اسطورة حب

......

في مكان ثاني في الرياض
تجهزوا البنات واتفقوا بيروحون مع سليم
اما بقية الشباب بيروحون مع سيارة مشعل
وصلوا للمكان المطلوب وتجمعوا مع بعض
مشعل:وين تبون تروحون اول شي
لمار:خلونا نلف اول شي بالمحلات
وجد:وبعد ما نخلص نروح نتعشى
ميعاد:بتجون معنا ولا بنروح لحالنا
راكان:والله مدري وناظر للشباب:وش تبون
سليم:الافضل شخص يروح معهم عشان محد يتعرض لهم
ناصر:طيب مين بيروح
مشعل:خلص انا بروح وانتوا انتظروا بالكوفي
راكان:انا بجي معك
فارس:خلص انا وسليم وناصر بننتظركم بس لا تتأخرون
وراحوا مع بعض
ميعاد:شواقه ايش رايك بذا الفستان
شوق بهدوء:حلو
لمار:طيب شوق شوفي ذي البلوزه
شوق بنفس هدوءها:حلوه بس جيبي لون افتح
وجد:شوق شوق تعالي اختاري معي الاكسسوارات
طبعا البنات كانوا يحاولون قدر المستطاع يخلون شوق تفرح وتنبسط
راكان بهمس:وش فيهم عليها
مشعل:مدري بس شكله عشان ذاك الموضوع
راكان:اها طيب انا بروح اشوف البناطيل اللي هناك وبرجع
مشعل هز راسه وراح مع البنات
وجد:وين راكان
مشعل:راح يشتري شي
شوق:بنات انا بروح اجلس هناك لين تخلصون
لمار:ما تبين تشترين شي
شوق:لا ما ابي وراحت ترتاح
مشعل:وش فيها
ميعاد:تعبانه من ذيك السالفه
وجد بحزن:الله معها
لمار:هيه شوفوا وشاورت على شوق
كان في شاب جالس يضايقها
الشاب:يوه من مزعل الحلو
شوق ناظرت له بإستحقار:ترا مو رايقه لك
الشاب:لا وبعد مالها خلق
وكان بيقرب منها بس وقفه اليد اللي مسكت كتفه
...:آمر اخوي تبي شي
شوق ناظرت وقالت بهمس:مشعل
الشاب:نعم وش تبي انا شفتها قلبك
مشعل:لعبه هي عشان تقول شفتها قبلي
الشاب ضرب يده:وش تبي انت
مشعل:ترا جالس تضايق اختي
الشاب اتوتر:هاه ايه اسف وراح بسرعه
مشعل بعد ماراح مسك شوق من يدها وشدها وقال بعصبيه:روحي مع البنات ولا تجلسين لحالك شوفي وش صار
شوق شدت يدها منه بعصبيه وقالت:وانا وش دخلني انا اللي قلت له تعال وبعدين انت وش دخلك فيني اسوي اللي ابيه
مشعل ناظر لها شوي بعدين قال:اذا كذا تشكرين الواحد فعفوا وراح وخلاها
راكان رجع وما يدري وش السالفه:وش فيكم كلكم هنا ووين مشعل
لمار:راح للشباب
راكان بإستغراب:ليش وش صار
لمار بهدوء:بعدين بقولك
وكملوا تسوقهم
فارس:شفيك راجع منفس
مشعل:بالله انقلع عني مو فاضي لك
ناصر:اوف اوف شكلك مو رايق لنا
مشعل عطاه نظره وما تكلم
سليم:خلص يا جماعه خلوه لحاله
وبعد شوي رجع راكان والبنات وتعشوا وكل واحد رجع لبيته
انتهى البارت