شـــــلة بنــــاات الشـــــرقيــــة

1

 
كان أول يوم دراسي وكانوا البنات مبسوطين عشان بعد الإجازه الطويله

 رح يشوفوا بعض كل يوم او 5 ايام في الحقيقه ..

و في نفس الوقت كانو متوترين لأن هذي الثانويه آخر سنه لهم فيها ويمكن يفترقون بعدين..
اليوم الدراسي الأول صحت إلهام لبست وكشخت و راحت متحمسه عالمدرسه كالعاده طبعاً اليوم الأول الكل متحمس و مستانس حتى بعضهم يسهر حتى يطلع الفجر عشان يروح للمدرسه و يقابل اصحابه و يكون وقتها مجمع ذيك السوالف اللي رح يحكيها لأصحابه .. المهم وصلت عالمدرسه وشافت خوياتها سلمت عليهم و كانوا مره مبسوطين ..
ليان : لهو بعد قلبي اشتقت لك اش اخبارك ؟ كذا تسوين فينا ما تجين على حفلاتنا اللي بالعطله يعني ما شفناك ابد ..
إلهام : ليون حبيبتي إنتي عارفه والله رحنا على فرنسا عشان أهل أمي .. أبوي واعدها ( إلهام أمها فرنسيه عاش ابوها حكاية حب طويله قبل لا يتزوج أمها ) ..
ليان : اهاا .. وش اخبار فرنسا اجل ؟ بعدين أش هالحلا كله من وين جبتيه .. لا تقولين جايبتيه من حلا بنات فرنسا ..؟
إلهام : هههههههههه تسلمين يا ليون هذا من ذوقك .. يعني أنا احلويت ؟ فرنسا ما في احلى منها لا تسأليني عن اخبارها لو بحكي لك من اليوم لي بكره ما نخلص ..
ليان : هههههههه أي والله هذي فرنسا بس يبي لنا نلتقي و تحكي لنا عن كل شي .. نمضي وقت يعني ..
إلهام : اكيد متى ما تحبي لو حتى بالحصه اقعد احكي لك ما عندي مانع ..
ليان : هههههاي لا والله عشان يهزأونا و يطلعونا برى .. و يجيبون اهلنا و يسوون سالفه .. و كله بسبب فرنسا ..
إلهام : هههههههه معك حق .. ليون شوفي هناك جوا حبايبنا شوشو وهدهد ؟
ليان لفت : أي والله يلا نروح لهم ياني مشتاقة لهم حيييل ..
إلهام وليان ينادون بسرعه : شوشو هدهد ..
شافوهم شهد و هديل و جوهم ركض وضموهم : و الله مشتاقين لكم
إلهام وليان : وإحنا أكثر ..
" إلهام و ليان يكونون صداقة نقدر نقول لحالهم و هم مع بعض دائماً بحكم أن ابو ليان و ابو إلهام أصدقاء الروح بالروح تعرفوا على شهد و هديل من الابتدائي طبعاً شهد وهديل بعد هم قراب من بعض لأنهم اصلاً بنات عم و مثل الأخوات بالضبط .."
شهد : بنات ياني عندي لكم سوالف صارت بالعطلة قوية و خطيرة و هديل تشهد ..
هديل : أي والله تذكرون البنت اللي كلمناكم عنها بنت خالي سديم تذكرتوها ؟؟
ليان : أي هذي اللي قلتي أن أخوك بدر يحبها صح ؟ وصارت بينهم قصص ؟
هديل : اييييييييييييه عليك نور .. دريتوا انها انخطبت من واحد ثاني ؟
إلهام باندهاش : لاااااااااا اشلون و كيف و مين ؟
شهد : ايه انخطبت واحد ما نعرفه مسكين اخوك يا هديل راح فيها ..
ليان : ياويلي عليه بس و لا يهمك يا هديل لسا العمر قدامه ورح يلاقي اللي تحبه ورح ينسى سديم مع الوقت و تشوفون ..
إلهام : خلونا من السيره و قولولي أش احساسكم و هي آخر سنه لنا بالثانويه ؟؟
شهد : يوووه لا تذكريني اخاف من الفراق صح اننا نزور بعض بس مهما كان مو بزي المدرسة كل يوم نشوف بعض ..
ليان : ياحليلك تخافين من الفراق ههههههههه أنا عن نفسي و احساسي انا مبسوطه لاني احس اني كبرت ما عدت بزره اما بالنسبة للفراق لا تشيلين هم انا كل يوم برز عمري بيتكم اوكي شهودة ؟
شهد : هههههاي حلوه يمكن ارحب فيك يومين وبعدين بطردك ..
هديل : هههههههه اصلاً ايام الثانوية تمر بسرعة ما ادري ليه ..
إلهام : و انتي صادقة .. يمكن لانها احلى ايام حياتنا .. يلا امشوا خل نروح لفصولنا قبل ما يهزؤونا المعلمات ..
ليان : ايه يلا من جد ما احب احد يهزئني خل نروح بكرامتنا احسن ..
------------------------------------------------------------------------
بعد مرور شهر على الدراسة ..
إلهام كلمت ليان تلفون : ليان من يصدق ان لنا شهر واحنا ندرس ؟
ليان من جد الأيام تمر بسرعة وعلى قولة هديل رح تمر الايام بسرعة هذا هي مرت ..
إلهام : أي والله انا خايفة من المستقبل ..
ليان : حبيبتي تراه ما يخوف .. آه صحيح تذكرت في شي نسيت أقولك إياه بالمدرسة مع انها سالفة مهمة بس ما ادري اشلون راحت عن بالي ..
إلهام : وش هي؟ قولي أشغلتيني ..
ليان : تذكرين البنت اللي قلتي انها دايما اطالعك ودايما وراك ؟
إلهام : ايه اللي قلت لك انها معجبه ؟ اش فيها ؟
ليان : جتني وكلمتني طلعت صدق معجبة فيك هههههههههه يا حليلها
إلهام بسخرية : احلفي لا والله أنا عارفة من البداية انها معجبة وقلت لك و أنا بطبعي ما اطيق شي اسمه اعجاب و لو جتني وكلمتني كان سفلت فيها وانتي اخبر ..
ليان : ليش بس مسكينه جت وقالت لي انها تبي تصير صديقتك اش اقولها ؟
إلهام : ليان من جدك و لا تستهبلين انتي تعرفين رايي و ما احب هالسوالف و قولي لها اني ما ابي صداقتها و لاني بطايقتها ..
ليان : طيب هي ما سوت شي حبتك و حبت انها تكون قريبه منك و طلبت صداقتك .. ما سوت البنت أي شي غلط ..
إلهام : لااا ما سوت لو تبيني كان كلمتني بنفسها ما خلتك واسطه ..
ليان : لا هي كلمتني صدفه يعني لاني اعرف وحده من صديقاتها جواهر عرفتيها كانت قاعده مع جواهر و انا بغيت جواهر بسالفه فالبنت بكل عفويه كلمتني وقتها ..
إلهام : لا تحاولين ما ابي اصادقها ..
ليان : يا حرااااااام طيب انتي ما سألتيني عن اسمها حتى ..
إلهام : وليه أسألك اصلاً ما يهمني ..
ليان : حتى ولو ما يهمك بقولك اسمها نور ..
إلهام : طيب هذاني عرفت خلاص سكري الموضوع وإذا جتك وقالت انها تبيني علميها وقولي لها ما ابيها اوكي ..
ليان : خلاص اوكي ولا يهمك ..
------------------------------------------------------------------------
" قربت الأختبارات النهائية للفصل الأول كانت ليان و هديل و شهد يجتمعون عند إلهام عشان يدرسون طبعاً إلهام دافورة الشلة .. لكن بس يجتمعون تطلع السوالف .. وراحت المذاكرة .."
" اللحين رح ندخل باحداث عائلية و نبدأ بقصة إلهام .. بعدين نكمل سالفة الجمعه جمعة المذاكره .."
إلهام عاشت حياتها ما بين هنا و هناك يعني ما بين السعودية وفرنسا امها ما تتكلم عربي كثير عشان كذا إلهام متقنة اللغة الفرنسية و لأنها عاشت حياتين ان صح التعبير صارت ما تعرف بالضبط اش انتمائها يعني في اشياء تتعدى حدودها بدون ما تدري أو حتى ما حد يقولها اذا هذا غلط او لا .. ابوها تارك التربية لأمها بحكم شغله الدائم .. دائما مشغول و إلهام ماهي قريبة من أمها أبدا حتى تكاد علاقتهم ببعض تكون رسمية ممكن اختصر لكم حالتها بعبارة وحدة انها قد تكون مضطربة عاطفيا عشان كذا تكره المعجبات و العلاقات الجديده .. لأن امها فرنسية وحلوة فأكيد إلهام رح تكون نفس أمها شعرها أشقر طبيعي و ناعم معطيها جمال لا يوصف ما كأنها سعودية عيونه زرقه فاتحه و نحيفه بشكل حلو .. هي اصغر وحده من اخوانها .. عندها اثنين اخوان اكبر منها واحد عمره 22 سنه يدرس علوم بجامعة الدمام اللي هو خالد و الثاني عمره 25 سنة و اللي هو رائد يدرس بلندن .. أمها اذا ما كان اسبوعيا فشهريا تسافر على فرنسا لان اهلها و اصدقائها هناك ابو إلهام ما يقدر يعترض على هالشي لانهم اتفقوا عليه قبل الزواج يعني أغلب وقت ام الهام برى البيت تجي بس وقت يكون ابوهم موجود و ابوهم لانه رجل اعمال كبير فهو بعد دايما مسافر يعني ما يبقى بالبيت باغلب الاوقات الا إلهام و خالد و رائد و الخدم و مربية معهم من يوم هم صغار يعتبرونها زي امهم اسمها نرجس و هي مغربيه بس اضطرت تسافر قبل سنتين من الآن ( رح تعرفون قصتها فيما بعد ) .. حتى اخوان إلهام ما يقعدون بالبيت لانهم شباب .. عندها عم واحد لكنه بعيد عنهم بالرياض و ما يتصل مع ابو الهام ( لأسباب برضو رح اذكرها مع الاحداث القادمه ان شاء الله ) وكل واحد منهم له شغله ..
وهذي هي عائلة إلهام ..
" بهذا الوقت زي ما قلت كانت إلهام قاعدة مع خوياتها بغرفتها يذاكرون كانت إلهام و شهد قاعدين عالسرير إلهام قاعده تشرح لها مسألة وكانت هديل و ليان قاعدين عالأرض بجنب السرير بس اذا فتح الباب ما ينشافون ..
المهم جا خالد طاير و فتح باب غرفة إلهام و ما كان يدري ان في ضيوف عندها ويفتح إلا عينه تجي بعين شهد ..
شهد ما عرفت اش تسوي ضلت قاعده من الصدمة طبعاً هو ما شاف غير شهد لان الثانيات زي ما قلت ما ينشافون .."
إلهام : هيه يا انت ما تشوف عندي ناس .. ( وتقوم تركض و تطلعه برى و طلعت وراه و تسكر الباب و قالت له ) : إنت اش فيك منت بصاحي اشلون تجي كذا و تفتح الباب بذي الطريقه .. اش هالدفاشه ؟ .. الناس يدقون الباب اول ..
خالد : و الله أنا آسف ما كنت أدري إن عندك أحد على بالي لحالك بالغرفة وكنت جاي أبي أقولك إذا تحبين تطلعين معي بس صار اللي صار اعتذري لي منها ما كان قصدي والله ..
إلهام : اشلون بهالبساطة انت فشلتني قدامهم ..
خالد : اش اسوي والله ما كنت ادري ..
إلهام : خلاص لا عاد تتعودها ما بيضرك شي لو دقيت الباب قبل لا تدخل مره ثانيه ..
خالد : خلاص قلت لك أنا آسف ..
جت إلهام بتمشي إلا ناداها خالد : إلهام
إلهام : نعم خير ؟
خالد : اش اسمها البنت اللي معك ؟
إلهام : و ليه تسأل ؟ ما لك دخل ..
خالد : تكفين قولي لي اسمها ..
إلهام : ليه حب من أول نظرة مثلا .. ؟
خالد : لا بس ابي اعرف الله يخليك قولي لي ما رح تخسرين شي ..
إلهام : بسألها إذا ترضى أقولك أسمها بعدين رح أقولك ..
خالد : تستهبلين من جدك قولي لي اسمها ولك مني اللي تبينه ..
إلهام : والله ،، عرض مغري .. أجل بقولك و يا ويلك إذا ما نفذت اللي أقوله بعدين
خالد : طيب أوكي وعد ..
إلهام : اسمها شهد بس ترى ما خلصت منك لسا بسوي معك تحقيق بس يروحون ..
خالد : خلاص عادي يلا اللحين روحي تأخرتي عليهم ..
" دخلت إلهام و اعتذرت من البنات عن اخوها و كملت مع شهد المذاكرة .. "
و بعد ما خلصوا سألت إلهام شهد..
شهد : شهد وش رايك بأخوي خالد ؟
شهد : اش هالسؤال ليكون تبين تخطبيني له ههههههههه ؟
إلهام : ههههه لا والله من جدي أسألك أش رايك ؟
شهد : ليه تسأليني أنا بالذات ؟
إلهام : تبيني أقولك يعني .. بس مارح أقول إلين توعديني تقولين لي رايك فيه ..
شهد : خلاص اوكي مافي مشكلة اوعدك اقول رايي ليش لا .. يلا قولي ليه السؤال ؟
إلهام : لانه يوم فتح الباب شافك انتي ..
شهد : تبين تفهميني إنه هذا هو السبب ..
إلهام : الصراحة لا .. هو سألني عن اسمك ..
شهد : اييييش ؟! ليه يسأل ؟ و انتي اش قلتي له ..؟
إلهام : قلت له اسمك طبعاً ..
شهد : ليه ما يصير بأي حق تقولين له اسمي ..
إلهام : زعلتي ؟! .. ما كان قصدي هو ترجاني وقلت له .. تكفين لا تزعلين مني توقعته عادي ..
شهد : لا خلاص ما زعلت بس تضايقت شوي ..
إلهام : طيب قولي لي رايك اللحين بما اني جاوبتك ..
شهد : رايي !! رايي بأيش ؟
إلهام : و أنا بقعد اسحب منك الكلام و لا انتي قاعده تضيعين السالفة ابي رايك بأخوي مو احنا اتفقنا ..
شهد : ايه يعني مصرة تعرفين ؟؟ طيب رايي فيه عادي اش تبيني اقول انا ما اعرفه و لا اقعد معه تبين الصراحة و بدون زعل سؤالك مره غبي ..
إلهام : هههههههههههههاي مره ضحكتيني معليه نشوف بعدين بتترجيني و اذكرك ..
شهد : انتي اش تقولين و الله شكلي نشبت معك ..
إلهام : ههههههههههه
ليان : بنات عندي اقتراح اسمعوني رجاااءً
شهد : أي نسمعك قولي ..
ليان : من تو كنت قاعده اقول لـ هديل اش نبي نسوي بالعطلة القصيرة الجاية بعد الاختبارات انا اقترحت اننا نروح كلنا مع بعض عالهافمون انتو وش رايكم ؟؟
إلهام : عادي نروح ليش لأ ..
شهد : أنا ما أدري على حسب أهلنا اذا يوافقون مو صح هديل ..؟
هديل : و لا يهمك انا اعرف اشلون نقنع ابوي عاد اذا اقتنع ابوي رح يكون عمي سهل يا بنت عمي ..
شهد : هههه يا حليلك مانتي بهينه ..
إلهام : يلا اللحين خل الأختبارات تعدي بعدين يصير خير ..
ليان : طيب على كذا احنا خلصنا مذاكرات اليوم يلا انا بمشي و رح اوصل شهد و هديل بطريقي ..
إلهام : لا وين تو الناس بتروحون و بتخلوني لحالي يعني ؟
هديل : يا حبيبتي تأخرنا و لازم نروح نشوفك السبت بالمدرسة ان شاء الله ..
إلهام : طيب خلاص براحتكم ..
" بعد كذا راحوا البنات و كان خالد قاعد بغرفته يحس بإحساس غريب صح انه شاف بنات قبل كذا بس مثل هذي ما شاف هو نفسه ما كان مصدق كان قاعد يتذكر اللحظة اللي صارت كان يتذكر عيونها العسلية حس بلمعان بعيونه كان مبسوط و ما كان يدري ليه يعني عاش جو عالأخر .."