شـــــلة بنــــاات الشـــــرقيــــة

36

" الكل كان تعبان بهالليله و وده يرتاح و ينام إلا اثنين و هالمره اثنين ما لهم علاقه ببعض او بالاحرى واحد اللي له علاقه بالثاني .. إلهام و راكان .. خلونا نشوف بالاول ليه الهام ما نامت او ما جاها نوم .."
إلهام : صح نسيت ما شفت حبيبة راكان بالعزيمه .. مو لازم .. لا بس البنات اللي كانوا موجودين و مو متزوجين هو احنا الشله هديل مخطوبه و ليان ..... صح ليان ليش ما فكرت فيها .. لا ما اظن ..لا بس هو قال ان حبيبته تحب البحر و عرف لما راح ذاك اليوم يدافع عنها .. أي صح .. لا لا انا يوم اجي كانت ليان موجوده و بحسب ما قالوا لي هي اول وحده وصلت .. يعني حبيبته وحده كان المفروض تجي وراي .. بس ما احد جا وراي غير سمر .. ممكن يكون قصده نور .. لا ما اعتقد هو وين شافها حتى شكله ما يدري ان سمر عندها اخت و بعدين هو قال ان البنت تصير اخت واحد من شلتهم و نور ما عندها اخ اكبر منها .. اجل مين يقصد .. يمكن ما جت حبيبته .. لا انا سألت شهد اذا اعزموا غيرنا وقالت لي لا .. اففففف ليش ما يعلمني باسمها و من هي و خلاص .. اصلاً انا ليش مهتمه يعني .. يا الله اش فيني اش هالاحساس .. كأني اغار من حبيبته .. لا لا قاعده اقول كلام خطير مو معقول .. أنا اشوفه زي خالد اخوي .. لكن عندي احساس قوي انه يقصدني .. لا اله الا الله احسن شي اني ما افكر بالموضوع .. بس رح اسوي شي واحد بكره رح أسأل شهد عنه .. اممممم ممكن اعرف حبيبته اذا جاوبتني شهد على هالسؤال .. لا لا ما رح اسألها لانها رح تسألني بعدين اش دراني ان اخوها عنده حبيبه و تفتح معي تحقيق .. يلا اخليها للوقت مع الوقت رح اعرفها ..
" مسكين راكان ما يدري ان استيعاب الهام بالحب بطيء كل هالتحليلات و الكلام و ما درت انها هي المقصوده هههههه من جد دنيا .. المهم راكان مو شي غريب هو من يوم صار هيمان بوحده اسمها الهام ما صار لا ينام و لا حتى ياكل زين .."
راكان : بعد عمري الهام كنتي تهبلين اليوم اه يا زينك و يا زينها عيونك .. كتبت هالكلمات فيك و انا استناك ..
أنـــا كنت عالجمـــر أنتظـــــــر طاريــــــك
أعــد الدقايق و الســـــاعــات من شانــــك
و أنطـــــر اليــــوم اللــــي فيـــه بلاقيــــك
و أتحمل عذاب الفرقــى و الهـــم عشانــك
و أسهر الليالي و أحلــم فيـــك و أناديــــك
و أطلب ربي يعينــي كثـــــر مـــا عانـــك
قولـي لي إنتي ويــــــن لاجـــــل أجيـــــك
أجيــك ليــه مــا اجيك بعد ما ربي لي جابـك
ترانــي للحين أنتظرك و بالحيـــل أغليـــك
و إنتظرت و إنـتظرت و يا حسرة انتظـارك
ليتك تــدرين ودي يـــوم أمســــك أياديـــك
و أشوفــــك و أقــول يـــا عمري هلا بــك
تعب صوتي من كثــر مــــا هـــو يناديـــك
ترى طــالت غيبتــك ما اقدر علـى غيابـك
لـو كان بإيديني شـي لكنت جنبك أداريــك
يكفيني فـراق يكفيني شوق يكفيني عذابـك
راكان : فديتك والله يا ليتك تدرين بحبي بس والله ان سعود هذا محظوظ فيك اخ بس ياليتني كنت انا ولد عمك مو هو ..
وليد ( قعد من نومته ) : تكفى اخوي عن الهذره ابي انااااام .. والله درينا انك تحبها ..
راكان : انتو تدرون .. بس هي ما تدري ..
وليد : اوووف لا تقلبها دراما .. خلني انام وراي دوام بكره ..
راكان ( محد رح يفهمني ) : نام نام ماحد ماسكك ..
------------------------------------------------------------------------
" اشرق صباح يوم ثاني و الكل يتمنى انه يكون يوم خالي من المشاكل .. المهم ما رح اذكر لكم الجامعه رح نتعداها لان ما صارت فيها احداث و رح نروح على طول لما بعد الجامعه و تحديدا الساعه 6 بالليل إلهام كلمت سعود و طلبت تشوفه .."
سعود : أنا اسعد انسان اليوم لانك حبيتي تشوفيني ..
إلهام : مو عشان خشتك ابي اشوفك .. اول شي مانت حاب تفكر بموضوع زواجك هذا ؟ تراك رح تندم صدقني لو تزوجتني رح تندم ما رح تكون سعيد معي ابد رح انكد عليك عيشتك ..
سعود : نو نو ما رح اتراجع ابد انا ابييييييييييييك تفهمين يعني اشلون ابيك .. و مهما تسوين ما رح اتراجع ..
إلهام : كيفك انت جبت البلا لنفسك .. شوف انا ابيك تأجل الزواج ما ابيه بوقت الدراسه ..
سعود : لا يا حبيبتي انا مستعجل .. من لما خطبتك و انا احلم بيوم زواجنا ..
إلهام ( عصبت عصبت عصبت واضح انه يتمسخر و يستفزها ) : اسمع انا ماني قاعده امزح انا ما ابي الزواج الزفت يكون بالدراسه لا تستعجل على النكد و الجحيم لاحق عليه اسمع مني ..
سعود : لا لا لا انا ما امزح و فعلاً مستعجل لاني بالعطله مو بفاضي .. بعدين كم وحده تزوجت و هي تدرس و شوفيهم اللحين عايشين و عندهم عيال و كملوا دراستهم و ما صار لهم شي .. يعني اسمحي لي اقولك ان الدراسه مو عذر انتي تبين تأخرين الزواج لسبب ثاني ..
إلهام : فعلاً معك حق ابي أاخر الزواج لسبب ثاني هو لاني اكرهك و ما ودي اني اصير لك بسرعه ..
سعود : اجل من هالناحيه تطمني رح تصيرين لي بسرعه ان شاء الله .. لأني احبك موت و حبي لك ما رح يخلص يا بعد عمري . ( يحط ايده على ايدها )
إلهام : شيل ايدك .. لا تصدق عمرك ..
سعود ( تنهد ) : يا حلوك و انتي معصبه ..
إلهام : أنا رايحه البيت كنت عارفه من اول ان الكلام ضايع معك بس ما ادري ليه جيت و كلمتك قلت كأني توقعت ربي يهديك و تحن شوي بس طلع العكس ..
سعود : واضحه حبيبتي انتي جيتي تكلميني لانك اشتقتي لي تبين تشوفيني ..
إلهام : مالت عليك و على تفكيرك .. اقول لك شي خلني ساكته اللحين الوعد اذا تزوجتني بتعيش بجحيم ..
سعود : استنى هاليوم بفارغ الصبر ..
إلهام : لا تتأمل صدقني رح تندم .. قبل لا انسى انا ما ابي تسوون حفلة زواج كبيره ابي الزواج يكون ببيتنا لا بارك الله فيه من زواج ..
سعود : لا حبيبتي امي تبي تفرح فيني ..
إلهام : هم كلمتين يا بدون حفله و لا رح الغي الزواج و اللي بيصير يصير ..
سعود : لا خلاص اللي تشوفينه انا ما صدقت وافقتي اشلون اضيعك من ايدي ..
" قامت الهام بتمشي ....."
سعود : لحظه لحظه وين رايحه ..؟
إلهام : بروح البيت و لا على بالك بقضي اليوم كله مع حضرتك ..
سعود : لا بس ابي انا اوصلك ..
إلهام : ما بعد تصير زوجي عشان تتحكم فيني .. و هذا السواق برى يستنى ما جا عالفاضي ..
سعود : اجل المره الجايه لا تخلينه يجيبك انا ابوديك وين ما تبين ..
إلهام : لا تخاف ما في مره جايه ..
" خلص مشوار إلهام و طلعت منه بلا فايده ما غير رفع ضغطها مسكينه تحاول تخبي حزنها الشديد بصراحه موقف ما تنحسد عليه الهام .. خلونا اللحين نروح للشركه كانت ورود حذره بتعاملها مع وليد من يوم قالت لها الهام صارت تحاول تلاحظ تحركات وليد و نظراته و تحاول تحللها .."
ورود : ما كأنه مديرنا رائد طول بالاجازه ..؟
وليد : لا حرام هو ماخذ شهر باقي له اسبوع و رح يرجع ان شاء الله ..
ورود : في هنا تواقيع لازم يوقعها ..
وليد : ضروريه يعني ؟
ورود : امممم تقدر تقول ..
وليد : شوفي اذا ما تتأجل جيبيها اعطيها حق خالد يوصلها له او حتى انتي تقدرين توصلينها له ..
ورود : لا لا رح احاول ااجلها حرام نخرب عليه شهر العسل ..
وليد : أي صح الظاهر حتى انا رح اتزوج ..
ورود ( ما تدري ارتبكت و حست كأنها المقصوده ) : زين رح اكون اول وحده ابارك لك ..
وليد : هههههههه .. هاك خلصت الاوراق ..
ورود : مشكور و يعطيك العافيه ..
وليد : الله يعافيك .. ( جت ورود بتطلع ناداها ..) : ورود ..
ورود : نعم ..
وليد : انتي مشغوله اللحين ..؟
ورود : لا جيت ابعطيك هالاوراق تخلصها و رح ارجع البيت اكمل هناك لاني تأخرت اليوم ..
وليد : طيب ممكن تقعدين شوي ابيك بموضوع خاص ..
ورود : طبعاً ( كلها رجفه و جسمها صار حار و زين ماسكه نفسها )
وليد : تسمحين لي اسألك سؤال خاص شوي ؟ ..
ورود : ما ادري على حسب السؤال ..
وليد : بس بقول .. انتي مخطوبه شي ؟
ورود : هههه لا .. عندك لي عريس يعني ؟
وليد : ههههههههههههه تقريباً تقدرين تقولين كذا ..
ورود : اجل .. وينه ؟
وليد : مين ؟
ورود : المعرس ..
وليد : اييييه لا للحين ما كلمته ..
ورود : طيب خير ان شاء .. بغيت شي ثاني و لا اروح ..
وليد : لا خلاص تقدرين تمشين بالسلامه ..
ورود : تسلم ..
( وليد : هههههههه ما تدري ان المعرس انا يا حليلها من جد روحها مرحه و حلوه .. )
------------------------------------------------------------------------
" ليان راحت تزور ابراهيم تبي تشوف اش سالفته ما قام يرد عليها او يطلع حتى .."
ام ابراهيم : هلا بليون ..
ليان : هلا عمتي .. وين ابراهيم ؟
ام ابراهيم : بغرفته صاك على عمره ما ادري اش فيه من ايام و هو على هالحاله ..
ليان : طيب معليش اروح اشوفه ؟
ام ابراهيم : أي حياك اتفضلي .. أنا بروح اجيب لكم شي تشربونه ..
ليان : زين ..
" راحت ليان لإبراهيم و مثل ما توقعت كان متأثر بفراقه من إلهام و عايش حاله صعبه .."
ليان : ابراهيم لا تسوي بعمرك كذا ..
إبراهيم : ياما كنت اقولكم مافي شي بهالدنيا اسمه حب بس انتو ما صدقتوني .. شفتو وين وداني هالشي .. يا ليتني ما سمعت كلامك ذاك اليوم و رحت و كلمتها .. ياليتني ما سمعت كلامك و حبيتها ..
ليان : ابراهيم تكفى مو ذنبك و لا ذنبي الحب لازم يكون فيه عذاب ..
إبراهيم : يعني خلاص ما عاد في امل منها ..؟
" بهاللحظه جت ام ابراهيم بتدخل لكن سمعت كلامهم فاوقفت شوي تسمع باقي الكلام عشان تشوف ولدها اش فيه على هالحاله .."
ليان : رح تلقى وحده ثانيه تحبها ..
إبراهيم : لا ما رح القى غير إلهام و انتي تعرفين هي الوحيده اللي قدرت تدخل قلبي .. ليان اشتقت لها كانت ترسل لي مسجات كل يوم و احياناً تدق و انا ما ارد عليها و اللحين ما عاد يجيني منها أي شي حتى انها غيرت رقمها .. و انا ندمان حتى لاني ما كنت ارد عليها ..
ليان : يا ابراهيم البنت خلاص بتتزوج مو بإيدها مجبوره اش تسوي هي بعد متعذبه اكثر منك ..
" أم ابراهيم قاطعتهم و دخلت و اعطتهم العصير .. سمعت كل شي و عرفت بلى ولدها و خلاص قررت انها تزوجه عشان ينسى همه و صممت على هالشي .."
ليان : اسمع اصلاً احسك مو ذاك الزود تحبها انت ما كنت تشوفها اصلاً ما شفتها الا كذا مره ..
إبراهيم : صحيح اللي تقولينه بس كنت اقرا مسجاتها و اشوفها من بعيد لبعيد و هذا يكفيني ..
ليان : و بعد يكفي لانك تنساها ..
إبراهيم : يعني انتي تبين كذا تبيني انساها ..
ليان : هو في حل برأيك ؟!
إبراهيم : معك حق ..
ليان : اللحين ابيك توعدني انك تنسى وحده اسمها الهام تراها ما تبي مشاكل ..
إبراهيم : يعني انتي تتوقعين اني بظل اركض وراها و هي متزوجه .. هذي مو من اخلاقي ..
ليان : لا انا عارفه بس قاعده اقول ..
إبراهيم : لا تخافين و عشان اثبت لك و لها اني خلاص ما اقرب ناحيتها قررت اللحين اني اتزوج ..
ليان : اييييش ؟ ! مو من صدقك !!
إبراهيم : ياخي والله ما عرفت لك تبيني ابعد عنها و ما افكر فيها و يوم قلت لك بتزوج تنحتي ..
ليان : أي قلت ابعد عنها بس مو لدرجة انك تتزوج ..
إبراهيم : هذا الحل الوحيد .. بعدين هذا مجرد كلام قاعد اقوله لاني منقهر ..
ليان : اوكي خلاص هذا شي راجع لك تبي تتزوج تزوج ما رح امنعك ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ