اسطورة حب

...

ثاني يوم صحوا ابطالنا وفطروا
تجمعوا كلهم بشقه شذى واروى
شذى جلست تسولف مع ناصر
وراكان يسولف مع لمار
فارس ووجد وميعاد يستهبلون مع بعض
فيصل يناظر اروى خايف تكون ما نست
اما شوق ومشعل اثنينهم بعالم ثاني
كل واحد يفكر بإيش راح يصير له او ايش مخبي لهم القدر من مفاجأت
وجد:الا متى بنبدأ دراسه
سليم:الاسبوع الجاي ان شاء الله
ميعاد بتنهيده:اخخ ابي السنتين ذول يعدون بسرعه
راكان:هانت بيمرون بسرعه ان شاء الله
لمار:طيب يلا نرجع
اروى:وين تو الناس
شذى:خلوكم شوي
وجد غمزت لها وقالت:شكلك لسه ما شبعتي من الحب
شذى استحت ورمت عليها المخده الموجوده على الكنبه
شذى:انقلعيي
كلهم ضحكوا على حركتها واستأذنوا
بالطريق
شوق بهدوء:ابي اتمشى لحالي شوي
لمار:وين ترا الجو بارد
شوق:لا تخافين ماراح اتأخر
ميعاد ووجد:انتبهي لنفسك
سليم بإستغراب:وين شوق
شوق:ابي اتمشى شوي
راكان:بس الجو بارد
فارس:مايصير نخليك لحالك
فيصل:يمكن يصير لك شي
ميعاد:بسم الله عليها ان شاء الله مو صاير شي
لمار:شوق واعيه وفاهمه وتقدر تدبر نفسها
مشعل ابتسم بإستهزاء وقال:اشك ومشى وخلاهم
شوق ماردت عليه وطنشته
ميعاد بإستغراب:وش فيه
فيصل بحزن:هو كذا من يوم ما صارت ذيك السالفه
وجد:اي سالفه
ناصر يرقع:ها لا ولا شي مجرد مشاكل
ميعاد بشك:اشك انها مجرد مشاكل
شوق:تراكم عرفتوا مشكلتي يلا قولوا
لمار:اكيد في شي ماتبون تقولونه
وجد:يلا بسرعه قولوا
راكان تنهد:اهه طيب طيب اسكتوا بنقول لكم
سليم:الحكايه كلها ان مشعل نفس حالة شوق ابوه غاصبه يتزوج بنت ما يبيها وملكته قربت وهو ما يبي يتزوج وابوه مو راضي يغير رأيه
وجد:يوه وش ذا
ميعاد:وش في كلهم صاروا ينغصبون
لمار:والله خوفي بكره احنا بعد ننغصب
راكان غمز لها:لا تخافين بجيك اخطبك قبل لا تنغصبين
لمار انصدمت من كلامه واستحت
فارس ابتسم وصفر:اوووه الف مبرووك
والبنات فرحوا للمار وباركوا لها هم والشباب
وراحت شوق تتمشى
ورجعوا بقيتهم للبيت
عند اروى
اروى في نفسها:اهه ودي اقولها ودي اخليها تعرف انه يحبها بس هو ما يبني اتكلم
اخخ بس ما توقعت اني انسى حبي له بذي السرعه قسم اني بزر وسكرت الضوء ونامت
عند شوق
راحت للكورنيش وجلست تناظر بالرايحين والجايين
ومر من قدامها ولد وبنت ماسكين يد بعض ويضحكون
شوق:اهه الحين ليش ذول ما ينغصبون يتزوجون ليش احنا بس ليش هم يختارون اللي يبونهم ويتزوجون اللي يحبونهم ليش هم كل شي عندهم عادي واحنا لا افف استغغر الله انا وش جالسه اقول ورفعت راسها للسما وقالت:يارب ساعدني ووفقني يارب، يارب ابوي يغير رأيه،يارب يحس فيني ويحبني زي ما احبه ،يارب يارب ومسحت دموعها وقامت تبي ترجع عشان الجو برد والسما امتلت غيوم
ومشت بالطريق وهي سرحانه تتذكر الايام اللي جمعتهم مع بعض
وما حست الا بقطره مويه تنزل على وجهها
رفعت راسها وناظرت للسما وابتسمت وقالت:على الاقل محد بيفرق بين المطر ودموعي
وبدأت تمطر بغزاره
ناظرت حواليها لقت كلهم معهم مظلات وكل مظله تحتها بنت وولد
ابتسمت ابتسامه صفرا وقالت بهدوء:متى بيجي دوري واصير مثلهم
وفجأه حست ان المطر وقف رفعت راسها وشافت مظله فوق راسها
لفت عشان تشوف من ذا ولقته......
انتهى البارت