اسطورة حب

شخصيه جديده

اروى بصراخ وخوف:حراا..
ما كملت كلامها لان الشخص اللي قدامها حط يده على فمها وقال:اشش انا مو حرامي
وشاف اروى خايفه وترجف وقال بهدوء:شوفي بشيل يدي بس لا تصارخين اتفقنا
اروى هزت راسها دليل على موافقتها
وشال يده بشويش وقال بهدوء وهو يتأملها:الحين من انتي او ايش تسوين هنا
اروى لاحظت انه يتأملها ونست انها نازله بالبجامه وشعرها مفكوك
كانت لابسه برمودا ابيض على بلوزه كت زهري
اروى على طول حطت يدها على جسمها عشان تستر نفسها
هو لما شافها سوت كذا لف واعطاها ظهره وقال:روحي البسي عبايتك او اي شي وانا بنتظرك بالصاله عشان تقولين لي وش تسويين هنا وراح وخلاها
اروى ركضت بسرعه على غرفتها ولبست عبايتها وتحجبت ونزلت له وهي متوتره
....:الحين من انتي ووش تسوي هنا وكيف دخلتي ومن دخلك وشلون جيتي
اروى ضحكت وقالت:شوي شوي شلون بجاوب على كل هذي الاسئله
...ابتسم لما سمعها تضحك وقال:اسف بس تحمست
اروى بهدوء:انا اسمي اروى وعندي اخت توأم اسمها شذى احنا يتامى وفي يوم من الايام كنت طالعه مع اختي نتمشى وجوا شباب وضايقونا وشافونا الناس وساعدونا وكان من ضمنهم امك وحلفت علينا اننا نجي نعيش معها لان البيت كبير عليها ولانها كانت تتمنى يكون عندها بنات وكذا جيت هنا
...تعاطف معها وقال:اسف مو قصدي بس وش تسوين بذا الوقت
اروى ابتسمت:لا عادي ولا يهمك اما ايش اسوي بذا الوقت الله يطول بعمرك ما عرفت انام لان المكان جديد ومو متعوده عليه ونزلت المطبخ اشرب
...ابتسم وقال:نورتوا البيت
اروى بإحراج:بنورك وبعدين قالت:الا صح من انت
بدر بإبتسامه:معك بدر عمري 24 اشتغل بشركة ابوي
اروى:تشرفت فيك وانا مثل ما قلت لك اروى عمري 19 اول جامعه
بدر ابتسم:الشرف لي
اروى:استأذنك بروح انام
بدر:اذنك معك
وراحت اروى تنام وهي تفكر فيه
اما بدر راح يغير ملابسه ودخل غرفته عشان يرتاح من تعب الشغل
الصبح صحت شذى وراحت لغرفة اروى
صحتها ونزلوا وهم لابسين عبايات عشان اروى قالت لها ان ابن الحرمه موجود
الحرمه:يا هلا صباح الخير يا حلوات
شذى واروى:صباح النور
بدر:صباح الخير
شذى:صباح الخير
اروى بتوتر:صباح النور
شذى:اخبارك خالتي
الحرمه:بخير الحمد لله اخبارك انتي بنتي نمتي كويس
شذى بإبتسامه:ايه الحمد لله
الجرمه:وانتي حبيبتي اخبارك
اروى:بخير الحمد لله يا خالتي شكرا لوقفتك معنا وشكرا على كل شي
الحرمه:لا تقولين كذا حبيبتي انتم مثل بناتي ويلا تعالوا افطروا وبلا سوالف
وجلسوا على الطاوله معهم
بدر:يلا استأذن انا
الحرمه:وين يابدر تونا
بدر باس راس امه وقال:اسف يمه بس تعرفين الشغل وكذا
الحرمه :مع السلامه يا ابني الله معك ويوفقك
وطلع بدر بعد ما ضبت الشماغ واخذ مفتاح سيارته وراح لشركته
شذى:خالتي هذا ولدك؟
الحرمه:ايه حبيبتي ذا ولدي اللي مالي غيره
شذى:الله يخليه لك ولا يحرمكم من بعض
الحرمه:امين يارب
اروى:خالتي تبين نساعدك بشي عشان ما يصلح يعني نجلس بدون ما نسوي شي
الحرمه:كثر الله خيرك بس مو ناقصني شي وبعدين انتم ضيوف عندي وبعدين الخدامات كثار يعني ما في شي تسوونه
شذى واروى اكتفوا بإبتسامه
بالرياض عند شوق
علاقتها مع ابوها اتحسنت عن قبل بس لسه ابوها مايبي يغير رأيه
شوق:ماما تبين اساعدك بشي
مها:لا حبيبتي ارتاحي انتي
محمد:شوق ترا ملكتك بإجازة نص السنه
شوق بضيق:ان شاء الله
مها بحزن بس حاولت تخفيه:الف مبروك حبيبتي الله يوفقك
شوق بصوت مخنوق:الله يبارك فيك
وحطت مها الفطور وجلسوا يفطروا
عند مشعل
مشعل بضيق:يا ابوي بس انا ما ابي
الاب بعصبيه:انا خلص اعطيت الرجال كلمه وهو وافق
مشعل:بس انا ما ابي
الاب بعصبيه:لعبه هي، بعد ما وافق نقول له لا ابني ما يبي، بنات الناس مو لعبه عندك
مشعل بعصبيه:بس انت ما خذيت رأيي وحتى ما اعطيتني خبر والحين تقول ملكتي قربت طيب على الاقل كنت تقول لي يمكن اوافق
الاب:خلص الموضوع انتهى والحين يلا اتفضل عندي شغل لازم اخلص
طلع مشعل من مكتب ابوه وهو معصب وما يدري وش يسوي
انتهى البارت