لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة - صفحة 12
فك يديني بعد عنه بسسرعه وطلعت من الغرفة ..ونزلت بسرعه مرعوبه نفس اول مره قابلته هنا
جلست على سريري وانا مبسوط من اللي سويته فيها ..خلها تعرف كيف تتعامل معي ..ولا تسوي شي اكبر منها
وقفت عند باب البيت وانا منصدمة منه لحد الان ..ابغى ارجع البيت مافيني حمل اكثر ..دقيت على سارة وقلت لها اني برجع البيت ..ما اقدر اجلس اكثر من كذا
ركبت السيارة وانا كارهه نفسي ..وكارهه ريحة العطر اللي لازقه فيني بسببه
نزلت بعد مالبست ثوبي وغترتي للمجلس احتري عمي صالح ..وبعدالله يجي والشيخ
جلست على جوالي وانا اتذكرها ابتسمت وضحكت بشكل هستيري هذا وانا بس بستها شلون لو ......ههههههههههههههههههههه
دخل عبدالله ب زيه العسكري وهو يقول : عسى ما تأخرت
سيف : على الوقت ...اخلص البس وتعالي
عبدالله : يالله دقايق و اجي
رجع عبدالله بعد مالبس وجلس وهو يقول : يا حليلها سارة هههههههههه والله مانيب مصدق انها بتتزوج
سيف : صدق بعد ..لازم تتزوج
عبدالله : ماشاءلله اختي اليوم ملكتها واخوي بكرة زواجه
سيف : وانت عقبنا ان شاءلله .. المهم هذي تحاليل ساره خلها معك
عبدالله اخذ التحاليل وهو يشوف ذياب
دخل ذياب وهو يقول : السلام عليكم
سيف : وعليكم السلام
ذياب بزعل : تستهبل توك تعلمني عن الملكة
سيف : كل شي جا سرعه ..ولا انت تدري كل شي اخبرك عنه
جلس وهو يناظر في سيف بشك : ليش متكتمين على الملكة ..المفروض الكل يدري
عبدالله بحلطمة: من جد وش صاير ..انا احس اني منقطع من الدنيا بسبب هالدوام
سيف هز كتوفه وهو يقول : مدري والله ..الحريم عليهم حركات
عبدالله وقف وهو يقول : شكلهم جوا ..قوموا
سيف وقف واتجهه لـ الباب وهو يقول : يالله انك تحيهم ..ارحبوا يا هلا والله و مسهلا
ابتسم ابو سلطان وسلطان وهم يردون عليه
قرب عبدالله منهم وهو يقول : يا هلا والله يا ابو سلطان ..يا هلا والله بالنسيب
سلطان : رفع الله مقامك ..تسلم
ذياب وهو جاي من بعيد : يا مرحبا والله بالنسايب
سلم عليهم ودخلوا المجلس وبعدها بربع ساعة جاء ابو صالح وعياله ..و ابو زياد و عبدالرحمن ..
بعد السلام والسؤال عن الحال ..
سيف بهمس ل عبدالرحمن : وين زياد
عبدالرحمن : مسافر صار له يومين ..ان شاءلله انه بكرة بيجي
سيف : الله يهون دربه
انور : ماشاءلله دكتور
ابتسم سلطان وهو يقول : الحمدلله على كل حال
انور ضحك وهو يقول : وشفيك شكلك مرتاع تعود على الوضح
صالح : شكلك الي مروعك جلسة عماني وهم يناظرونك
سلطان بحكمة : يحق لهم يناظرون ..باخذ من عندهم بنتهم لازم يتأكدون من كل شي
صالح : الله يوفقكم و ييسر لكم امركم
سلطان : تسلم
بدا المقهوجين يباشرون بالقهوة والمجلس ملئ بالكلام بين هذا وبين هذا
وقف سيف وهو يشوف محمد داخل : السلام عليكم
قرب من محمد وهو يبتسم : وعليكم السلام
محمد بوجهه جامد : شلونك يا سيف ..عساك بخير في غربتك
سيف : بخير الحمدلله ...شلونك انت عساك بخير
محمد وهو ضاغط على يد سيف : بخير دامك بخير
سيف : حيّاك الله ..
تقدم محمد وهو يسلم على الضيوف
دخل الشيخ وهو يسلم : السلام عليكم
الكل : وعليكم السلام
الشيخ وهو يجلس : أعذروني يا اخوان على التأخير اليوم ولله الحمد عقدت قرآن اكثر من ثلاثة شبان ..اسأل الله لهم التوفيق
الكل : آمين
الشيخ : بسم الله الرحمن الرحيم ..وين وليّ العروس ..والعريس
اخذ سيف جواله وهو يتصل على امه : هلا يمه ..خلي سارة قريبه من باب المجلس ...ايه ....شوي ان شاءلله ...يالله
سكر الجوال وهو يوقف ويتجهه لجهة المملك ..وسلطان كذالك
جلس سيف بجانب المملك و في الجهه الاخرى سلطان
المملك : بسم الله
سيف بهدوء : لحضة يا شيخ ..قبل لا تملك يا سلطان ..بقول لك شي قدام هالوجية الغانمة ومانيب مستحي
سلطان بهدوء : سم
سيف بصوت واطي : انت الحين منت بمآلك على اختي بس لا والله ..انت مالك على بنتي ..وقطعة من قلبي ..ودم يمشي في شرآييني ..طول عمري معيشها زي ماتبغى هي ولا عمري قصرت معاها بشي .. صدق ان اببوي ميت بس عمري ماحسستها انها يتيمه ..صرت لها الابو والاخ وكل شي هي تبيه ...قبل لا تملك ابيك توعدني انك تحطها في قلبك قبل عيونك وتخاف ربي فيها ..وان ماعيشتها نفس العيشة اللي هي فيها تعيشها عيشة احسن منها ..
ابتسم سسلطان وهو يقول : الله يقدرني واحطها في عيوني ..اختك معي في أمان يا سيف
ابتسم سيف وهو يقول : توكلنا على الله
بدا الشيخ يكتب العقد بعد ماشاف التحاليل .. بعد ماخلصت وقف وهو يقول : وين العروس يا ولدي .
وقف سيف و الشيخ يمشي وراه
وقف عند الباب وهو ينادي سارة
كنت عند الباب واقفه خايفه مرعوبه من اللي سويته ..سمعت صوت سيف وهو يناديني حسيت ان الشي صار جدا ومافي مجال للهروب ..مافي مجال اقول لا ما ابي ...توكلت على الله احاول اطرد وساويس زياد عني
الشيخ : هل تقبلين ب سلطان ابن متعب الـ... زوجاً لك يا أبنتي
قلت بهدوء : أقبل
دخّل سيف الدفتر وعطاني القلم وهو يقول : وقعي هنا
وقعت وانا يديني ترتجف ..خلاص الحين زياد انتهى ..ماله في قلبي شي ..مع توقيعي هذا لازم انسى كل شي يخص زياد لاازم انسى اسمة بعد ولا أذكره ابدا
ضمني سيف وهو يقول : مبروك يا عيون اخوك ..ألحمدلله ..
ابتسمت وانا اقول : الله يبارك في عمرك
جتني امي وعيونها مليانه دموع ضمتني وهي تقول : مبروك يا سويرة ..مبروك يا بنتي ...مدري متى مشى الوقت وصرتي عروس قدامي ...الحمدلله
ضمي تامي بقوة ..كنت محتاجة هالضمة ...
بعدها رقيت لغرفتي وقفت عند المراية وانا اقول : لا تبكين ...سارة ..لا تبكين ..انتي قوية ...انتي قوية ...لا تبكين ..لا تبكين ..لا تبكين على زياد ..لازم يصير هالشي من اول ..لأا تبكين
جلست على سريري ..جتني رساله من عبدالله
( وين رحتي ..تعالي تحت المجلس ..سلطان جالس ينتظرك )
نعم ..وش ينتظرين
رجعت دقيت على عبدالله
عببدالله : وينك يا بنت ..الرجال ينتظرك تحت
سارة وعيونها بتطلع من محجرها : وش ينتظرني
عبدالله بملل : سارة بلا دلع بنات انزلي
سارة : خله يتوكل على بيتهم مانيب نازله
عبدالله : اخلصي علي انزلي ..بلا دلع
سارة : ما ابي انزل
عبدالله بهدوء : لا تطولينها وهي قصيرة انزلي اخلصي
سكر عبدالله الجوال ..
ياربي وش انزل اسوي .. طلعت من غرفتي وانا نازله تحت ..مالي خلق ابد
شفت عبدالله واقف
قربت منه وانا اقول : تستهبل عبدالله .. ما استعديت ولا شي
عبدالله وهو يناظرها : شكلك زين ..فكينا من الرجال يبغى يسلم عليك
سارة : افففففف
دخلت المجلس قالت بصوت هادي : السلام
رفع راسه وهو يقول : وعليكم السلام
جلست بهدوء
قال : شلونك سارة
سارة : بخير ..وانت
سلطان ب ابتسامه : بخير الحمدلله ..مبروك
سارة وهي منزله راسها ما شافته : الله يبارك فيه
سلطان ناظر فيها : انـ.....
وقفت بسرعه وهي تقول : عن اذنك
طلعت من المجلس بسرعه وهو يناظرها مستغرب ..ماجلست دقيقة ..عقد حواجبه ب استغراب وش تحس به ... حتى ما خلتني اكمل الكلام اللي بقوله
ــــــــــــــــــــــــــــــــــــــــــــــــــ ــــــــــــــــــــــــــــ
ام زياد : يا حليلها سارة الله يوفقها
لفيت على امي ب استغراب : ليه يمه
ام زياد ب استغراب : تستهبلين ..اليوم تملكت سارة على سلطان الـ...
شهقت بقوة وكأن يغت تطلع روحي مع الشهقه
ناظرتني امي وهي تقول بخوف : رشا ..وش فيك
رشا تمالك نفسي ..والصدمة اللي انا فيها : ولا شي ..
ام زياد : يا حليلها والله اخر وحده توقعت انها تملك
وقفت وطلعت من الصاله وانا مصدومة من سارة شلون ما خبرتني ..اكيد ماتبي يطلع خبر لـ زياد ..ماتنلام يا رشا اذا ماقالت لك ..كل شي تقولينه لزياد انتي
شهقت مره ثانية وانا اتخيل لو درا زياد وش ممكن يسويي الحمدلله ان زياد برا الديرة ..ولا كان صارت اشياء واشياء ..
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
في بيت ابو وليد
ابو وليد : حنان ..بكرة عرس سيف ال ...و مكلمني ابو صالح راسل لكم دعوات ...أنتي و سما
حنان : يا حليلهم ..ولدهم هذا هو اللي كان غايب عنه اربع سنين
ابو وليد : ايه هو ..العرس عائلي ..بس اصر ابو وليد على جيتكم
حنان : الله يوفقهم .. لا بروح ..ان شاءلله انا وسما
دخلت سما وهي تسلم : السلام عليكم
ابو وليد وحنان : وعليكم السلام
جلست سما وهي تصب لها شاهي
حنان : بكرة انا وياك معزومين على زواج من عائلة ال... ان شااءلله
سما : اا..اروح
حنان ب استغراب : ايه تعالي معي
سما بخجل : ..احس انه يعني موب مناسب
حنان : لا يناسب خليني اعرفك عليهم ..ويعرفون ان عندنا مرت ولد جميلة نفك
ابو وليد يناظر فيها بحنان : ليش يا بنتي ..روحي انبسطي و وسعي خاطرك
سما : و سالم
ابو وليد : عند لطفيه
هزيت راسي بالموافقه وجلسنا نسولف لحد ما استأذن عمي و دخلت معه حنان
جلست بلحالي ..أتفرج على التلفزيون ..شكلهم كلهم ينامون بدري ..حتى سلومي نام مبكر اليوم
قلبت في القنوات بطفش .. صار له يومين ماشفته ..احسن ..مدري ليش ما ارتحت له ..
سهيت بجوالي لحد ماحسيت بصوت الباب ينفتح ..رفعت راسي كان هو داخل وفي يدينه ملفات
نزلت راسي بدون اهتمام
دخل وجلس كأنه ما انتبه لي
كان يكلم : اوكي ...اليوم ما اقدر ..خليها بكرة ..توني واصل ..مايمديني .. خلاص ان شاءلله بكرة تكون عندك ..
سكر الجوال وانا اسمع الحوار شكله بينه وبين بنت ..والله و طلع راعي بنات بعد
لف علي وهو يناظرني : انتي هنا
وقفت وانا اقول : اسفه ماكان قصدي اسمع مكالمتك
رجع فتح جواله وهو يقول : مايهم ..سالم وين
سما : نايم
شاف ساعته كانت تشير ل 11 ليلا
قال بصيغه امر : سويلي شي اكله
ناظرت فيه وبكلامه وبطريقة كلامه ضغطت على نفسي مع اني ما احب هالاسلوب : وش تبغى
وليد : أي شي
دخلت المطبخ وانا منقهره من اسلوبه الوصخ معي ..بس سكت ما ابغى اتكلم ..
ما اعرف مكان الاغراض ..ولا ادري وش اسوي .. شفت كورن فليكس على الدرح وحليب جمبه ..اخذت الحليب و حطيته على النار
بعد ماخلص حطيت فوقه الكورن فليكس ..و وديته له
نزلته على الطاوله اللي قدامه ورجعت لمحلي
ترك جواله وناظر الاكل اللي سويته ورجع يناظر فيني : من جدك انتي ولا تستهبلين على مخي ..مانيب فاضي انا
ناظرت في : ليش وش سويت
اخذ نفس : جايبه لي كورن فليكس كني بزر
ناظرت فيه بقهر : انت قلت لي أي شي ..صح ولا لا
وقف وهو يناظرني : قلت لك أي شي زي الناس ...تدرين من متى ما اكلت هالاكله من عشرين سنه
ناظرت فيه : والله مشكلتك ..انت حارم نفسك
قرب مني وهو يقول : انا ماعندي بال على الحريم .. افهمي شغلك زين ..لا تخلينني اعصب زيادة
بعد عنه وانا منقهره من طريقة كلامه قلت له بعصبيه : اخاف مطلع لي تأشيرة من الفلبين .. ترى انا انسانه موب خدامه عندك
قرب من عندي وهو يقول بصوت حاد : يوم تزوجتك كنتي عارفه وش لك وش عليك ..لا يكون تبينني اعاملك كنك صدق زوجتي ..انتبهي انتي هنا بس عشان سالم ..وعشان راحته و راحتي
ناظرت فيه وقلت بتكرار : انا ماني خدامه
جلس وهو يقول : كلنا عارفين قبل لا اتزوجك كنتي وش في بيت اهلك
ناظرت فيه قدر يجرحني النذل ويوصل ل جرح كبير ناظرت فيه : ما اعتبرهم اهل ..
وليد : مشكلتك هذي ..من الحين اقول لك ..اي شي اطلبه منك ..كلمتك تكون حاظر ان شاءلله .اي كلمه غيرها تحملي عواقبها
ناظرت فيه بحقد ورقيت لغرفتي وانا منقهره لحد الصميم ..
فتح باب الغرفه ناظرته وبعدها قمت عن السرير وجلست على الكنبه ..اخذ بجامه من الخزانه ..و
ناظرني وهو يقول : صحيني بكرة الساعه عشر الصبح ..في الغرفه اللي قدامك
قلت بهمس : فكه
وليد لف عليه : وش قلتي
سما : ولا شي
طلع من الغرفه وهو يسكر الباب وراه
انقهرت من حركاته المستفزة ...سكرت الباب بالقفل وانسدحت على سريري ..وكأن النوم حالف اليوم ما يجيني من القهر ...ضغطت على نفسي وحاولت انام بالغصب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
فتح عيونه بعد نومه طويلة ومتعبة .. شاف الساعه كانت 9 المساء
رجع غمض عيونه ..سمع صوتها من بعيد وهي تقول : انت جاي لعندي منشان تنام بس
فتح عيونه وهو يقول : انام ..وامس وش كنا نسوي
قمر وهي تضحك : ما بيكفي ..قوم لحتى نطلع ع الضيعة
زياد : من عيوني م قمر عندي
قمر وهي تمد الجوال : جوالك من الصبح عم يرن ..ماحبي صحيك
اخذ الجوال منها ورجع استرخا على السرير
فتح السناب جات وبدا يشوف سنابات عيال عمه ..فتح عينه بقوة ..وهو يشوف عبدالله (اخو سيف ) مصور من رجال وكاتب ( مع النسيب ) النسيب ..النسيب ..من عنده غير سارة تتزوج قلبه بدا يدق ..كانت نبضات قلبة شوي وتطلع من صدرة ... رجع فتح سناب جات ذياب ..كان الشخص موجود في كل سنابا عيال عمه
اخذ جواله واتصل على رشا
زياد بصوت واطي وبخوف من الرد : رشا ...من اللي تملك
رشا انتفضت ماكانت متوقعه انه بيدري بهذي السهولة قال ب ارتباك : من قالك
زياد بقلة صبر : من اللي تملك
رشا غمضت عيوني بقوة وانا اقول : سـ...سارة
زياد انصدم عيونه معلقه على الفراغ اللي قدامه ويدينه ترتجف : ش..شلون سارة
رشا بسرعه : زياد اهدى ...اهدى
سكر الجوال وطلع يركض متوجهه للمطار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
