A Familiar Stranger

06. Dear Stranger

စိတ်ကူးယဉ် ပုံပြင်တိုင်းဟာ သိမ်မွေ့တယ်။ နူးညံ့တယ်။

လေတွေလိုပဲ လက်တွေ့မှာ ဖမ်းဆုပ် မရတာကြောင့် သူတို့ဟာ အင်မတန် အိပ်မက် ဆန်လွန်းတယ်။ ဒါပေမယ့် လှပတယ်။

ကျွန်​​မရဲ့ စိတ်ကူးယဉ် ပုံပြင်တိုင်းမှာ သူ နေထိုင်တယ်။

စိတ်ကူးယဉ် ပုံပြင်ထဲက သူဟာ နေ့တိုင်းနေ့တိုင်း ကျွန်​​မကို ပုံပြင်တစ်ပုဒ်စီ ပြောပြလေ့ရှိရဲ့။

ပြောပြပြီးသား ပုံပြင်တွေကိုပဲ ထပ်ခါတလဲလဲ သူ ပြန်ပြောပေမယ့် ဘယ်တုန်းကမှ ငြီးငွေ့သွားတယ်ရယ်လို့ မရှိခဲ့ဖူးတာ။

သူဟာ စိတ်ကူးယဉ် ပုံပြင်တွေတိုင်းမှာ ကျွန်​​မအတွက် ပြိုင်စံရှား သူရဲကောင်းတစ်ယောက်။

ကျွန်​​မ ခံစားချက်တွေကို နားလည်ပေးအနိုင်ဆုံး လူတစ်ယောက်။

အရာရာ တိုင်ပင်နိုင်တဲ့ သူငယ်ချင်းတစ်ယောက်။

ကျွန်​​မကို ညတိုင်း သီချင်းတွေ ဆိုပြီး ချော့သိပ်တတ်တဲ့ ချစ်သူတစ်ယောက်။

မျက်ရည်စက်တွေ တသွင်သွင် စီးဆင်းကျရင်း ဒီ လောကကြီးကို စိတ်ကုန်တဲ့ အကြောင်းတွေ သူ့ကို တရစပ် ငြီးတွား ပြောဆိုမိတိုင်း သူဟာ ဘယ်တုန်းကမှ ကျွန်​​မ ဘေးကနေ ခေါင်းရှောင်ပြီး ထွက်ခွာမသွားခဲ့ဘူး။

ကျွန်​​မရဲ့ နာကျည်းဖွယ် အတိတ်ဟောင်း ပုံပြင်တိုင်းကို အဆုံးထိ စိတ်ရှည်လက်ရှည် နားထောင်ပေးရင်း အနူးညံ့ဆုံး အပြုံးတွေနဲ့တောင် အမြဲလိုလို နှစ်သိမ့်ပေးတတ်သေးတာ။

စိတ်ကူးယဉ် ပုံပြင်တိုင်းမှာ သူဟာ ဘယ်တုန်းကမှ ကျွန်​​မအတွက် သူစိမ်းတစ်ယောက် မဟုတ်ခဲ့ဘူး။

ကာရံ မဲ့နေတဲ့ ဘဝထဲကို သံစဉ်တွေ ထပ်လောင်းဖြည့်ဆည်းရင်း ကာရံညီအောင် ဖန်ဆင်းပေးခဲ့သူ .. ။

အချစ် ဆိုတာ " ရင်ခုန်မှု " သက်သက် မဟုတ်ဘဲ " မြတ်နိုးမှု " တစ်ခုကသာ အချစ် ဖြစ်ကြောင်း ဦးစွာ ပထမ သင်ကြားပေးခဲ့သူ .. ။

မိုးအုံ့အုံ့ နေ့ရက်တွေမှာ မှောင်မိုက်မိုက် တိမ်တိုက်တွေကို တွန်းဖယ်လို့ အဆုံးအစမရှိ ထွန်းတောက်လာတဲ့ နေမင်းကြီး တစ်ပါးလိုမျိုး ...