اسطورة حب

.....

صحت شوق بليل الساعه 2 وهي تحس بصداع قوي بسبب البكاء
نزلت تحت وسوت لها كابتشينو عشان يضيع الصداع واخذت جوالها وراحت للتلفزيون
شوق:بتصل اشوف لمو صاحيه ولا لا
واتصلت شوق وبعد ثلاث رنات ردت لمار بصوت مبحوح
لمار:الو
شوق:لمو اسفه صحيتك من النوم
لمار تفرك عينها:لا عادي ولا يهمك
شوق:لا صدق اسفه بكلمك بوقت ثاني
لمار:لا والله بعد ما صحيتيني يلا قولي وش عندك
شوق بإبتسامه:حاسه فيني
لمار:محد مايحس بصديقته وبعدين انتي ما تتصلين بذا الوقت الا وعندك شي
شوق تنهدت:اهه مدري وش اقول ووش اخلي
لمار خافت عليها:شوق حبيبتي وش فيك
شوق بصوت مبحوح:لمو اقدر اجيك الحين
لمار:تعالي ياقلبي بنتظرك
شوق:اوك ماراح اتأخر
وقفلت وراحت تلبس وكتبت ورقه لاهلها عشان لو صحوا وما لقوها وراحت مع السواق
نزلت شوق من السياره وراحت دقت الباب وفتحت لها لمار
شوق بإبتسامه:اسفه جيت بوقت مو مناسب
لمار:ادخلي بس ادخلي وسحبتها من يدها ودخلتها للمجلس
لمار:خليك دقيقه بروح اجيب القهوه
شوق مسكتها من يدها وقالت:اجلسي بس خليني اقولك اللي عندي وبعدين ماراح اطول
لمار جلست وقالت بحزن:شوق حبيبتي وش فيك ليه صايره كذا وجهك صاير شاحب
شوق:لمار اهلي تغيروا علي حييل اهلي صاروا ما يحبوني
لمار:لا تقولين كذا اكيد هم ادرى بمصلحتك
شوق ببكاء:كيف ادرى بمصلحتي وهم يغصبوني على شي ما ابيه وليته شي عادي لا ذا زواج مو اي شي تعرفين يعني ايش زواج يعني حياتي كلها بقضيها مع واحد ما احبه واحد انغصبت عليه واحد ما ابيه وبعدها اجهشت بالبكاء
لمار حزنت على حالها واخذتها بحضنها وجلست تهديها
لمار بحزن:شوق حبيبتي ما يصير كذا لا تسوين فحالك كذا لازم تكوني قويه مو ضعيفه
شوق بصوت مبحوح:لمار انا حييل تعبانه ابي اموت
لمار بخوف:بعد الشر عنك حبيبتي لا تقولين كذا ويلا قومي اغسلي وجهك وصلي الفجر وادعي ربك لين اسوي لنا فطور
شوق اكتفت بهز راسها وراحت تسوي اللي لمار قالت عليه
لمار راحت تصلي وبعد ما خلصت راحت تتطمن على شوق لقتها تدعي ربها ابتسمت ودخلت المطبخ تسوي فطور
شوق لما خلصت مسحت دموعها وجلست تشوف التلفزيون
لميس صحت من الصوت اللي بالمطبخ وراحت تشوف
لميس تتثاوب:لمو وشفيك صاحيه من الصبح
لمار:اوه لموس صباح الخير
لميس:صباح النور وش جالسه تسوين
لمار بإبتسامه:اسوي فطور لضيفتنا
لميس بتعجب:ضيفه!
لمار:روحي المجلس وبتعرفين مين
لميس راحت عشان تشوف من ذي الضيفه ولما وقفت عند باب المجلس صرخت:شووووق
شوق التفت بسرعه من الخرعه:بسم الله وش فيك
لميس ركضت لها وحضنتها:شواقه اشتقت لك
شوق بضحكه:لموستي كيفك ياقلبي
لميس بإبتسامه شاقه حلقها:بخير ياقلبي وانتي اخبارك
شوق:تمام الحمد لله،ليش صاحيه من بدري
لميس:سمعت صوت بالمطبخ وقلت اروح اشوف
شوق اكتفت بإبتسامه
ودخلت لمار ومعها الفطور وفطرت شوق واستأذنت وراحت البيت وتحس انها مرتاحه بعض ما فضفضت للمار ودعت بسرها:الله يخليك لي ولايحرمني منك وابستمت ودخلت البيت ولقتهم لسه ما صحوا واخذت الورقه اللي كتبتها ورمتها وراحت غرفتها عشان تنام
انتهى البارت