شـــــلة بنــــاات الشـــــرقيــــة

37

 " بعد هالمحادثه رجعت ليان لبيتهم بس المفاجأه ان في شخص كان ينتظرها بسيارته قدام بيتهم و هالمره مو عامر لا بدر .."

بدر : ليان تكفين ابي اكلمك بموضوع ضروري ..
ليان : انت ... انت .. مستوعب اش قاعد تسوي انت قدام بيتنا و ممكن أي احد يشوفنا ..
بدر : عجزت ادق عليك و ما تدرين حتى ارسلت هديل تكلمك و ما رديتي بعد .. ارجوووك قولي لي انك موافقه علي ..
ليان : انت اش فيك ما تفهم ؟ .. يلا روح ..
بدر : لااا ما ني برايح إلين تقولين لي رايك ..
ليان : خلاص خلاص بقولك بس مو اللحين يلا انت روح و اوعدك اني بعلمك ..
بدر : زين انا بروح بس اذ ما رديتي علي اليوم رح تلاقيني بكره هنا بنفس هالوقت قدام بيتكم ..
ليان : طيب روح روح ..
" راح بدر بعد ما طيح قلب ليان من الرعبه بعدها ليان جت بتدخل البيت بس طرا على بالها تروح لإلهام تستشيرها .. دقت على الهام و الهام رحبت فيها و على طول ليان راحت لبيت الهام "
ليان : اول قولي لي اشلونك انتي ؟
إلهام : أنا زينه لا تخافين على خويتك جبل ما يهزه ريح ..
ليان : كفو والله هذي لهو اللي اعرفها ..
إلهام : انتي اللي قولي لي اشلونك ؟
ليان : انا عايشه بالدنيا بس ما عاد صرنا انا و انتي نحكي كثير ..
إلهام : معك حق الدنيا اشغلتنا عن بعض ..
ليان : أي و انا ودي انك تفضفضين لي زي اول ...
إلهام : حبيبتي لا تخافين علي انا ما عندي شي مهم انتي اللي قولي لي احس في بفمك كلام كثير ..
ليان : هو بصراحه أي في كلام ..
إلهام : أي قولي انا اسمعك و زي ما عرفتيني سرك في بير ..
ليان : أنا عارفه هالشي و رح اقولك .. تذكرين سالفة خطفي ؟
إلهام : أي ..
ليان : طبعاً بدر يعرف هذا اللي خاطفني و قالي بدر يومها ان الحقير ما رح يسكت و رح يرد الطق اللي انطقه ذاك اليوم .. عشان كذا بدر يعني انه خايف علي و يبي يتزوجني بس يبي رايي و انا للحين ما رديت ..
إلهام : هذي الساعه المباركه بدر ما عليه كلام ..
ليان : لا انتي ما فهمتي عامر جا عن طريقه كان يحكي له عني ..
إلهام : يمكن كان قاعد يحكي شعوره تجاهك و وثق في خويه لكن خويه خان الثقه يعني كان يبي يحكي لاي احد عن مشاعره ..
ليان : ههه هذا نفس كلام هديل ..
إلهام : شفتي ؟ معناته صحيح هو ماله ذنب .. بعدين تعالي هديل كلمتك و قالت لك ان اخوها يبيك ؟
ليان : أي من اسبوع تقريباً و لما ما رديت جا اليوم و وقف يستناني قدام بيتنا و طلب رايي و قال لازم ارد عليه اليوم و لا بيصير كل يوم يجي و يوقف قدام بيتنا ..
إلهام : اهاا قلتي لي .. انا اشك انه يبي يتزوجك عشان خايف عليك .. انا متأكده انه يحبك ..
ليان : يمكن .. أنا ما قلت لك اني التقيت فيه مرتين عالبحر و اعترف لي بحبه ..؟
إلهام : لا والله !! احلفي ..
ليان : والله هذا اللي صار ..
إلهام : متى ؟ و ليش ما علمتيني ؟
ليان : يوم كنتي بكندا ..
إلهام : اللحين تذكرتي تقولين لي ؟
ليان : حسيت انه مو بلازم لاني قررت اني اصده و ابتعد عنه خصوصاً بعد سالفة الحقير ..
إلهام : لا انا من رايي انك توافقين عليه ..
ليان : في شي بعد ما تعرفينه ..
إلهام : أي قولي قولي الظاهر ان سفرتي كان فيها احداث انا توني اعرفها ..
" حكت لها ليان انه تحبه من زمان و حكت لها عن كل شي قالته لهديل ذاك اليوم (بآخر ص 96 اذا حبيتو تتذكرون ) .."
إلهام : يا الله كل هذا .. ليش ما علمتيني طيب انا مو اختك ..
ليان : ارجوك لا تعاتبيني اللحين مو وقت عتاب ما يكفي ان هديل عاتبتني انتي تبين تعاتبيني بعد ..
إلهام : يعني هديل تدري ؟
ليان : أي يوم كنتي بكندا اصرت علي وانا علمتها بكل شي ..
إلهام : زين ما رح اعاتبك لانه زي ما قلتي مو وقته .. لكن شوفي انا بقولك شي واحد هو كان حبك الاول و انا متأكد مثل ما انا متأكده من حبي لإبراهيم انك لا زلتي الى اللحين تحبينه ..
ليان : لا هو ..
إلهام : ليان لا تكذبين علي ترى ماحد غيرنا هنا بالغرفه و كل شي مبين و حكته نظراتك .. اعترفي ..
ليان : دائماً انتي كاشفتني .. صح هو حبي الاول زي ما قلتي .. حاولت صدقيني حاولت اني اكرهه او حتى انساه بس ما قدرت هذا قلبي مو راضي ..
إلهام : ليون نصيحتي لك لا تضيعين حبك ترى والله تندمين و هذا انتي قدرتي تحصلين عليه بصعوبه و يمكن حتى بمعجزه لا تكآبرين ترى مو زين لك بعدين لو كان غلط اكيد رح يصلح غلطته و هو فعلاً يبي يصلحها بالزواج هذا دليل على انه يحبك و يخاف عليك اش تبين اكثر من كذا ..؟
ليان : والله ما ادري ..
إلهام : عندك اليوم بطوله اقعدي و فكري على مهلك .. اتفقنا ..
ليان : اوك .. ما تدرين اش قد ارتحت يوم سولفة معك ..
إلهام : مره ثانيه لا تخبين عن شي عشان ترتاحين ..
ليان : هههههههههه ان شاء الله تأمرين امر يا ملكتي ..
------------------------------------------------------------------------
" راكان راح لذاك المكان اللي جمعه بحبه و عاش فيه احلى ايامه و تركت له حبيبته احلى ذكرى منها .. هذا المكان اللي يخفف عن راكان شوي آلام الفراق .. هذا المكان اللي يذكره بوجودها معه و ينسيه هم فراقها و عذابه .. هذا المكان اللي عاش فيه راكان اقسى قصة حب .. هذا المكان هو البحر اللي تحمل هموم الناس و قصصهم اللي ما تنتهي .. هذا البحر اللي راكان كتب له هالكلمات و طلب منه انه يوصلها لإلهام .. و كأنه بيوصلها !!.."
إن كان الفراق قاسي فـالشوق لك أقســى
و إن كاني أذكر حبك فذكراه ماني بناسي
إنت تدرين إنك حب قلبي و إنـتي الأغـلى
و تدرين إن بعادك عن قـلبي بالحيل قاسي
مهما ابتعدنا وعد منــي علـى حبـك أبـقـى
و مــا أكــون لـك غـــيـر حـبيبـك الـوافـي
ليه تبعدين عني وتتركينـي بغيـابـك أشقـى
ليه تحـرمين قلبـي حنـان صـدرك الدافــي
عيشتي في ها الكـون دونــك مــا تســوى
وين ألاقي مثلك بهالدنيا يا بعد كـل ناسـي
أعشقك صدقنــي أعشقــك وربـي الأعـلـى
ما عشقت كثــرك يا من ملك كل احساسي
ودي لو تدريــن إش قــد قلــبي لك يهـــوى
واش قد في غيابك تعذبت ولا زلت أقاسي
و إش قد الوقت في وجودك يطول و يحلى
و في غيابـك يصـير الـوقت كــأنه مـا فـي
" كلمات كتبها راكان بإحساسه للي ملكت قلبه و فارقته و هو قاعد يتحمل عذاب الفراق لحاله .. كان راكان يكتب و يكتب كلماته عن الهام و كان على ثقه انه رح يجي يوم و يعطيها هالكلمات تقراها و تشوف مدى حبه لها .."
------------------------------------------------------------------------
" ببيت إلهام رائد سوا لهم مفاجأه و جاهم هو وسمر زياره .."
رائد : حبيت اسويها مفاجأه اش رايكم ..؟
نرجس : حلوه المفاجأه تهبل .. اش اخبارك حبيبتي سمر ؟
سمر : الحمدلله زينه .. و انتي اشلونك ؟
نرجس : طيبه بشوفتكم .. قولي لي حبيبتي سمر اشلون رائد معاك ؟
سمر : زين ..
رائد : اوووه زين بس ..؟
سمر : اش تبيني اقول بعد ؟
نرجس : بسك عالبنت احرجتيها ..
رائد : الا وين الناس ؟
نرجس : ابوك جا من دوامه و كالعاده راح ينام .. و اختك الهام بغرفتها مع خويتها ليان .. بروح اناديها لك ..
رائد : لا خليها تاخذ راحتها ..
" إلا نزلت الهام مع ليان كانت ليان راجعه لبيتهم و الهام توصلها للباب طبعاً شافت اخوها انبسطت كثير و قعدت معهم سوالف .."
إلهام : الا ما قلت لي متى بترجع الدوام ؟
رائد : ما ادري متى ما خلتني سمر ههههههههه ..
إلهام : هههههههههه لا لازم ترجع .. معليش سمر ابي رائد بموضوع ..
سمر : اوك عادي انا رايحه للمطبخ اتعلم كم طبخه من الخاله نرجس ..
إلهام : تسلمين .. معليش اخذتك من زوجك ..
سمر : لا عادي مليت منه اصلاً ..
رائد : يا سلام ..
سمر : ههههههه امزح ...
رائد : هههههههه ايه احسب ..
إلهام : يا حليلها تهبل اش رايك فيها ؟
رائد : راااائعه ..
إلهام : راائعه ؟!
رائد : أي اش تبيني اقول ..؟
إلهام : ههههه لا لا تقول ما لك بالرومانسيه اصلاً هههههه... المهم كنت ابي اقولك اننا نبي نخطب شهد حق خالد بعد بكره و المشكله ان خالد مستحي يكلم اخوانها .. يعني قلت بما ان وليد خويك ورى ما تكلمه انت ..؟
رائد : بس كذا ؟ ابشري ما طلبتوا شي .. رح اكلمه ان شاء الله ..
إلهام : تمام بس ضروري بكره تكلمه عشان نروح نخطب له بعد بكره ..
رائد : و لا يهمك ان شاء رح اكلمه بكره ..
إلهام : مشكور و ادري اني خربت عليك شهر العسل ..
رائد : لا و لا خربتيه و لا شي انا كنت راجع اساساً ..
" خالد كان بالشركه منهمك بالشغل دق عليه فارس اللي من زمان ما كلمه و طلب يجتمعون بالاستراحه مع الشباب .. و دق فارس بعد على ابراهيم و كل الشباب .. و وافقوا على الجمعه .."
" عشان كذا لما تأخر خالد دقت عليه الهام تسأله ليه ما جا .."
إلهام : يلا تعال نستناك عالعشا ..
خالد : لا ما اقدر بروح الاستراحه الشباب مجتمعين ..
إلهام : اش يعني ما تقدر اخوك هنا و لازم تجي هذي اول زياره له من يوم تزوج ..
خالد : صدقيني ما اقدر عطيتهم كلمه .. بعدين رائد ليه ما يتكلم من اول و يقول انه بيجي عشان ندبر لنا صرفه ..
إلهام : يعني ما في امل تجي ..؟
" قاطعها رائد و قال لها تعطيه التلفون .. و عطته الهام "
رائد : هااا خالد ما تبي تشوف اخوك ؟
خالد : لا والله يا اخوي مو كذا بس الشباب اليوم مكتملين يبونا نجتمع .. يعني تدري من تفارقنا هذي اول جمعه لنا .. و انا اعطيتهم كلمه ما يصير اتراجع ..
رائد : زين انا بعد العشا بمركم .. عادي ؟
خالد : أي طبعاً عادي تعال حياك تشرفنا انت ..
رائد : معناها رح اجيكم على طول .. يلا مع السلامه ..
سمر : وين على الله ..؟
رائد : بروح اشوف الشباب بعد العشا ..
إلهام : ههههههههه دير بالك تراك متزوج اللحين ..
رائد : ليه انتي ما تبيني اروح ؟
سمر : هههههه .. لا انا ما قلت كذا ..
رائد : اجل ليه تغيرت لهجتك معي ..؟
سمر : لا بالعكس اذا تبي تروح روح بس مو تصير تروح كل يوم ..
رائد : لا من هالناحيه تطمني ما اقدر على فراقك ..
إلهام : احم احم نحن هنا ..
رائد : ههههههههههههه ما قلت شي ..
نرجس : يلا حبايبي العشا جاهز .. خالد ما رح يجي ؟
إلهام : لا بيروح للشباب ..
..........يتبع