The Temporary Girlfriend

Chapter Four

Nag-offer si Red na ihatid ako sa amin pero tumanggi ako. Aba lang! Kahit na gwapo yun baka ano pang magawa nun sakin noh! Mga alas 5 na nung makarating ako ng bahay. Nagdecide kasi muna akong magmuni-muni. Parang ang dami kasi nung nangyari eh. Kailangan kong mag-unwind kaya tumambay ako sa park and kumain ng ice cream. :D

Pagkauwi ko, kompleto ang buong pamilya sa living room except kay Daddy. Nung pumasok ako, sabay sabay silang napatingin sa akin. Aish.

“Bakit ngayon ka lang?!” sabi ni Ate Maggy. Sa totoo lang, sobra pang magalit yan si ate kesa kina mama at daddy. Minsan nga sina mama wala ng pake, siya ginagawa pang big deal. Madalas nga napapaisip ako, baka siya talaga ang tunay kong ina. :D But oh well, mahal ko naman yan so pagtiisan na lang.

“Baka nakipag-date pa. Kamusta naman yung boyfriend mo?” si Kuya Indi naman ang pinaka-supportive sakin. Ako kasi ang sumunod sa kanya kaya siguro ganyan. Pero cool lang yan si kuya. Para siyang ‘masaya ang buhay, bakit kailangan pang magalit?’ na klase ng tao.

“’Yung totoo, Ate Vee, inakit mo lang yun noh?” eto namang si Purple, eto yung palagi akong inaaway. Ang weird lang eh noh? Siya pa tong mas bata, siya pa tong inaaway ako.

“Tigilan niyo na nga yan. Bakit ba kasi di mo sinabi na boyfriend ka na? Ayos lang naman talaga sa amin, Vee. Pero sana wag ilihim.”

Umupo ako sa couch at inilapag ang gamit ko doon.

“Sorry po talaga, Mama.”

Napatingin naman si mama sa’kin, “Basta mag-aral ka pa rin ng mabuti ha? Wag kang mag-aabsent ng class mo para lang doon sa boyfriend mo. Ayokong malaman na may retake ka kasi kung meron! Naku! Yang tenga mo, matatanggal yan sakin!”

I gulped. O.O Kapag sinabi ni mama, gagawin ni mama. Takot ako kay mama. “O-opo.”

“Oh, Maggy, Vee, dali dito at tulungan niyo kong maghain para pagkauwi ni daddy eh luto na.”

~~~

“Ma, ‘Dy, nakahanap pala ako ng scholarship. Bale po, paid na yung fees ko sa school this semester lang po. Next sem, mag-aapply na ako ng school scholarship.”

Napatigil naman si daddy sa pagkain. “Anong scholarship pala yang meron ka ngayon?”

Interrogation time. “Private po. School provided pero private sector. Wala po kasing assurance na magtatagal ako doon sa scholarship na yun, kaya mas okay na yung may back-up plan.” Sorry family, pero mas okay na yan yung sabihin ko sa inyo.

“Okay na rin yan.”

“Ay nga pala, susunduin po ako ni Red, yung boyfriend ko bukas po ah? Gisingin niyo kong maaga, ma ah?”

The next morning...

Geez! Sabi ko kay  mama gisingin ako ng maaga! Unfortunately, ang tingin niya pala sa maaga eh alas 8! At ang dahilan niya sa’kin, “Ang maaga kaya sa’yo 10 am. Buti nga inagahan ko pa ang gising ko sa’yo.” Grr. Okay, ma! Ikaw na talaga. >.<

So, pagkababa ko, nakita ko si Ate Maggy, Kuya Indi at Purple na kausap si Red. Aba. At mukhang close na silang apat ah.

“Oh? Ang aga mo ata? Kaka--” hindi ko pa man natatapos ang sasabihin ko eh agad naman nila akong kinaladkad palabas ng bahay. “Oi teka!”

“Vee! Wag mo naman sanang paghinatayin ng ganoon ang boyfriend mo! Tignan mo nga anong oras na. Umalis na kayo. Maging masaya sana ang date niyo” sabi ni Ate. Asan na ang mabangis kong ate? At anong date?