اسطورة حب

....

عند الشباب
فيصل في نفسه:ياربي الحين وش اسوي في اروى او وش بقولها لو سألتني عن السبب بس انا احبها بس كمجرد اخت اخخ بس ونام
راكان في نفسه:احبها والله احبها بس مدري عنها اذا تحبني ولا لا يارب تكون تحبني ونام وهو يفكر بلمار
مشعل في نفسه:الحين وش السالفه وش يصير بدون ما ادري وابوي ليش يقول كذا يارب ساعدني ونام وهو يفكر بأبوه
ناصر في نفسه:اخخ بس منك يا شذى هبله بس احبك ونام
سليم في نفسه:شسوي عشان اخليها تحبني جربت كل الطرق بس مافي فايده يلزم اخليها تحبني ونام سليم وهو يفكر بطريقة تخلي وجد تحبه
اما عند فارس نام على طول بدون تفكير او وجع راس
عند التوأمين
شذى:كان كل تفكيرها بناصر وحركاته ونامت وهي تتذكر مواقفهم مع بعض
اما اروى فما عرفت تنام من حزنها:هو ليش ما يحبني طيب انا احبه ياربي شلون اخليه يحبني وظلت طول الوقت تفكر بفيصل وشلون تخليه يحبها
ثاني يوم صحوا كلهم الا شوق
وجد:شوق حبيبتي يلا اصحي عندنا جامعه
شوق وهي تكح:وجد مني قادره اقوم احس اني تعبانه
وجد تحط يدها على جبهة شوق وشهقت:شوق حرارتك حيل مرتفعه
وطلعت برا تقول للبنات
وجد:ترا شوق حيل مريضه وما تقدر تجي
لمار:وش فيها
وجد:حرارتها حيل مرتفعه وتقول انها ما تقدر تقوم
وراحوا البنات تطمنوا عليها وبعدين راحوا للجامعه
انتهت المحاضره الاولى
ولسه في شخص خايف عليها وما يدري ايش السبب
...:يا شباب انا تعبت بروح البيت
فارس:وشو تعبت مشعل بلا هبال واجلس كمل محاضراتك
مشعل سحب عليهم وراح
وهو رايح بالطريق مر على الصيدليه واشترى دواء لها
مشعل في نفسه:انا بس اسوي كذا لانها مريضه مو عشان شي ثاني (كان يقول هذا الكلام عشان يقنع نفسه انه ما في شي ثاني)
ووصل للبيت
دخل وكان هدوء وراح لغرفة شوق لقاها نايمه والعرق يتصبب منها
قرب منها وحط يده على جبهتها ولقاها حاره حيل
وراح المطبخ جاب مويه مع ثلج ومنشفه وراح لغرفتها
وجلس يحط لها المنشفه وكل شويه يغير المويه
شوق صحت وفتحت عيونها بثقل وهمست:مويه ابي مويه
سمعها مشعل وراح جاب لها مويه
وقال:انتي بخير
شوق ناظرت له:مشعل وش تسوي هنا عندك جامعه
مشعل:تعبت ورجعت وشفتك تعبانه وحطيت لك منشفه بارده
شوق ابتسمت بثقل:شكرا
مشعل رد لها الابتسامه:عفوا
شوق:خلص روح لا تتعب نفسك
مشعل:بس انتي لسه تعبانه
شوق ناظرت له بحزن:لا تخاف انا تعبانه نفسيا مو جسديا
مشعل ما فهم قصدها:ليه وش فيك
شوق بكت وصارت تشاهق
مشعل:بسم الله شوق وش فيك تكلمي قولي وش صاير في احد مضايقك
شوق:اهلي يا مشعل اهلي مضايقيني
مشعل:وش فيهم وش سووا لك
شوق ظلت تبكي وما ردت
مشعل تنرفز:شوق تكلمي
شوق صارت تشهاق وهي تتكلم ومشعل ما فهم شي منها
شوق: ب ب يزو و جوني
مشعل:ما فهمت شي اهدي وتكلمي
وبعد وقت هدت شوق
مشعل ناظر لها وجلس يتأمل وجهها الاحمر من كثر البكي:انتي بخير الحين
شوق بتعب:ايه الحمد لله شكرا على كل شي
مشعل:عفوا. يلا مو ناويه تقولين لي وش فيك
شوق:مو الحين ابي انام
مشعل قام وقفل الضوء وقفل الباب وراه وطلع
وجلس بالصاله يفكر بالسبب اللي خلاها تبكي
وبعد وقت رجعوا الشباب وشافوه
ميعاد:شوق كيفها الحين
مشعل:بخير اعطيتها دواء وبتصير احسن
فارس:اووه اعطيتها الدواء بنفسك
مشعل:انقلع عني مني رايق لك وراح لغرفته
فارس:بسم الله وش فيه نفسيه اليوم
ميعاد:لانك خبل
فارس:محد خبل غيرك
ميعاد:ايه ايه طيب طيب وراحت تشوف شوق
والبنات راحوا وراها
وبعدين طلعت وجد مع لمار عشان يسوون الغدا
وجد:لمو ابي اقول لك شي
لمار:وشو
وجد بعد تفكير:لا خلص مافي شي
لمار:طيب.شوفي بروح دقيقه وارجع
وجد:خذي راحتك
...:تبين مساعده
وجد التفت:اه سليم لا شكرا ما قصرت
سليم:وجد انتي ليش تعامليني كذا
وجد:شلون
سليم:ليش ما تعطيني وجه
وجد:انا
سليم:ايه انتي ليه ما تحسين فيني
وجد استغربت من كلامه:سليم انت وش تقول
سليم كان بيتكلم بس قاطعه دخول لمار وطلع
لمار:وش في
وجد:ما في شي
وخلصوا الغدا وحطوه وجلسوا ياكلون
ودخلت ميعاد عند شوق وهي معاها الاكل وجلست تأكلها
وانتهى البارت
اتمنى يعجبكم