اسطورة حب

....

تسريع الاحداث بكره يوم رجوعهم لبريطانيا
ماصار شي مهم في ذي الشهور
شوق:مرت الاجازه ولين الحين ما قدرت اقنع ابوي يارب ساعدني
مشعل:يارب صبرني الحين وش اسوي بذي المصيبه اخر شي كنت افكر فيه اني اتزوج
ناصر:اخخ واخيرا بشوف شذى
شذى:اخ بس والله واشتقت لنصور
اروى:بكره برجع ومدري شلون بقابل فيصل ولا شلون بقابل ميعاد
سليم:يارب مدري شلون اقولها ولا شلون بتكون ردت فعلها يارب ساعدني
ميعاد:اخيرا بفتك من ذا الجو الكئيب اخيرا بطلع من ذا البيت
فيصل:افف خايف من ذيك الاروى اخاف تفضحني يارب تنسى الموضوع
وجد:اخيرا بنرجع مع بعض اخيرا بشوفه اهه ما كنت اتوقع ابد اني في يوم من الايام بحب
لمار:اخخ بسافر وبترك امي مره ثانيه يارب احميها يارب
فهد:اه بس كلها سنه وبتصير لي يارب وفقها ويارب خليها لي
وتجهزو ابطالنا وكل واحد راح يشتري الاشياء اللي تهمه ويحتاجاها
شذى واروى كانت الحرمه زعلانه حيل انهم بيسافرون وجلست تترجاهم ما يروحون
بس خضعت للامر الواقع وتقبلت الامر
اما بدر فكان يدعي لهم ان الله يوفقهم ويرجعهم بالسلامه
ثاني يوم الفجر
لمار بصوت مخنوق:مع السلامه يمه ولموس ما اوصيك على امي اهتمي فيها وحطيها داخل عيونك
لميس والدموع بعيونها:لا تخافين امي فوق راسي
الام:مع السلامه يابنتي الله يوفقك وترجعين بالسلامه
وودعتهم لمار وراحت المطار مع السواق
ميعاد:سلييم يلا تأخرنا
سليم:جيت جيت
واخذوا اغراضهم وراحوا بسيارة سليم للمطار
شوق:يلا انا بروح
مها:الله معك حبيبتي
محمد ضم بنته وقال:الله يوفقك واهتمي بنفسك زين
شوق بإبتسامه صفرا وحزن:ادعوا لي
وراحت مع السواق للمطار
وجد وفارس سلموا على ابوهم وودعوه وراحو على المطار بسيارة فارس
مشعل اتفق مع راكان انه يمره ويروحون مع بعض
ناصر راح لحاله
فيصل ودع اهله وركب سيارته وراح
وتجمعوا كلهم في المطار
لمار:شوق انتي بخير
شوق بهدوء:اي الحمد لله لا تهتمين
ميعاد:اخخ ونااسه كلها سنتين ونتخرج
وجد:قولوا ان شاء الله
كلهم:ان شاء الله
راكان:وش سويت بمشكلتك
مشعل:اه بس لا تذكرني
فارس:التنهيده ذي معناها انه ماغير رأيه
فيصل:صرت انت وشوق مثل بعض
سليم:خلص ياشباب ادعوا له
ناصر بحزن:الله يعينكم
مشعل حب يغير الموضوع وقال:الحين المفروض انا اللي ازعل مو انتم
فارس :عادي عادي كلنا واحد
ونادوا على الطياره وطلعوا كلهم
كان ترتيبهم مثل هذيك المره بس المختلف ان ميعاد هي اللي مكان لمار وفارس مكان راكان يعني ميعاد وفارس جنب بعض
واقلعت الطياره بهم
لمار:بنات انا بنام صحوني بعد ما نوصل
وجد تتثاوب:وانا بعد
ميعاد:افف ليش انا لحالي
فارس ناظر لها بطرف عينه وما قال شي
ميعاد:هيه انت تكلم معي
فارس:اتوقع لي اسم
ميعاد بملل:طيب سولف معي
فارس:ماعندي سوالف
ميعاد:قول اي شي
فارس بطفش:نامي
ميعاد:افف ما منك فايده
فارس:طيب اسكتي شوي عشان اعرف انام
وناموا كلهم
بعد وقت صحت ميعاد وكان باقي شوي ويوصلون
ولقت فارس صاحي من قبل
ناظرت عن يسارها ولقت البنات نايمات وصحتهم وصحت سليم
وبعد وقت نزلت الطياره واخذوا اغراضهم وراحوا شقتهم وقضوا يومهم كله نوم من التعب
انتهى البارت