My Moonlight and Fire (Published)

Chapter 4.2

Ngunit tila hindi siya narinig nang tinawag. Tuloy-tuloy ito sa paglapit kay Salvador. Nang makalapit sa lalaki ay mabilis na pumulupot ang braso nito sa braso ng lalaki. Mabilis naman itong siniil ng halik ni Salvador sa labi sa buong gulat niya ay tinugon naman ng babae, hindi alintana ang kanyang presensya.

She just opened her mouth in disbelief. Paanong nakikipagyakapan at nakikipaghalikan sa demonyong ito ang kanyang disenteng ina?

"Meet Helena La Russo, my beautiful wife." Pagkuwa'y baling ni Salvador sa kanya.

"Hayup ka, La Russo. Alam mong alam ko na hindi Helena La Russo ang tunay niyang pangalan. Siya ang aking ina. Siya si Maita Morales Henderson."

"Siyanga?" nakakalokong ngisi nito.

"Who is she, mi amore?" nagtatakang tanong ni Helena. Sa wakas ay napansin rin siya ng babae. Nakayakap pa rin ito kay Salvador.

"Bagong recruit, mi amore. Kaninang umaga lang siya dumating."

"Hmmm, mukhang hindi na siya baguhan sa trabahong ito? Halata sa tikas ng kanyang anyo at tindig."

"You're right, mi amore. Kinuha ko siya dahil alam kong malaki ang maitutulong niya sa paglutas ng kasalukuyan kong problema."

"Problema kay Major Altamonte ba ang tinutukoy mo?"

"Oo, mahal. Now, will you leave us for a while? May pag-uusapan lang kaming mahalaga."

"Okay." Kumalas sa pagkakayakap si Helena at umakmang paalis na. Pero bago tuluyang lumabas ng silid ay muli itong sumulyap sa kanya. Tiningnan siya mula ulo hanggang paa bago matipid na ngumiti.

She felt the urge to embrace her mother, but she sensed that it will do no good. She knew that something was wrong with her. At isang tao lang ang makakasagot noon.

"What did you do to my mother, La Russo?'" baling niya kay Salvador, humihingal siya sa galit.

"Wala akong ginawa sa kanya. Nagkataon lang na hindi niya nakayanan ang gabing pinatay ko sa harap ninyo si Peter Henderson"

Amnesia. Nagkaroon ng amnesia ang kanyang ina. At sinamantala naman ng demonyong ito ang pagkakaroon ng sakit ng kanyang ina.

"Napakawalanghiya mo, La Russo. Hindi lang buhay ng aming padre de pamilya ang inagaw mo, pati ang pagmamahal ng aming ina ay ninakaw mo rin."

"Aren't you happy that she is still alive? I could have killed her if I wanted to. Pero pinakasalan ko siya, inalagaan at ginawang reyna. You know that I am a murderer, a deep-dyed evil, pero nagawa kong tanggapin at mahalin ang asawa ng mortal kong kaaway. Kung tutuusin, isa iyang utang na loob na dapat tanawin sa akin. Pero nakita mo naman na maligaya siya sa piling ko, baka nga hindi na niya gustuhin na bumalik sa dati niyang pagkatao at sa halip ay mas piliin pa na maging kabiyak ko habambuhay."

Kabiyak? Ginawang asawa ng hayop na ito ang kanyang butihing ina. She felt her blood boiling with anger and hatred. Kung makakawala lang siya sa pagkakatali ay sisiguraduhin niyang babaliin niya ang leeg ng demonyong kaharap.

"Asawa mo siya gamit ang isang panlilinlang, oo. Pero siya pa rin ang aming ina. Ngayon, nasaan ang kapatid kong si Chester? Buhay pa ba siya? Gusto kong siyang makita."

"Oh! Hinay-hinay lang, Cassandra. Alalahanin mong nasa teritoryo kita. Dito ay ako ang nag-uutos, hindi ang inuutusan. Pero huwag kang mag-alala, makikita mo rin siya. Iyon ay kapag pumayag ka nang magtrabaho sa akin."

"Ano'ng trabaho, sabihin mo?"

"Are you willing to kill for me in exchange of your mother and brother. Don't worry, one time lang ito, at isang tao lang ang papatayin mo."

Saglit na umandar ang utak niya. Alam niyang hindi dapat puro tapang ang pinaiiral niya sa sitwasyon niya ngayon. She needed to play his game or else, everything that she planned for would turn into ashes.

Alam niyang tuso si La Russo, pero mas tuso siya. Kung papakawalan siya nito mula sa pagkakabihag at makikipagkasundo rito, mas malaki ang tsansa na mabuhay silang tatlo. Magkakaroon siya ng panahon para muling bumuo ng plano laban dito.

And if he would require her to kill a fellow demon, she would be more than glad to do that. Kung isang karibal sa negosyo ang gusto nitong ipapatay sa kanya, gagawin niya ito nang walang kahirap-hirap, saka niya ito isusunod.

"Sige,pumapayag na ako, La Russo. Gagawin ko ang gusto mo, papatay ako kung kinakailangan, kapalit nang kalayaan naming tatlo."