Nilapitan ko siya tapos hinampas gamit ng sandok na hawak ko. “NABABALIW KA NA BA!?! GUSTO MO BANG MAMATAY NG MAAGA? INCEST YUN! INCEST!”
Tumawa bigla si Kuya Yuki, “Alam ko!! Para namang kaya kong gawin yun sa sarili kong kakambal! Hello!! Sinong mag kakaguso sa isang katulad mong babae?! Moody, masyadong matalino, boyish, hinde cute kumilos, hinde man lang naglalagay ng makeup pati hinde marunong mag ayos!!” sabi niya habang nakaturo sakin, “Mabuti na lang talaga at naging kapatid kita! Jusko hinde nga siguro ata kita papansinin pag nakita kita kung saan-saan eh.”
“Hoy! Nangiinsulto ka ba?! Pati sa tingin mo makakapag suot ako ng mga damit na puro balat ang ipinapakita sa tapat niyo with matching makeup pa?!”
“Bawal yun! Lagot ka sakin pag puro balat nakita ko sayo at hinde tela!” natawa ako bigla, “Kaya siguro walang lumalapit sayo kasi puro lalaki kapatid mo eh.”
Tss. Tapos sasabihin niya na hinde ako marunong mag ayos! Eh nagrereklamo na nga sila tuwing mag bblush on ako eh. Pero sabagay, hinde naman talaga ako marunong eh. Kelangan ko na ata talaga tulong ni Mariel o kaya ng internet. Kaya ba wala pang lumalapit sa akin na matinong lalaki dahil hinde ako mukhang babae? Mukha na ba akong lalaki? Abnormal ba talaga ako?
“Nagkaboyfriend ako ulit kelan lang..” sabi ko kay kuya, “pero wala na kami.”
“ANO!! Ba’t hinde mo sinabi kaagad! Sino yun?! Ano itsura?! Bakit hinde ko alam!?”
“Ayan, alam mo na ngayon. Pati, wala na rin naman kami eh. Kaya ok lang yan.”
“Hay nako~ ano bang klaseng kapatid meron ako~”
Ngumiti na lang ako sa kanya. Nung naluto na yung ulam namin ay sabay na kaming kumain. Pagkatapos ay nagayos na ko para makapasok. Pagtingin ko sa cellphone ko meron na naman akong 9 missed calls at 14 messages. It’s been how many days? 6? Who cares? Tapos nagawa niya pang ipamukha sakin na hinde pa raw kami break pero may lalaki na kaagad akong ipinalit sa kanya. Hinde ko na lang sinabi sa kanya na kapatid ko yung kasama ko nung time na yun.
Pagkadating ko sa school ay sinalubong ako ng professor ko. Tinanong niya ako kung saan ko pinaplano gawin yung internship ko kasi kung wala pa raw, irerecommend niya ako sa isang school sa may the Fort. Syempre, pumayag ako dun sa suggestion niya. Hinde ka ba naman matuwa kung yung professor mo na yung mag rerecommend sayo sa school na pagppracticuman mo!
Medyo mabilis yung class namin, lesson ng konti tapos discuss ng project. Yung sumunod na subject ko naman nag long quiz kami. Yung last subject ko long quiz lang rin tapos lesson saglit. Nagiging mahigpit na yung mga professors sa amin, well, hinde ako kasali. Anyway, kasi malapit na finals namin kaya nagiging medyo strict na sa attendance. Kakasabi lang sa akin ung iba kong prof na ok lang daw kahit hinde na ko pumasok kasi pasado na daw ako kahit anong gawin ko. Pero kahit na sinasabi nila sakin yun, pumapasok pa rin ako. Ayokong mastuck sa bahay kasama ni Kuya Yuki!
Nung nakita ko na si Mariel sa may tapat ng building ko tumakbo na ko papalapit sa kanya. “May plano ako, pero game ka ba?” tanong sa akin ni Mariel
“I trust you. Ok.” Sabi ko naman sa kanya. Papunta na sana kami sa may parking lot pero nakasalubong namin yung prof ko.
“Yumiko, anong year ka gagraduate?” tanong sakin ni Dr. Bautista
Si Dr. Bautista yung professor ng karamihan ng mga major subjects ko. Siya yung nagrecommend sa akin sa S University. Madalas siya yung tumutulong sa akin pag dating sa mga research ko. In short, mentor ko siya.
“October next year po. 5 years po kasi yung course ko, eh alam niya naman ho ako, si advance, kaya maagang gagraduate.” Tapos tumawa kaming dalawa.
