اسطورة حب

اعتراف اروى وفهد

فيصل ابتسم ابتسامه عريضه وقال:شكرا
اروى استغربت:وشو شكرا اقولك احبك
فيصل:طيب وانا بعد احبك
اروى:صدق
فيصل ابتسم:كأخت لا اكثر
اروى:نعم
فيصل:زي ما قلت ويلا عشان جابوا الاكل وراح وخلاها
اروى كأن احد صب عليها مويه بارده
وصارت تتمتم وتقول:طيب انا احبه هو ليش ما يحبني
...:اروى يلا وش تسوين هنا
اروى:هاه شذى ايه طيب جايه
شذى شدتها من يدها:يلا امشي
وراحوا جلسوا على الطاوله
راكان كان طول الوقت يناظر للمار
ولمار كانت حيل مستحيه منه
واروى كانت بس تناظر بفيصل وفيصل مو معطيها وجه
وميعاد كانت ملاحظتهم بس ماقالت شي
وناصر كان يناظر بشذى ولما تناظر له يغمز لها
وهي تطلع لسانها له
وانتهوا من الاكل وكل واحد راح بيته
ميعاد كانت طول الوقت تفكر باروى وفيصل
ميعاد في نفسها:هم راحوا مع بعض الحمام(اكرمكم الله)ولما رجعوا اروى كانت زعلانه وفيصل كان يتجنبها طول الوقت..افف ياربي وش صار بينهم
..:وش فيك واقفه كذا
ميعاد ماردت لانها كانت سرحانه
..:هييه ميعاد وين وصلتي
ميعاد انتبهت:هااه فيصل وش فيه
فيصل ابتسم:لا ابد اللي ماخذ عقلك يتهنى فيه
ميعاد ردت له الابتسامه وراحت
وفيصل ظل يفكر في اللي قالته له اروى
عند شوق
اتصلت شوق بأهلها واتطمنت عليهم بس ضايقوها بشي
شوق تكلم نفسها:ومن ذا ان شاء الله اللي يبيني
وبعدين انا ما ابي اتزوج هم ليش وافقوا يارب ساعدني
في مكان ثاني خارج بريطانيا
...:قلت لك ما ابي مساعدتك
...:لميس اسمعيني بس
لميس:فهد تكفى ابعد عني
فهد مسكها من ذراعها وخلاها تلف ناحيته
فهد:قلت لك اسمعيني
لميس:قول وش عندك
فهد:انا ما اساعدك لاني مشفق عليك انا اساعدك لاني لاني
لميس:قول لانك ايش ولا ذا دليل انك مشفق علينا وماعندك شي تقوله
فهد شدها اكثر وحضنها وقال بهمس:لاني احبك
لميس استوعبت الوضع اللي هي فيه ودفته بقوه
لميس وعيونها مليانه دموع:فهد انت ما تحبني انت بس مشفق علي صدقني
فهد:انا ادرى بنفسي
لميس ودموعها تنزل:مافي احد يحب وحده فقيره لا عندها لا مال ولا جمال لا حسب ولا نسب وش تبي فيني او بالاصح وش لقيت فيني عشان تحبني روح دور لك على وحده حلوه وغنيه تحبها
فهد قرب منها ومسح دموعها وقال بحنان:احبك وخلص مو لازم يكون في سبب
وانتي بعيني اجمل بنت بالعالم وما يهمني اذا كنتي فقيره او اذا ما عندك حسب او نسب اهم شي عندي اخلاقك وبعدين انا اخترتك انتي وما ابي غيرك لميس تكفين حسي فيني حسي بقلبي (واخذ يدها وحطها على قلبها)قلبي ما نبض لاحد غيرك
وما ابيه ينبض لغيرك وابيك تعرفين اني مستحيل اناظر لك نظرة شفقه لاني احبك
واتمنى تفهمين هذا الشي وراح وخلاها (قلبتها فيلم هندي )
لميس ظلت تبكي من الفرح وتقول:واخيرا حبني مثل ما احبه اهه يافهد لو تدري وش كثر احبك وراحت لبيتها
نرجع لابطالنا
لمار في نفسها:ياربي الحين وش اسوي فيه بس يناظر لي ويغمز لي حسبي الله عليك يا راكان مدري وش اسوي فيك ونامت وهي تفكر فيه
شوق في نفسها:الحين انا وش اسوي في ذا الزواج وبعد معرف من زوجي وما ابي اتزوج الحين الله يهديك يا بابا انت وماما ونامت هي تفكر بزواجها
ميعاد في نفسها:الحين ابي اعرف وش صار مع اروى وفيصل وليه فيصل متغير كذا وليه يتجنبها ابي افهم وش يصير اهه بس ونامت بعد تفكير عميق
وجد في نفسها:ليش سليم بس يقرب مني ليش بس يبي يتكلم معي لا يكون لا لا اكيد لا انا ماراح افكر وبنام احسن لي ونامت وجد
وانتهى البارت
اتمنى يعجبكم