Ang Totoong Tsismis
by: Weirdie
Mayroong mga bagay na hindi ka nalalaman
Mga bagay na hindi na kailangan pang pakialaman
Hindi na rin dapat pang bigyan ng komento
Dahil hindi mo naman alam ang tunay na kwento.
Bawat isa ay may kani-kaniyang istorya ng buhay
Mayroong mga kwento na masasaya at makukulay
Mayroon din namang mga masasalimuot ang pinagdaraanan
Ngunit hindi nito mababago ang pagiging patas sa pamantayan.
Madalas na kakabit ng mga kwento ay tsismis
Kapag dumaan sa mga tsismosa, nalalagyan ng dungis
Dagdag bawas pa nga minsan, tunay na mababangis
Pero walang halaga ang lahat ng iyan sa taong malinis.
Hindi mahalaga ang sasabihin ng iba
'pagkat hindi ka gumigising para magpasikat sa kanila
Anupamang mga matatalim na salita ang sa iyo ay ipatama
Ngumiti ka at ipanalangin sa Ama ang kanilang mga kaluluwa.
Payo lang, mag-ingat sa matatalas na pananalita
Lalo na sa mga pahayag na 'di mo alam ang totoo at salita
Dahil simple man iyang mga opinyon na naikomento
Nakasasakit lahat ng iyan na tumatagos hanggang puso.
---------------------------------------------- ---x-------------------------------------------------
First published poem ko rito a wattpad. :)
BINABASA MO ANG
Mga Tula Ni Weirdie
PoetryMga tulang hatid ng isang wirdong tulad ko para sa inyo. Ang mga ito'y mula sa aking malikot, makulit, mapangahas, madrama, at humahangang kaisipan. Matuwa ka sana sa iyong mga mababasa. Okay lang din kahit mainis. Pakiss! :*
