“Yumi~!” Malayo pa lang, alam ko na kung kanino yung boses na yun.
Tumingin ako sa may likuran ko para kawayan si Jam. Nagmadali siyang lumapit sa akin. Niyakap niya ako habang nakangiti siya.
“Bakit parang ang saya mo ata?” Tanong ko sa kanya. “May nangyari bang maganda?”
“Parang ganun na nga~” sabi niya naman habang may sparks sa mga mata niya
“Tungkol ba to kay Greggy?” tumango siya, “Kayo na?”
“Hoy OA ka ha! Palagi lang kaming magkatext pati magkausap.” Biglang naging iba yung tingin niya sa akin, “Kamusta na kayo ni Lucas??”
“Ok ka lang?!” sabi ko sa kanya, “Kalokohan lang yung nangyari nung ‘meeting’! Kalokohan lalo kung hanggang ngayon nagkokontakan kami!”
Pagtingin ko kay Jam, nag tetext na siya. Siguro si Greggy na yung katext niya.
“Mabait si Lucas.” Nag pause siya kasi nagtetext parin siya. Pagtapos niyang magtext ay tumingin siya sa akin. “Mabait siya sa lahat ng tao, except sa mga nakakabangga sa kanya. Alam mo naman pag high school… siyempre pa-cool! Buhay gangster. Feeling nila ang cool cool nila pag nakakasapak sila ng tao.”
“Anong mabait dun? Parang siniraan mo lang siya sa akin eh.” Tapos ay tumawa ako
“Naging ganun lang siya nung grade 12. Pero before nun, mabait talaga siya.” napatingin ako sa mga tao dun sa may gazebo. “Lalo na sa mga babae! He’s really really nice to girls!”
Tumango ako sa kanya habang nakatingin parin sa may gazebo.
“Pansin ko nga eh.” Tinuro ko yung gazebo na tinitingnan ko. “Ayun oh. Tatlo-tatlo kaagad inaalagaan niya.”
Napailing ako sa nakita ko. Sabagay, ano nga naman bang ineexpect mo sa isang rich kid. Hinde yan makukuntento sa kung anong meron sila, maghahanap at maghahanap yan ng panibagong laruan hangga’t alam nilang may makukuha pa sila.
“GREEEEEG~! ♥” Kumaway si Jam para makita siya ni Greggy. Tumingin si Greggy sa Direksyon naming pagtapos ay kumaway kay Jam. Ganun na sila ka-close para tawagin niya siyang ‘Greg’.
Lumapit sa amin si Greggy.
Malapitan ko na ring makikita yung itsura niya! Di ko kasi masyadong natitigan nung meeting eh. Hinde siya panget, medyo cute siya pero hinde ko sasabihing gwapo. Cute lang. Bagay yung style ng buhok niya sa kanya, yung tipong hinde gumagamit ng gel o wax o kung anu man yung nilalagay ng ibang mga lalaki sa buhok nila. Nasa itsura niya yung tipong seryoso pag dating sa isang relationship. Mukha siyang matalino at magaling sa sports. Medyo dark siya.. pero hinde maitim, tan? Parang swimmer siya kaya ganun yung kulay niya. Very manly.
“Hi Jam.” Sabi ni Greggy kay Jam.
“Hi~” sabi naman ni Jam. “Ay. Si Yumi nga pala. Siya yung a meeting!”
Tumingin sa akin si Greggy nag smile siya tapos nakipag hand shake, “Gregory Sison. You can call me Greggy.”
“Yumiko Gala.” Sabi ko sa kanya. Nung ngumiti siya, dun ko nakita kung ano yung nagustuhan sa kanya ni Jam.
“Ikaw pala si, Reject.” Nakangiti parin siya habang sinabi niya yung reject. “Nakwento sakin ni Ian.”
“Ayan? A-Y-A-N? Sino yun? ”
“Hinde. ‘Ah yan’ yung pronunciation pero ‘Ee yan’ yung spelling. I-A-N.” explain sakin ni Greggy.
“Si Lucas yung ibig niyang sabihin.” Sabi naman sa akin ni Jam.
