شـــــلة بنــــاات الشـــــرقيــــة

12

  " أول ما اوصلوا عائلة إلهام وشهد الفندق كان كل من اخوانهم رائد و وليد يستنونهم " ..
إلهام ( ركضت و ضمت رائد بقوه ) : اشتقت لك يا خوي .. وينك ليه ما جيتنا المطار .. قلت انك ما تدري اننا وصلنا طلعت تدري لكن ما جيتنا ..
رائد : يا قلبي قلت اشوفكم بالفندق احسن ..
خالد : اقول و خري خل اسلم على اخوي مو بس انتي ..
" إلهام طالعته بإحتقار (مزح) و لفت ...."
خالد : هلا و غلا هلا بأخوي الغالي ..
رائد : هلا فيك واحشني موت ..
خالد : والله انت اللي واحشني اكثر ..
" رائد راح حب على راس ابوه و سلم عليه و سأله عن حاله .. بعدين راحوا على غرفهم أو بالأصح الشقه شقه لأهل إلهام و شقه لأهل شهد و بالطبع شهد و اخوانها التقوا بأخوهم وليد في نفس الفندق كان قاعد مع رائد هم اتفقوا اساساً يستنونهم بالفندق ..."
------------------------------------------------------------------------
" في السعوديه ببيت هديل .... "
هديل : بدر تعال ابيك بسالفه ..
بدر : نعم خير اش صار ؟
هديل : لأ خير ان شاء الله ابي اسولف معك بس .. و السالفه مهمه ..
بدر : طيب قولي اسمعك ..
هديل : لا مو هنا قدام البزران خلنا نروح بالصاله اللي فوق و نحكي براحتنا ..
بدر : لهالدرجه الموضوع خطير .. يلا امشي ..
هديل : أي خطير و يخص ليان ..
" راحوا على فوق و قعدوا بالصاله و بدوا بالحكي .... "
بدر : قلتي لي يخص ليان عساه خير ..
هديل : لا ان شاء الله خير .. اول ابي أسألك وش رايك فيها ؟
بدر : من أي ناحيه يعني .. اذا من ناحية الجمال فأنا ما شفت أجمل منها حتى انها اجمل من سديم ..
هديل : و غيروا ..
بدر : اش قصدك ؟
هديل : يعني تحس بشي ناحيتها ..
بدر : كان في احساس بس راح ..
هديل : بدر يا خي تكلم بوضوح .. و لا اقولك أنا بسألك سؤال واضح وجاوبني .. تتمناها تكون شريكة حياتك بالمستقبل ؟
بدر : بصراحه بصراحه بالوقت الحالي ما في احسن منها لكن ما اقدر لأنو يمكن بقلبها شخص ثاني .. صحيح هي اعجبتني بس أنا احاول قد ما اقدر ما افكر فيها عشان ما انصدم بعدين ..
هديل : هو صحيح في بقلبها شخص و حكت لي بس على قولتها ان هذا الشخص كانت تحبه لكن هو ما حبها و لا فكر فيها حتى و الأدهى من كذا انها اكتشفت انه يحب وحده ثانيه شفت اش قد تعذبت ؟؟ أما اللحين على قولتها انها ما عاد تحبها و لاعاد تبي تشوفه او تتذكر أي شي عنه ..
بدر : طيب ليش تحكين لي قصة حياتها .. تبيني يعني اصير حبيبها الجديد ..
هديل : لا يا حبيبي انت هو انت حبيبها القديم هذا اللي تو قلت لك عنه هذا انت .. أي لا تستغرب انت كانت تحبك من ايام المتوسطه ما كانت تدري انك متولع بسديم و ما عرفت هالشي إلا يوم انخطبت سديم السالفه اللي صارت ذاك اليوم يعني ..
" بدر من الصدمه ما هو بعارف وش يقول "
بدر : من صدقك انتي تتكلمين و حده جوهره مثلها و لا حسيت انها تحبني و أنا اقول ايامها ليش كله تجي بيتنا حتى كنت احس ان في احد يراقبني فكرت اني اتخيل اشلون ما حسيت فيها اشلون و إنتي ليش ما قلتي لي هالشي من قبل ..؟
هديل : أنا توني من كم يوم عرفت يوم طلعت معها أصريت عليها اني اقولك الين قبلت و قالت قولي له بس ما رح يتغير شي ..
بدر : اوكي .. عن اذنك ابروح غرفتي ..
" بدر ما كان مستوعب تضاربت عنده الأحاسيس ما بين الحب و الاعجاب هو كان معجب فيها بس ما كان رح يحبها لكن لما سمع هالسالفه من اخته تغير اللي بقلبه ..."
------------------------------------------------------------------------
" ببريطانيا بعد ما ناموا و ارتاحوا قعدو سوالف اهل إلهام .."
إلهام : الله ياني مبسوطه واحنا كلنا كذا موجودين بس ناقصنا امي ..
رائد : والله أنا اللي مبسوط اكثر انكم جيتوا و خلي بالكم اني بروح معكم بنفس الطياره على السعوديه ..
خالد : أي عادي .. اشتقت للسعوديه هااا ؟
رائد : أي والله اكيد و خاصه الشرقيه و كورنيش الخبر و الدمام ومولاتنا و اهم شي الهافمون و التطعيس و استراحة الشباب .. إلا يا يبا ما قلت لي اشلون الشغل ..؟
ابو إلهام : الشغل تمام وانا ابوك و ما شي بأحسن ما يكون ..
إلهام : ما قلت لك يا رائد ان ابوي ما عاد يقعد معنا بالبيت زي اول ..
رائد : اشلون ..؟ ليش طيب ..؟
ابو إلهام : والله يا ابوك الشغل كان متأزم اشوي و كان فيه مشاكل و صار ما يمديني ارجع عالبيت بس اعترفي يا إلهام اني سويت لك كل حفلاتك وحضرتها بعد ..
إلهام : أي صح ..
" دق جوال خالد ......"
خالد : الو ..
إبراهيم : هلا بخالد ..
خالد : أهلين هلا فيك اش اخبارك ؟
إبراهيم : الحمدلله أنا زين انت اش اخبارك ؟
خالد : تمام والله أنا بلندن اللحين ..
إبراهيم : والله اش عندك بلندن ؟
خالد : حفل اخوي ما قلت لك ..
إبراهيم : اهاا .. يعني ما رح تجي حفلي ؟
خالد : لا أفا عليك أكيد بجي ..ان شاء الله ..
إبراهيم : زين دقيت بس ابي أتأكد ..
خالد : ههههههههههه يا حليلك وانا اقدر ما احضر حفل برهوم..
" إلهام ( بخاطرها ) : الله هذا برهوم بعد قلبي يالله هانت كلها يومين و ان شاء الله اكون عنده .. "
بعدها سكر التلفون و طبعاً إلهام بجرأتها المعتاده ..
إلهام : هذا إبراهيم خويك صح ؟؟
خالد : أي هو ما سمعتيني اقول برهوم .. يا حبك له بس ..
" إلهام عادي عندها يقول اللي يبي يقوله ما حست بأي نوع من الإحراج و طبعاً رائد لاحظ هالشي .. اما ابوها ما فهم قصدهم لكن ما دقق كثير .... "
خالد : أنا اللحين ابنزل تحت بالكافيه حق الفندق ابي اقعد اقز انا و راكان ..
إلهام : هههههه تقز هااا طيب انا اعرف من اعلم .. اللي خبري خبرك ..
خالد : لا تكفين خلاص كرهت البنات .. يلا انا رايح ..
إلهام : لحظه ابجي معك ..
خالد : وين تجين اقولك ابقعد مع راكان ..
إلهام : عادي احنا ببريطانيا مو بالسعوديه بعدين اعتبره مثل اخوي و لا تنسى اذا خليتني اجي رح ادق على شوشو تجي هي بعد و تقعد معنا .. هاا وش قلت ؟
خالد ( بتردد ) : هاااااا .. ما ادري .. ( و بعد تفكير ) طيب اوكي يلا تعالي ..
رائد ( كأنهم قاعدين يتكلمون بالألغاز ما فهم شي ) : هيه على وين وبتتركوني لحالي .. ؟ إنت خالد روح اما انتي يا إلهام خليك ابيك بسالفه ..
خالد و إلهام : لالالالالالالالالالالا
رائد ( بإندهاش ) : وشو اللي لالالا ؟
إلهام : بتحرمني من الطلعه ..
خالد : و أنا بتحرمني من شي انا مستنيه .. اقول ..انسى .. يلا انا رايح ..
رائد : لحظه و لا تزعلون خلاص خالد انت روح و إلهام اشوي وبتجي اتفقنا ..
خالد : طيب يلا ( لف على إلهام و عطاها غمزه ) أستناك .. ههههه
إلهام : ههههههه ( تصرخ و تقول لخالد : قصدك تستناها ) يلا قول لي اش بغيت ؟
رائد : مسكت عليكم سوالف من لحظة ما دق ابراهيم الين لحظة طلوع خالد و ابيك تحكين لي اش السالفه بالضبط ..
إلهام : و لا سالفه و لا شي كله استهبال ..
رائد : ما ني بمصدقك ..
إلهام : صدقني استهبال .. لو في شي و انت لازم تعرفه اكيد بقولك ..
رائد : خالد مو كثير يهمني لأنه ولد و يقدر يدبر اموره بس انتي .. في شي بينك و بين إبراهيم ؟
إلهام : ليكون قالوا لك احنا عايشين ببريطانيا و ممكن يصير بينا شي ؟
رائد : لا تعصبين والله من خوفي عليك و كان مجرد سؤال لا اكثر و لا أقل ..
إلهام : يمكن يكون في شي بس مجرد اني احبه و هو و لا فكر هذي كل السالفة ..
رائد : عشان كذا تبين تروحين كندا صح ؟
إلهام : ابي اعرف بس اذا هو يحبني و لا لأ ما رح اسوي شي غلط و انت تعرفني ..
رائد : أنا واثق فيك كل الثقه بس ابطلب منك طلب .. اذا بتسوين أي شي بخصوصه ارجعي لي قبل اذا تبين حتى ممكن اخليك تقابلينه وش قلتي ؟
إلهام : معقول تخليني أقابله ؟؟
رائد : حتى اطمن عليك بس و أكون قريب منك حتى أعرف كل تحركاتك و اكون جنبك ..
" رائد من شدة خوفه على اخته صار ما عاد يدري اش يقول فقال لها كذا حتى تتطمن له و تحسه معها و انه انفتاحي عشان لمن تكون بخطر هو يقدر يساعدها و ينقذها .."
إلهام : خلاص وعد مني اني اقولك على كل شي يصير معي ..
رائد : تمام .. اللحين قولي لي اشلون تعرفتي عليه واش مخططاتك ؟
إلهام : أنا ما تعرفت عليه شفته مرتين بس و أعجبني و في نفس الوقت احس بإحساس غريب لما اشوفه فسرته على انه حب ..ترى خالد ما يدري عن شي .. يعني انا ما قلت له شي هو حاس انه في شي بس ساكت .. فبليييييييييز لا تعلمه بشي ..
رائد : افاا عليك معقول اعلمه هذا شي بيني و بينك ما احد رح يعرفه ..و اللحين قولي لي تتوقعين هو يحبك او رح يحبك ؟
إلهام : والله ما ادري ممكن .. يا اخوي يمكن انا احبه بس هو ولا فكر ..
رائد : وش دراك ؟ يمكن هو بعد يبادلك نفس الإحساس ؟
إلهام : مو عشان كذا ابروح كندا ابي اعرف ..
رائد : يعني تبين تكلمينه ..( يقول كذا عشان يسايرها و يبي يعرف ردها ..)
إلهام : لأ طبعاً .. ( كلامها من ورى قلبها )
رائد : أجل اش فايدة روحتك ..؟
إلهام : رئود ما سمعت بشي اسمه نظرات ؟ بالنظرات رح يبين كل شي ..
رائد : بس !! ههههههههههههه .. بتروحين عشان تناظرينه ؟!
إلهام : أي اناظره .. ما يضحك ..
رائد : من جد لا والله يضحك هههههههههههه .. معناتها أنا بجي معكم على كندا ..
إلهام : أي تعال عشان اوريك سمر يمكن تعجبك و تتزوج و تفكنا لأني بصراحه ما لقيت لك أي عروسه ..
رائد : من سمر هذي ؟! .. و بعدين طول سفرتي كنتي قاعده تدورين لي على عروس ؟؟!
إلهام : ههههههه .. تقريبا .. بما انك حاب تجي كندا فرصه تشوف البنت ..
رائد : أي معليه يصير خير .. طيب ااش سالفة خالد ؟ هو بعد يحب ؟
إلهام : اسمح لي هذي خصوصيات تخصه هو و انا ما لي علاقه اذا حاب تعرف أي شي أسأله هو .. أوكي .. يلا اللحين بما انك خلصت تحقيق أنا ابروح تحت عند خالد يلا سي يو ..
رائد : أي روحي ..