Tahimik Mong Pag-iyak
Ibaling sa akin iyong mga mata
Ipabatid ang tunay mong nadarama
Kailanma'y h'wang itago
Pagkat habambuhay ako'y naririto.
Tingnan ka'y tulad ng salamin
May replekang pino at matibay
Malakas na di patitinag, ngunit
'Pag bumagsak ay nawawarak.
Ibaling sa akin iyong mga mata
Upang aking nang masulyapan
Ano ang 'yong itinatago
Sa likod ng paningin mong nanlalabo?
Ulo mo'y dahan dahang umangat
Huwisyo ko'y nahangal
Ulap sa'yo na'y sumaklob
Damdamin nati'y nagdarahop.
Di mo ibig tumuran ng salita
Ni di maringgan ng mga hikbi
Nag uunahan lang na maaalat na likido
Naghihintay ng taong sasalo nito.
Emosyong walang bakas
Mga luhang nagbabagasakan
Sarili ko'y ibibigay, halika't ika'y humawak
Nang mawakasan ang tahimik mong mga pag iyak.
-------
12pm 11242015
BINABASA MO ANG
Mga Tula Ni Weirdie
PuisiMga tulang hatid ng isang wirdong tulad ko para sa inyo. Ang mga ito'y mula sa aking malikot, makulit, mapangahas, madrama, at humahangang kaisipan. Matuwa ka sana sa iyong mga mababasa. Okay lang din kahit mainis. Pakiss! :*
