اسطورة حب

.....

يوم جديد على ابطالنا
عاشوه بحزن على فراق صديقتهم واختهم وحبيبتهم
ولكن كلهم صبروا ودعوا لها بالرحمه
وكملوا يومهم بروتينهم المعتاد
انتهى اليوم ومرت ايام غيره
انتهت السنه على خير
رجعوا للسعوديه
واليوم يوم زواج لمار وراكان
انتهى زواجهم بفرح وسرور
ولمار كعادتها ارسلت رساله لميعاد
هي تدري انها ما راح تقراها بس تبي تحس انها معها
وانتهى اليوم جاء يوم جديد
تزوج ناصر وشذى وبعدهم بدر واروى وانتهى زواجهم على خير
واليوم خطوبة فهد للميس
الام بفرح:مبرووك يابنتي مبروك
لميس بخجل:الله يبارك فيك يمه الا يمه متى اشوفه
لمار بخبث:اشوفك سويتي اللي قلت عليه
لميس بإحراج رمت المخده اللي على الكنبه على لمار:انقلعي وش دخلك انتي
لمار بضحك:روحي روحي روميو يستناك
لميس سحبت عليها وما اعطتها وجه وراحت عند فهد بالمجلس
دخلت بإحراج ومنزله راسها لتحت
فهد اول ما شافها خق عليها وعلى شكلها
كانت لابسه فستان عنابي قصير فوق الركبه بشوي واكمامه طويل توصل للكوع ومن تحت منفوش شوي وجزمه كعب(اكرمكم الله)لونها عنابي غامق ومكياج بسيط
لميس لما شافته يقرب منها قلبها صار يدق بسرعه وتوترت حيل
فهد قرب منها ورفع راسها بيده وقال بإبتسامه:اخيرا صرتي لي
لميس استحت وما عرفت ترد
فهد ضحك عليها وباسها على خدها وقال:فديت المستحي انا
لميس بصوت بالموت ينسمع:فهد ابعد
فهد بعد عنها شوي واخذها وجلسوا على الكنب
فهد بحنان:اخبارك
لميس بصوت خفيف:الحمد لله
فهد ضحك عليها:لا يكون مستحيه
لميس استحت وما ردت
فهد مسك يدها وقال:افا تستحين مني انا ترا كلها شهر وتصيرين لي
لميس وجهها صار الوان ومو عارفه ترد
فهد ابتسم وقال:اخليك الحين وبجيك بكره ان شاء الله
لميس رفعت راسها وقالت:انتبه لنفسك
فهد ابتسم وباس راسها وقال:مع السلامه وراح
لميس دخلت على امها ولمار وهي فرحانه وتغني
لمار بضحك:الله يشفيك
لميس ما اعطتها وجه وراحت لغرفتها وهي تغني
الام ودموعها تنزل:الله يخليكم لي ولا يحرمني منكم
لمار ابتسمت وحضنت امها واعتذرت لان راكان جاء ياخذها وراحت لبيتها
وانتهى اليوم على خير
مر اسبوع واليوم سليم راح يخطب وجد
فارس يحضن اخته ويقول:مبرووك
وجد بفرح:الله يبارك فيك عقبالك يا اخوي
الاب بفرح لبنته:مبروك يابنتي تتهنون مع بعض
وجد حضنت ابوها وقالت:الله يبارك فيك يا يبه الله يخليك لي يارب
فارس يغمز لها:يلا العريس مو قادر ينتظر يبي يشوفك
وجد ابتسمت بإحراج وراحت له
دخلت المجلس وقالت بهدوء:السلام عليكم
سليم لما شافها ابتسم وقام وراح لها:وعليكم السلام
وجد بإبتسامه:اخبارك الحين
سليم تنهد:بخير الحمد لله ،تعالي نجلس
وراحوا جلسوا مع بعض
وجد بحزن والدموع بعيونها:والله كنت اتمنى انها معي هي دايما كانت تقول انا بكون معك بخطوبتك وما راح اخليك تقابلين عريسك
سليم ابتسم بألم ومسح دموع وجد وقال:ادعي لها ماراح يفيدها اي شي الحين غير الدعاء
وجد من قلب:الله يرحمها يارب
وجلست مع سليم وسولفوا مع بعض وقت طويل
بعدين سليم استأذن وراح لبيته
ومر اليوم وجاء يوم جديد
فارس:يا امل انا قلت لك خلص
امل بحزن:بس يافارس انا احبك
فارس يكابر:امل انتي ما تحبيني انتي توهمي نفسك بكذا وبعدين انا ما احس بأي شعور اتجاهك
امل بحزن واسى:صادق يمكن اتوهم وانا اسفه اذا كنت ازعجتك
فارس بحزن:الله معك
وسكر منها
فارس تنهد وقال بنفسه:هي تتوهم مستحيل تحب واحد مثلي اكيد تتوهم مع اني (وحط يده على قلبه)احبها (هز راسه بقوه) لا يافارس انت ما تحبها انت بس تأثرت بكلامها بس انت(تنهد)ما تحبها
وجد:فروووس وينك مختفي
فارس:هلا وجد
وجد:وش فيك جالس لحالك
فارس بحزن:وجد ابي اتكلم معك
وجد بخوف:بسم الله وش صار لك يا اخوي تكلم اسمعك
فارس بتوتر:ا انا شكلي كذا حبيت
وجد بفرحه:الله ومن سعيدة الحظ ذي
فارس بحزن:بنت عمي امل اللي قلت لك عليها
وجد بإستغراب:طيب انت ليش زعلان الحين؟
فارس بحزن:هي تتوهم هي اكيد ما تحبني
وجد:طيب انت ليش تقول كذا
فارس:تتوقعين في وحده بتحب واحد ابوه متبري منه
وجد بعصبيه:انت مالك ذنب ابوك هو السبب ابوك هو اللي ما عنده قلب انت وش دخلك
فارس:بس يا وجد انا الحين ما عندي اصل في وحده ترضى تتزوج واحد ما عنده اصل
وجد:كلنا عندنا اصل وكلنا اصلنا واحد كلنا خلقنا من طين وكلنا اصلنا طين مافي شي اسمه ذا من قبيلة كذا وذا من قبيلة كذا وعائلة كذا وبعدين الحب ما يبي له اصل دامها تحبك اكيد ماراح تهتم بهذا الشي
فارس تأثر من كلام وجد وقال:بس هي الحين لسه مكلمتني
وجد:وش قالت لك؟
فارس بحزن:قلت لها انتي تتوهمي واكيد ما تحبني وقالت صادق شكلي اتوهم شفتي يعني هي ما تحبني صدق
وجد تنهدت:اخخ منك بس اكيد بتقول كذا لانك مو معطيها وجه وهي تعبت منك
فارس:يعني الحين وش اسوي
وجد:سهله بس اول شي انت تحبها صدق؟
فارس بإحراج:ايه
وجد بفرح:اجل مبروك
فارس بإستغراب:الله يبارك فيك بس على ايش تباركين
وجد:من بكره تروح لها وتخطبها
فارس:لا لا وش اخطبها اكيد اهلها ماراح يوافقون
وجد:اجل خليك كذا لين واحد ثاني يخطبها وتروح منك وانت موت بحسرتك .وراحت وخلته
فارس بحزن:بس اهلها اكيد ماراح يوافقون
عند لميس
فهد عندها بالبيت
لميس بهدوء وتوتر:ف فهد ابي اطلب منك شي
فهد:اطلبي حبيبتي
لميس:فهد انا ما اقدر اخلي امي بحالها ابيها تعيش معنا في البيت
فهد ابتسم:كنت ادري انك بتقولين ذا الشي عشان كذا سويت لها جناح في بيتنا
وجد بفرح:صدق
فهد ابتسم لها:صدق
وجد بفرح حضنته:فهوود احبك
فهد شد على ضمتها وقال:وانا اعشقك يا قلب فهود
وجلسوا يسولفون مع بعض
عند سليم
نايف:سليم انت للحين مالقيت ميعاد
سليم ابتسم بسخريه:هه ميعاد
منار:ايه ميعاد وش صار لها
سليم بنفس سخريته:عظم الله اجركم ميعاد عند ربها الحين
منار شهقت بقوه
نايف بصدمه:ك كيف
سليم بإستهزاء:الحين حسيتوا فيها الحين حسيتوا بذي اليتيمه الضعيفه اللي مالها احد بالدنيا بس تدرون هي عند ربها احسن على الاقل تخلصت من ذا العذاب على الاقل تخلصت منكم ومن اهمالكم
منار لسه مصدومه وقالت:م ماتت
سليم ناظر لهم شوي بعدين راح لغرفته وتركهم بصدمتهم
نايف قال بحزن واسى:يارب سامحني يارب انا ما كنت اقصد يارب ارحمها واغفر لها يارب
منار بحزن واخيرا قلبها حس فيها:يارب سامحني انا سويت بها اشياء كثيره واهملتها وما اهتميت فيها ولا حسستها بالامومه يارب سامحني يارب
وانتهى هذا اليوم وهو مليء بالحزن على بعض القلوب وفرح على قلوب اخرى
صباح جديد ويوم اخر
صحى من نومه وكالعاده نفس الحلم يتكرر مسح على وجهه وقال:الله يرحمك يارب
جواله رن اخذه ورد:هلا بالقاطع من يوم تزوجت وانت لا تسأل ولا شي
مشعل ضحك:هلا بك فصول والله يخي عاد وش اسوي المدام اهم منكم
فيصل ابتسم:من لقى احبابه نسى اصحابه
مشعل:شوف هذاني اتصلت فيك يعني ما نسيتك
فيصل:تسلم ما قصرت، امر بغيت شي
مشعل:ما يأمر عليك عدو بس يخي اشتقت لجمعتنا مع بعض خلونا نطلع اليوم
فيصل قام من السرير وراح للشباك وقال:انا ماعندي مشكله بشوف بقيت الشباب وبرد لك
مشعل:اوك وحددوا المكان وقول لي
فيصل:طيب اقول لهم يجيبون حريمهم ولا لا؟
مشعل:ايه ايه خلهم يجون
فيصل:طيب مع السلامه وسكر منه
واتصل على بقيت الشباب
كلهم وافقوا الا طبعا ناصر لانه بجده وفارس ماله نفس يروح جالس يفكر ببنت عمه
بعد المغرب تجمعوا كلهم بمول
لمار ووجد وشوق حضنوا بعض وسلموا على بعض
والشباب نفس الشي
راكان:الا وينه فارس
وجد:ماله نفس يجي
مشعل:ليه وش صار
وجد:مشاكل عائليه بسبب بنت عمه وكذا
شوق:من ذي
وجد تنهدت:اهه بنت عمه تحبه وهو يحبها بس يكابر وقال لها انها تتوهم وما تحبه وهي قالت له انت صادق انا اتوهم وما صارت تكلمه وهو ما يدري وش يسوي<فضحت اخوها
لمار:طيب دامه يحبها ليه ما يخطبها
وجد:مو راضي
شوق:ليش مو راضي
فيصل:لا يكون عشان سالفة ابوه
وجد بحزن:ايه
لمار وشوق:الله يعينه
سليم:طيب عادي هو ماله دخل اهم شي رأي البنت
وجد:هو عاد ما يبي وش اسوي فيه
مشعل حب يغير الموضوع:المهم خلونا نروح نتسوق الحين
وتفرقوا وراحوا يتسوقون ولما خلصوا راحوا لمطعم وتعشوا ورجعوا لبيتهم
وانتهى يومهم وهم فرحانين
انتهى البارت