اسطورة حب

سر ميعاد

ثاني يوم صحوا كعادتهم وتجهزوا وراحوا الجامعه
بدأت المحاضرات وجا وقت البريك وخلص
ورجعوا مره ثانيه للمحاضرات وانتهى الدوام
ميعاد تتثاوب:اهه ابي انام
لمار:طيب يلا بنمشي
راكان:ماراح تجلسون شوي
ميعاد:لا تعبانه ابي انام
فيصل:عاد انتي كسوله تبين تنامين روحي لحالك
مشعل:ايه والله احنا نبي نجلس شوي
ميعاد:يمه طيب شوي شوي علي اصلا ما قلت لكم تعالوا معي
وجد:بتروحين لحالك
سليم:تبين اجي معك
ميعاد:لا شكرا وخذت اغراضهم وراحت وهي متضايقه منهم
لمار:حرام عليكم ترا زعلت
شوق:شوي شوي عليها كليتوها بقشورها
ناصر ببرائه:انا ما سويت شي
شذى:ايه نصوري بريء ما سوى شي
لمار:طيب يعني على الاقل كنتم تسألونها وش فيك ليش تعبانه مو على طول تقولون كسوله ومدري ايش
وجد:صدق حرام عليكم
فيصل ومشعل:اسفين
شوق:اخخ بس قسم بزران وراحت جلست على الطاوله
ناصر جلس جنب شذى على اليمين واروى على يسارها
وجنب اروى فيصل وبقيتهم توزعوا
ناصر بهمس:احبك
شذى استحت منه وضربته على كتفه وقالت بحياء وصوت واطي:انطم عيب
ناصر:بس ترا صدق احبك
شذى بحياء:وانا بعد
ناصر بخبث:انتي ايش
شذى شوي وبتموت من الحياء:اللي انت قلته
ناصر يستهبل:انا وش قلت ذكريني
شذى تنرفزت وقالت بصوت عالي:افف خلص احبك
لحظة صمت
كلهم ناظروا لها وناصر انصدم منها وماسك ضحكته
فارس ماسك ضحكته:بسم الله وش فيك
وجد:يا بنت عيب عليك اهجدي شوي
راكان:يا جماعه خلوهم على راحتهم وناظر للمار وغمز لها
لمار استحت بس ما بينت وسوت نفسها انها ما شافته
شذى تفشلت ومسكت كوب القهوه حقها وظلت تشرب عشان تخفي خجلها
قرب ناصر منها والابتسامه شاقه حلقه وقال بهمس:وانا اعشقك
ولف عنها ومسك كوب العصير وجلس يشرب
فيصل بتوتر وبنفسه:ياربي اقول لها ولا لا
اروى توترت منه وقالت بنفسها:شفيه ذا من يوم ما جلس وهو بس يتحرك كأنه يبي يقول شي
فيصل قال بتوتر:احم امم اروى
اروى:ايوه
فيصل بتوتر ويحك راسه:امم يعني ذيك السالفه يعني وكذا
اروى ابتسمت على حركته وقالت:لا تخاف ماقلت شي
فيصل ارتاح:صادقه
اروى بإبتسامه:ايه لا تخاف ماراح اقول لها
فيصل بفرح وامتنان:شكرا شكرا
اروى:العفو
شوق كانت سرحانه تفكر شلون بترفض عريسها وبتوافق عليه
وهو نفس الشي كان يفكر شلون بيرفض ذا الزواج ويروح يتقدم لها
فارس كان ما سك جواله وجالس يطقطق عليه
وجد:فروس وش تسوي
فارس:ابد ولا شي بس في شخص نشبه
وجد بحماس:من من
فارس:لا تهتمين شي مو مهم
وجد بطفش:طييب
سليم:اقول احنا بنظل جالسين هنا
مشعل:امشوا نتمشى
ناصر:قدام
وراحوا يتمشون
عند ميعاد وصلت الشقه دخلت بتعب
وغيرت ملابسها ودخلت المطبخ تاكل لها شي
فتحت الثلاجه وسوت لها ساندويتش وسوت قهوه وجلست تاكل
مسكت جوالها تبي تتصل على سليم تشوفهم متى بيرجعون
اتصلت ومحد رد واتصلت مره ثانيه وسمعت الجوال يرن بالغرفه
ميعاد تنهدت:اخخ ليش نسيته بس
ودخلت الغرفه واخذت الجوال
ميعاد بخبث:الله ماعليه قفل خلوني افرفر فيه
واخذته ورجعت للصاله
فتحت الجوال ومالقت شي مهم
ميعاد بطفش:كنت احسبه يحب كنت ابي اذله
ولفتها ملف مكتوب عليه اسمها
ميعاد بإستغراب نطقت اسم الملف:ميعاد!
فتحت وجلست تناظر باللي جوا الملف
لين وقفت عند كلمة (يتيمه)
قرت الكلمه وطاح منها الجوال وكوب القهوه من الصدمه
وتمتمت بعدم تصديق:ي يتيمه
خارج بريطانيا بالسعوديه وتحديدا جده
الحرمه:بدر يا ويليدي
بدر:هلا يمه
الحرمه:تكفى يا ولدي اتصل على اروى خلينا نتطمن عليهم
بدر ابتسم:ابشري يمه
ومسك جواله واتصلت بعد رنتين جاه صوتها الانثوي
اروى بإستغراب من الرقم:الو
بدر:الو هلا
اروى قالت بنفسها:الصوت مو غريب علي
اروى:ايوه من معي
بدر:افا نسيتينا بذي البسرعه
اروى:اسفه اخوي بتقول من انت ولا اسمر
بدر ضحك:خلص خلص اسف انا بدر
اروى تفشلت:اه هلا بدر اخبارك
بدر:بخير الحمد لله انتي اخبارك انتي وشذى
اروى:تمام الحمد لله عايشين
بدر:الله يديم عليكم
شذى بهمس:اروى من ذا
اروى بنفس همسها:بدر
شذى استانست وخذت السماعه منها وقالت بصوت عالي:هلا والله هلا ببدور
بدر ضحك على هبالها وقال:هلا والله اخبارك شذو
شذى:بخير الحمد لله اخبارك انت واخبار خالتي اشتقت لها حييل
بدر:كلنا بخير خذي امي تبي تكلمك
شذى:هاتها هاتها
الحرمه:هلا بشذى هلا ببنتي حبيبتي
شذى بفرحه والدموع بعيونها اول مره تحس بحنان الام واول مره احد يسأل عنها وقالت بدون شعور:هلا ماما اخبارك حبيبتي
اروى انصدمت لما شذى قالت كذا
بس طبعا الموجودين ما كانوا يدرون ايش السالفه ومنتظرينها تخلص عشان يفهمون منها
وكلمتها شذى واروى وخلصوا من المكالمه
فارس وسليم بإستغراب:امكم
ناصر بتوتر:مو انتم قلتم انه امم
شذى ابتسمت:ايه احنا يتامى
شوق:طيب كيف
اروى:انا بحكي لكم
وحكت لهم السالفه كلها
لمار بفرح:الله يخليكم لبعض
وجد:والله فرحت لكم
وكملوا سوالفهم وراجعين للبيت
عند ميعاد
صارت تضحك بهستيريا:انا يتيمه ههههههه انا يتيمه عشان كذا ما يهتمون بي اخيرا عرفت السبب ههههههه
وفجأه وقفت ونزلت دموعها وقالت بأسى وحزن:انا يتيمه يعني ماعندي اب ولا ام يعني سليم ورددت اسمه مره ثانيه بحزن:سليم مو اخوي يعني الشخص الوحيد اللي كنت احسبه معي وواقف معي طلع مو اخوي يارب ساعدني يارب ارحمني وجلست تبكي بعدين قررت انها تسوي شي
ميعاد:ادري اني بندم على اللي بسويه بس ذا الشي الصح وراحت تجمع اغراضها وكتبت ورقه تودعهم وقبل ما تطلع ناظرت نظره اخيره للشقه وابتسمت بحزن وطلعت وهي مهمومه وراحت في طريقها.
انتهى البارت