POSSESSIVE 14: Lysander Callahan

CHAPTER 4

CHAPTER 4

"THIS IS TONIGHT?" tanong ni Jergen sa babaeng nagbigay sa kanya ng invitation para sa business party na gaganapin mamayang gabi at imbitado ang boss niya.

"Yes, Ma'am." Ngumiti ang babae.

"Sino-sino ang dadalo?"

"Confidential po ang mga businessmen na dadalo sa pagtitipon. And I'm not allowed to disclose it to a mere secretary."

Nakaramdam siya ng pagkainsulto kaya tumaas ang kilay niya. "Well, this secretary will not give this invitation to her boss if you won't tell me," pagtataray niya. "At mukhang isa sa mga importanteng tao sa pagtitipon ang boss ko, and trust me, my boss doesn't like this kind of lavish parties."

Tumaas ang kilay ng babae. "We will call Mr. Callahan." May pananakot sa boses nito.

Jergen smiled. "Be my guest, Miss." Iminuwestra niya ang kamay sa elevator. "You can leave now."

Inirapan siya nito, saka malalaki ang hakbang na pumasok sa elevator.

Umirap si Jergen nang mawala ang babae sa paningin niya. Ayaw na ayaw niya talaga sa mga taong ito na nga ang may kailangan, ito pa ang nagmamataas.

Bumuntong-hininga siya, saka umupo sa upuan niya sa harap ng mesa. Nag-iisip siya kung tatawagan ba niya ang boss niya o pupunta siya sa Bachelor's Village. Pero tuwing naiisip niya ito, bumabalik sa isip niya ang nangyari kagabi.

That kiss... Her cheeks heated up. Good heavens. What happened last night should never have happened!

Huminga siya nang malalim, saka napatingin sa elevator nang tumunog 'yon at bumukas.

Bahagyang namilog ang mga mata niya nang lumabas mula sa elevator ang boss niyang walang iba kundi si Lysander Callahan. He was wearing a very expensive suit and he looked formidable in it as he walked like he owned the place. Well, he did own the place. And she couldn't help but to admire how gorgeous he was in his suit.

But what the hell? He's actually here?

Napakurap-kurap siya. Hindi siya makapaniwalang nakikita niya itong naglalakad papasok sa opisina.

Hindi ito nagsalita. Nang magtama ang mga mata nila, kinindatan lang siya, saka pumasok sa opisina nito.

Her mouth was still opened in shock. The hell? Her boss was here? Ano ang nakain nito ngayong araw at pumasok ito?

Nagmamadali niyang sinundan si Lysander sa opisina nito, saka natigilan sa paglalakad nang makitang nakaupo ito sa swivel chair. Hindi siya sanay na nakikitang nakaupo ito roon.

"Shock?" he asked.

Itinikom ni Jergen ang nakaawang na bibig. "You have no idea."

Nag-angat ito ng tingin sa kanya at hindi nakatakas sa paningin niya ang pagbaba ng mga mata nito sa mga labi niya at ang kakaibang kislap ng mga mata nito.

Nag-init ang pisngi niya. Naalala ba nito ang halik na 'yon kagabi?

Shit!

"So..." Humugot ang lalaki ng malalim na hininga. "What do you need me to do?" tanong nito. "I'm here and I feel like working my ass off today."

Naguguluhan at nagtataka pa rin siya habang nakatingin dito. "Ano nga ang nakain mo, Boss at pumasok ka?"

"It's not what I ate." May pilyong kislap sa mga mata nito. "It's what I tasted last night." Tumaas ang sulok ng labi nito. "Damn your lips taste sweet—"

"Shut up, Boss." Namumula ang pisnging pinandilatan ni Jergen ang lalaki, saka itinuro ang steel cabinet na nasa gilid ng opisina nito. "First drawer, sign those papers. I already read them and all you need is sign them. Sa second drawer, nandiyan ang layout ng mga bahay na ginawa ng mga architect sa Architectural Department. There are fifty of them. Tingnan mo lahat at mamili ka ng treinta piraso para maipasa ko na 'yon sa Construction Department. Nasa ikatlong drawer ang reports ng sampung construction firm na sister company ng Callahan Real Estate. Kailangan mo ring pirmahan ang mga 'yon. And the last drawer, nandiyan ang lahat ng papeles na dumaan sa akin sa dalawang linggong absent ka. I-review mo, 'tapos ibalik mo sa akin para maayos ko kung may dapat pang ayusin."