنوها وهم يبكون وقالوا:مبروك يا احلى عروسه
شوق كانت بتبكي بس مسكت نفسها وكانت بتتكلم بس قطع عليها دخول امها للغرفه
مها بإبتسامه:يلا ياعروسه الناس ينتظرون
شوق مسكت يد لمار وقالت:انا خايفه
لمار شدت على يدها وقالت:لا تخافين احنا معك
ونزلوا من على السلم تتقدمهم شوق
لمار كانت لابسه فستان اسود لنص الساق بدون اكمام وحزام من الحرير على الخصر لونه احمر وكعب احمر واكتفت بروج احمر وكحل
وجد كانت لابسه فستان ذهبي بأكمام طويله وقصير فوق الركبه بشوي وكعب ذهبي بشريطه تتلف على الرجل ومكياج خفيف نزلوا من على الدرج وانبهروا من جمالهم
ما كان موجود غير خالات العريس لانه امه متوفيه وما عنده اخوات
كلهم اول ما شافوا البنات صلوا على النبي من جمالهم
اكبر وحده فيهم:بسم الله ماشاء الله ايش هذا الجمال
الثانيه:تبارك الرحمن انا لازم اخطب وحده فيكم لابني ووجهت كلامها للمار وقالت:موافقه حبيبتي
لمار بحرج:تسلموا خالاتي بس انا محجوزه
الثانيه:يا خساره تتهنون ان شاء الله
الثالثه:الحين مين فيكم شوق
شوق ناظرت لهم وخدودها حمراء من الاحراج:انا
اكبر وحده:ماشاء الله عليك ياحظ ولدي فيك
شوق اكتفت بإبتسامه
وجلسوا يسولفون لين جاء الشيخ ووقعت شوق
محمد قال لامها ان شوق تدخل وتقابل العريس بس شوق رفضت تماما انها تدخل بحجة انها مستحيه ولسه ما تعرفه
وانتهت الليله وراحت لمار ووجد لبيوتهم بعد ما اتطمنوا على شوق
شوق تنهدت وغسلت مكياجها وغيرت ملابسها وكانت بتنام بس ازعجها صوت جوالها
اخذت بدون ما تشوف الرقم وقالت بصوت كله نوم:الو
....:شوق
شوق انصدمت وقالت بصدمه:......
انتهى البارت