Dedicated to @knjtakahara lablab bes! Ingat sa Japan ❤❤❤❤ Late ko na 'tong na-publish pero hope you'd still love this hahaha. In Bicol 'to para mas feels mo 😁
BES
Inot na bulan kang kralasehan
Kita, dae pa nagpapansinan
Maski sa corridor, kita, nagraralampasan
Malamang, dae man kaya kita magkabistuhan
Nag-abot ang ikaduwang bulan
Mala, uya na ang halalan
Natapos na ang halabang ralabanan
Ay salamat! Naging opisyales ka man
Poon kadto, kita, medyo naging close man
Trabaho digdi, trabaho duman
Dawa may pagkasibot sa mga kaipuhan mahaman
Ika, nagpapangirit pa, maski an saimong paparataram, daeng katimayanan
Nag-agi ang mga bulan
Saro o duwa sana man
Sarong bagay, nangyari ning dai ko inaasahan
Na kita maabot sa puntong "bes" na ang arapudan
Lalaki o bakla ka man
Mayo na akong pakilabot diyan
Ta ang mga arog mong maaasahan
Dai dapat tigpaparakulugan
Ang intrams uminabot naman
Lakaw digdi, lakaw duman
Minsan ngani nagdadalagan
Kundi, mamundo, ta mayong Takahara na nangkakarawan
Kaya, ako, uni desidido man
Uto, sa court, minadalagan
Dawa may mga dapat inuton ta kaipuhan
Mala, tambay baga para ika makaibanan
Sarong aldaw na kita makakan nin pangudtuhan
Duwang babae satuyang naimbitaran
An saimong ugali na may kadaldalan
Mala, sinda, napasali sa satong barkadahan
Sindang duwa naging bes mo naman
'Pag nagsusuba ka, nakikingiritan
'Pag naghuhugot ka, nakikidugtungan
'Pag nagkakanta ka, nakikikanta man
Akala ko mamundo ta ako may kabangaan
Pero mala, dae ko inaasahan
Na 'pag ang barkada palan nadagdagan
Mas lalo man palan madadagdagan an kaugmahan
Natapos na ang intrams na puro pakurusugan
Iyo, may namati kitang kaugmahan
Alagad 'pag ang puso talaga tinamaan
Mayo na kita kayan mahahaman
Kang inot, iyo grabe an saimong kaugmahan
Pati notes niya, iyo mo pang ginibuhan
Pero ako, nagpapasalamat sa satong barkadang Alyssa ang pangaran
Ta ika nasapok, asin natauhan
Dai na pagpara-isipa yang taong yan
Ta mayo ka man sanang mahahaman
Bayae kung ano man ang gusto niya man
Ta ika, gusto kong pirming nauugmahan
Ngunyan, ta malayas ka na sana man
Boot ta kang pasalamatan
Sa gabos na satuyang napag-agihan
Marahay o maraot man
Sa pag-apod mo duman sa kaklase mo para kami ma-picture-an
Sa pakikidaldalan sako pag mayong mahaman
Sa pagpapangirit sako maski mayo sa mood minsan
Dakol pa, pero iyo na lang muna yan
Halat! May saro pa palan
Sarong bagay na gusto ko, saimong mamatean
Na ika, Takahara, dawa kalog kadalasan
Padangaton ta ka, asin kang buong barkadahan
Hep! Bako yan na romantikong namamatean
Kundi idto bagang garo sa magturugang
Iyo minsan, sa GC, nagmumurudahan
Kundi sa pagkakaaram ko normal man yan
Huring stanza na ni kaya susuliton ko naman
Na sa mga panahon na kita magkaibanan
Sa court, sa corridor, o kung sain pa man
Mayong aldaw na ako, kami, dai naugmahan
BINABASA MO ANG
Poems: A Compilation
PoetryA compilation of all of the poems that I have written so far. Poems are written in Bicol, English, and Filipino. Some are written poems, few are spoken.
