اسطورة حب

صدمه..؟

مر اليوم بسلام
وجاء يوم غيره وراح
ومرت الايام والاسابيع
شوق قررت ترجع تكمل دراستها هي طبعا اخذت دروس عشان ذي السنه ما تضيع عليها وقررت ترجع معهم وتخلص اخر سنتين لها
راكان وناصر وبدر قرروا زواجهم يكون لما تخلص هذي السنه وبيكون زواجهم ورا بعض
فهد منتظر السنه تخلص بسرعه عشان يخطب لميس وبيتزوجها بعد شهر من الخطوبه وسليم نفس الشي
ميعاد ما عندها شي جديد غير انها كل يوم تعرف اخبار صديقاتها من رسايل لمار
فارس قلبه بدأ يتعلق ببنت عمه بس يكابر ومو راضي يبين لاحد
اروى منتظره ميعاد ترجع لانها لازم تعتذر لها وعندها شي تقوله لها
فيصل بدأ ينسى سالفة ان اروى تعرف البنت اللي يحبها وبدأ قلبه يوجعه عشان ذي البنت ما تحبه ولا تدري عنه
مشعل عايش حياته تمام مع شوق وفرحان حيل لانهم صاروا لبعض وما كان يتوقع بيوم من الايام انهم بيتزوجون ويحبون بعض
وجد مو قادره تستوعب لين الحين انها اعترفت لسليم وانه يحبها وقررت انها بتسوي المستحيل عشان تنسيه حبه القديم نور
لميس بتطير من الفرح لان ما باقي شي وبتجتمع هي وفهد تحت سقف واحد وبيتحقق حلمها
جاك حب له وحده بريطانيه معه بالجامعه وصار يطلع معها وطبعا قال لميعاد عنها لان صار يعتبر ميعاد صديقته
وكان هذا حال ابطالنا بهذي الشهور
ورجعوا مره ثانيه لارض الغربه ارض بريطانيا
مرت حياتهم عاديه نفس الروتين ما تغير
بس الشي الوحيد اللي تغير ان شوق رجعت معهم وهي على ذمة مشعل
وطلع مشعل من شقة الشباب واخذ له شقة لحاله هو وشوق بنفس العماره
والحين ابطالنا صار منهم المتزوجين والمخطوبين الا بعضهم
فارس وفيصل وميعاد محد يدري القدر وش مخبي لهم
روتين ابطالنا ما تغير يصحون الصبح يروحون الجامعه يرجعون يتغدون يجلسون شوي او يمكن يطلعون يتمشون وبالاخير ينامون وهكذا مافي شي جديد
وفي يوم من الايام
كانت ميعاد راجعه من الجامعه وماسكه جوالها تشوف اخر رسايل لمار
بس جتها رساله من رقم ثاني
محتوى الرساله(ميعاد انا ادري انك زعلانه مني عشان تعاملي معك وادري انه مالك ذنب بس سامحيني لاني ما تقبلت فكرة ان الشخص اللي احبه يطلع يحب غيري لا وتكون اعز صديقاتي ميعاد ترا فيصل يحبك انتي مو انا واتمنى انك ترجعين لنا بسرعه ،في امان الله)
ميعاد قرت الرساله وانصدمت وظلت الكلمة تترد في راسها
(فيصل يحبك انتي )
وما صحاها من صدمتها غير صوت بوري السياره المتجهه لها
وما حست ميعاد الا بجسمها يطير بالهواء كأنها ريشه واخر شي سمعته
...:يا الاهي ماذا حدث
...:هيا بسرعه اتصلوا على الاسعاف
ميعاد وعلى شفايفها طيف ابتسامه وقالت بصوت بالموت ينسمع:فيصل يحبني وغمضت عيونها في سبات عميق <قلت لك بموتك بس ما صدقتيني
نقلوها الناس للمستشفى وراحت بسرعه لغرفة العمليات
وطبعا دوروا بجوالها وارسلوا رساله لاخر رقم كان موجود
كانت جالسه تتكلم مع بدر وهي فرحانه وسمعت صوت رساله
اروى:بدر خليك معي شوي جتني رساله
بدر:اوك حبيبتي لا تتأخرين
راحت اروى تشوف الرساله وطاح جوالها من الصدمه وشهقة شهقة قويه وقالت:م ماتت
لمار ركضت لما سمعتها تشهق وصارت تهز فيها:اروى وش فيك
شذى ووجد:اروى وش صار
وجد شافت الجوال واخذته وقرت الرساله وقالت بصدمه:م ميعاد
شذى ما فهمت شي وقالت:وش في وش فيها ميعاد ولما قرت الرساله شهقت بقوه وقالت:مستحيل
لمار بصراخ: وش في تكلموا وش صار ميعاد وش فيها
اروى بصدمه:م ميعاد ماتت
وجد بنفس صدمتها:سوت حادث
لمار اغمى عليها من الصدمه
وشذى ركضت بسرعه لشقة الشباب وفتحت الباب بكل قوتها
راكان انخرع:بسم الله الرحمن الرحيم
سليم قلبه وقف:وش في وش صار
ناصر وفارس:وش فيك
شذى ببكاء وصراخ:ميعاد ميعاد ماتت
سليم لما سمعها تقول كذا حس ان الاكسجين خلص وقال:وش تقولين انتي وقال بصراخ:ميعاد ما ماتت ميعاد مستحيل تموت وانهار على الارض وقال بصوت مكسور:انتي كذابه
مشعل وشوق سمعوا صراخهم وراحوا لهم بسرعه
شوق بخوف:وش صار مين مات
فارس بحزن:ميعاد
شوق بصدمه:ايش
شذى بصراخ:وش تسوون هنا يلا بسرعه لمار اغمى عليها خلونا نروح المستشفى
وراحوا كلهم المستشغى ولمار نوموها بغرفة وقالوا انه انهيار عصبي
سليم يكلم الدكتور بعدم تصديق:دكتور لقد جاءت فتاه هنا اسمها ميعاد ماذا حدث لها
الدكتور ناظر له شوي وقال بخوف:لا تحزن يا فتى ان هذا عمرها ولا نستطيع فعل شي
سليم بصراخ:كلا انها لم تمت مستحيل هذا غير صحيح
الدكتور نادى الممرضات واعطوه مهدئات ودخلوه غرفه
سليم بتعب:ميعاد ما ماتت ميعاد لا تخليني تكفين وغمض عينه ونام
شوق ووجد وشذى واروى كانوا عند لمار بالغرفه
والشباب عند سليم
فيصل من صدمته ما تكلم ابد من يوم ما دخلوا للمستشفى
فارس حط يده على كتفه وقال بخوف:فيصل انت بخير
راكان وناصر بنفس الخوف:فيك شي
مشعل:فيصل وش صار ليش ما تتكلم
فيصل ناظر لهم وقال وهو مبتسم:ماتت
راكان مافهم:ايش تقول انت
فيصل والضحكه شاقه حلقه :هههه ماتت ميعاد ماتت
مشعل:فيصل استهدى بالله وش ذا
فيصل اختفت التسامته وبدون سابق انذار نزلت دموعه وقال بإنكسار:ماتت ومات معها قلبي راحت وخلتني لحالي ليش كذا ليش
فارس بحزن على صديقه:فيصل ما يصلح كذا استغفر ربك وش ذا اللي تقوله
ناصر:ادعي لها يا فيصل ادعي لها
فيصل ما رد عليهم وخلا دموعه هي اللي تتكلم
عند البنات
لمار صحت واول ما شافت البنات قالت بهدوء:ماتت صح
وجد ودموعها تنزل:استهدي بالله وادعي لها
شذى واروى بحزن:الله يرحمها يارب
لمار بإبتسامه ودموعها تنزل على خدها:ميعاد صدق انك اختفيتي من ذي الدنيا بس مستحيل تختفين من قلوبنا
ومرت الايام واخذوا جثتها ودفنوها ومرت ايام العزاء
....:دكتور هل فعلت كما اخبرتك
الدكتور بتوتر:جاك انا حقا لا اعلم لما فعلت هذا
جاك بإبتسامه:يجب ان يحدث هذا يجب ان ينسوها يجب ان تختفي من الحياه
الدكتور تنهد:سوف اقع بمشكله بسببك
جاك:لا تخف لن يحدث شيء وطلع وخلاه
سليم بحزن ودموعه تنزل:ميعاد ليه خليتيني ميعاد انا احبك هو صح انا مو اخوك بس والله احبك
وجد راحت له تهديه والشباب راحوا معها
شذى بحزن:خلص ادعوا لها
اروى:هي الحين تحتاج دعاكم
سليم مسح دموعه وقال:الله يرحمها
وراح كل واحد لشقته وهم يحسون انهم فقدوا جزء منهم فقدوا شخص كان عزيز عليهم وما يدرون وش مخبي لهم القدر
انتهى البارت