شـــــلة بنــــاات الشـــــرقيــــة

34

  منال طبعاً لاحظت التغير اللي صار لشهد و سألتها طبعاً بس شهد ما رضت تقول لها الموضوع الا بعد العزيمه .."
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ 
" إلهام كانت مستنيه خالد على نار عشان تقول له الخبر اللي رح يفرحه .."
خالد : اووووووه أشوفك قاعده اكيد وراك شي ..
إلهام : اش معنى يعني ان وراي شي ؟
خالد : بالعاده انتي تكونين بغرفتك ما تقعدين بالصاله و خصوصاً هالقعده الا في وراك شي ..
إلهام : أي صح في وراي شي .. عندي لك خبر حلوه و بمليون ريال ..
خالد : يعني هالخبر يستاهل المليون ..
إلهام : بقوله و انت شوف اذا يستاهل و لا لا .. أنا كلمت شهد و اتفقت معها على الخطبه و رح تكون بعد اسبوع يعني رح تصير خطيب شهد اخيراً ..
خالد : أمااااا .. ما اصدق احلفي ..
إلهام : أي والله صدق ..
خالد : هذا يستاهل المليار مو المليون يا بعد عمري يا الهام فديتك والله يا أحلى اخت بالدنيا ..
إلهام : اترك الكلام الحلو حق شهوده زين .. و اسمع انت لازم تفاتح اخوانها بالموضوع ..
خالد : ايش ؟! أنا لاا لاااا لا ما اقدر اش بقولهم .. لالا خلي ابوي يفاتح ابوها و خلاص ..
إلهام : لا يا خالد مو حلوه بحق اخوانها انهم آخر من يعلم والله بيزعلون لما يعرفون من ابوهم انتو اصحاب و تروح تخطب اختهم و هم ما يدرون ابداً مو حلوه بحقهم ..
خالد : لا تكفين ما اقدر ..
إلهام : طيب أنا عندي الحل .. بما انه رائد و وليد اصدقاء حيل اش رايك ان رائد يقول لوليد و وليد يقول لراكان و بكذا تنتهي السالفه ..
خالد : أي أي صح حلوه الفكره .. مشكوووووووره اختي و يلوموني ليه احبك ..
إلهام : ههههههههههه أي أي كثر منها بس ..
خالد : ههههههههه انا مرررررررررره مبسوط خليني اروح غرفتي و اعيش احلامي ..
إلهام : أي روح روح و أنا اخطط عنك ..
نرجس : إلهام زوجة عمك بعد نص ساعه بتكون هنا كل شي جاهز ؟
إلهام : أي يا ماما نرجس كل شي جاهز .. اطمني ..
نرجس : ليه ما انتي مبسوطه ؟
إلهام : ارجوووك يا ماما نرجس إلا انتي لا تسأليني هالسؤال وانتي تدرين ليه .. بعدين افضل اني ما اكون موجوده يوم يجون ..
نرجس : لا يا حبيبتي لازم تكونين موجوده اترجاك لا تبيني لهم انك مو مبسوطه ..
إلهام : اش يفرق يعني أكيد هم يدرون اني ماخذته غصب عني ..
نرجس : لا يا قلبي اللي يقولونه الرجال ما يدرون فيه الحريم ..
إلهام : طيب لا تآكلين هم .. بحاول قد ما اقدر اشق حلقي من الضحك ..
نرجس : هههههه ما قصدت كذا ..
إلهام : اللي هو .. وخلاص ..
" وبعد ما راحت هالنص ساعه وصلوا عمتها و بنتها و عمها و سعود .."
ام سعود : انتي طبعاً يا نرجس عارفه احنا ليش جايين ..
نرجس : أي طبعاً عارفه ..
ام سعود : طيب وين عروستنا ..؟
نرجس : اللحين هي جايه حبت انه تقدم لكم العصير بنفسها ..
ام سعود : يا حليلها اكيد انها مبسوطه .. زين رح نتكلم بالمهر و نحدد الملكه و الزواج ..
نرجس : براحتك يا ام سعود اللي تشوفينه .. هذا هي عروستنا جت و جابت العصير ..
ام سعود : هلا والله هلا وغلا بعروسة وليدي عروسة الغالي ..
إلهام : هلا فيك يا خاله ..
ورود : هلا الهام ..
إلهام : هلا فيك ورود ..
ام سعود : اجل خلونا نحدد الملكه ..
ورود : لحظه يما اذا ما فيها مشكله حابه نطلع انا و الهام عالحديقه نتمشى انا ما شفت حديقتهم و عشان تاخذون راحتكم بالكلام هذي سوالفكم انتو يا الحريم .. ممكن ؟
ام سعود : والله انا ما عندي مانع ..
نرجس : طبعاً اذا حبت الهام تروح تروح ما في أي مشكله ..
ورود : يلا الهام ..
إلهام : يلااا ..
" إلهام بسبة سعود كرهت كل العائله كان واضح عليها الحزن ما كانت فرحانه او خجوله نفس ما كانت ورود و امها يتخيلون عشان كذا ورود حبت تفهم من الهام السالفه .. ورود عكس اخوها طيبه و تحب الناس ما هي انانيه و تتضايق لما تشوف احد متضايق بس الهام ما كانت تعرفها زين .."
إلهام : أنا عارفه انك ما طلعتيني عشان تشوفين حديقتنا زي ما قلتي ..
ورود : يعجبني فيك ذكائك .. كلامك صح انا ما احسك مبسوطه .. انتي ما تبين اخوي ؟
إلهام : ليه ؟ هو ما قالك انه ماخذني غصب ؟
ورود : اشلون ؟! لا والله ما قالي .. يعني انتي ما تبينه ؟
إلهام : اللحين فات الاوان على حكاية ابيه و لا ما ابيه و ش تفرق ما هو خلاص كل شي صار ..
ورود : طيب انتي قلتي له انك ما تبينه ..؟
إلهام : ههه قلت له ؟ أنا قلت له و ترجيته بعد بس ما رضى الا ياخذني ..
ورود : اخوي اناني و انا اعرفه ما يحب الا نفسه و اذا حط شي بباله لازم يسويه .. بس تراه طيب ..
إلهام : غريب انا فكرتكم تدرون ..
ورود : لا والله ما ندري لو ادري ما كان سكت كان حاولت بكل الطرق اني اوقفه عند حده ..
إلهام : وليش رح تسوين هالشي عشاني ..؟
ورود : لأنك ما تستاهلين اخوي .. سعود الحياه بنظره مجرد لعبه فيها رابح و فيها خاسر و لو اخذك معناته ربح و لو ما اخذك معناته خسر و صعب عليه انه يتقبل الخساره انا اكره هالصفه فيه ما يحسب حساب مشاعر لاحد .. عشان كذا كنت رح اساعدك بأي طريقه كانت .. إلا إذا كان يحبك فهذا شي ثاني ..
إلهام : أنا فكرتكم متفقين مع بعض علي ..
ورود : ههه اشلون تفكرين كذا ؟!
إلهام : اللي ما يعرفك يا ورود يجهلك ..
ورود : و انتي صادقه بس لا تحكمين على الشخص قبل لا تعرفينه .. شوفي انا ما اخوفك من اخوي على الرغم من انه سيء شوي الا انه له قلب طيب و تقدرين تملكينه و تخلينه خاتم بصبعك .. عالاقل لقيتي اللي بيشاركك حياتك ..
إلهام : ليش هالصوت الحزين ..؟ انتي زعلانه لانك ما تزوجتي ..؟
ورود : ههههه لا ماني زعلانه ليش ازعل ؟
إلهام : طيب قولي لي ما احد تقدم لك بالرياض مثلاً ..
ورود : لأ .. اساساً ما احد اعجبني من اهلنا بالرياض ..
إلهام : اهاا .. بس وحده مثلك حلوه و خريجه جامعه و اللحين موظفه و ما احد فكر فيها ..
ورود : نصيب اش نسوي ..
إلهام : طيب ما في بحياتك شخص اللحين ..؟
ورود : لأ ما في ..
إلهام : انتي متأكده ؟
ورود : ما فهمت اش تبين توصلين له ..؟
إلهام : لا انا بس اشوف انه في حولك ناس مهتمه فيك بس انتي مو ملاحظتهم ..
ورود : مين قصدك ؟
إلهام : انتي دوري و شوفي يمكن بالشغل ... يعني ..
ورود : بلا الغاز و قولي على طول ..
إلهام : ههههه اذا انتي ما لاحظتي انا ما اقدر اقول ..
ورود : زين رح اركز عالموظفين اكثر و اشوف اذا كلامك صحيح ..
إلهام : أنا حسيت كذا شفت نظراته لك ..
ورود : لحظه انتي قصدك يوم جيتينا الشركه ذاك اليوم لان هاذيك كانت المره الوحيده اللي اجتمعت فيها بالشركه معك و مع اخوك خالد و مع نائب المدير وليد كنا احنا الاربعه يعني اللي تقصدينه واحد من اثنين يا خالد يا وليد بس خالد لأ لانه اصلاً ما يبيني اجل ما بقى الا وليد .... لا لا مو من جدك ..
إلهام : اخيراً فهمتي بعد كل هالتحليلات ..
ورود : انتي اكيد تمزحين ؟.
إلهام : لا والله ما امزح شفته اشلون كان يطالعك بنظرة اعجاب ..
ورود : بس انا دايما اتعامل معه ما عمره طالعني حتى دائماً شايل عينه عني .. اشلون تقولين انه طالعني ؟
إلهام : والله ما اكذب شفته و لاحظت هالشي بعد اذا انتي صرتي اطالعينه يشيل عينه عنك و بس تصيرين منهمكه بالشغل يحط عينه عليك و يتأملك ..
ورود : لا لا مو صدق انتي كذا خوفتيني منه بصير انتبه على نفسي اكثر ..
إلهام : ليش الخوف ؟ بالعكس هو محترم و خوي رائد هم اصحاب حيل .. بعدين لو كان يبي يغلط معك كان تحرش فيك او طالعك بنظره غلط صح و لا لا ؟ .. بس هو ههههههههه يمسك نفسه إلين تنشغلين وبعدين ما يقدر الا يطالعك ..
" ورود اسكتت ما عرفت اش تقول حست باحساس مضطرب كأن كل شي حولها تغير كأنه رح تصير لها حياة ثانيه بتصير تروح الشغل كل يوم بس مو نفس نظرة الامس بتروح بنظره غير ..."
إلهام : ورود ترى وليد شاب حلو و اخلاق و الاف البنات يتمنونه نصيحه مني لك ان كان فعلاً يحبك لا تضيعينه من بين ايديك و ان ما كان يحبك حاولي تخلينه يحبك ..
ورود : ليش تقولين لي هالكلام ..؟ تعتقدين اني اذا ما التفت لوليد ما عمري رح اتزوج ..؟
إلهام : لا ورود انا ما اقصد كذا لا تفهميني غلط .. انا ابي لك الخير و وليد الكل يمدح فيه و اضمن لك رح تكونين سعيده معه ان شاء الله .. فكري باللي قلته ..
ورود : زين و لا يهمك .. خلينا ندخل خلاص شفت حديقتكم حلوه بس بردت الجو اليوم بارد ..
إلهام : ههههههههههههه قال ايش شفت حديقتكم .. هذا الكلام تقولينه للحريم جوا .. لكن أمرك يلا ندخل ..
------------------------------------------------------------------------
" ببيت شهد منال راحت تنام اما شهد فراحت تجهز حق عزيمة بكره .."
شهد : وليد انت فاضي اليوم صح ..؟
وليد : يعني .. ليه ؟
شهد : اشلون يعني ما انت جيت بدري من الشغل معناها فاضي ..
وليد : مو شرط .. جبت اوراقي معي ..
شهد : زين ابيك توديني السوق ابي نجهز حق عزيمة منال ..
وليد : ليه ما تقولين حق راكان ..؟
شهد : راكان صاك على نفسه بالغرفه ما صار احد يقدر يكلمه .. صار مزاجي مره ..
وليد : أنا بروح له اللحين و بسولف معه شوي و بعدين اخذك عالسوق اتفقنا ؟
شهد : اوك لا تتأخر ابي اخلص بسرعه ..
وليد : لا و لا يهمك ..
" راكان صار ما يتحاكى ابد حالته صعبه و يتمنى لو الهام تحس فيه بس .. "
وليد : راكان ما مليت من عيشتك هذي ؟
راكان : ليش اش فيها عيشتي ؟
وليد : شغل و نوم و صاك على عمرك بالغرفه حتى اكل ما قمت تاكل و لا تطلع مع الشباب و لا تنزل تسولف معنا حتى منال شكت ان فيك شي ..
راكان : ما عاد في أي شي يهمني بهالدنيا .. اشتقت لها كل يوم بعد الدوام اروح البحر و اقعد بمكانا اقول يمكن تجي و انتظر و انتظر بدون فايده ما تجي .. وليد انا ابي استناها رح ترجع لي صح ؟ قول لي انها رح ترجع لي ..
وليد : والله ما ادري اش اقولك .. تكفى يا اخوي لا تسوي بنفسك كذا لا تخوفنا عليك ..
راكان : لا تخاف هذا مرض الحب و العشق ما رح يقتلني ..
وليد : ما هم قالوا من الحب ما قتل .. اخاف العكس يقتلك الحب ..
راكان : أنا ميت خلاص ..
عشـت طــــول عـــمـــري أنتــظــر رجــعــتـــك
و يــــا ليتنــي مــــا تعـذبــت لاجـــل اشـــوفــك
و قـــلـــت رح تـــرجـــعين لـقـــلــب عــشــقـــك
حــــبــــك و فــــداك و قـــادر إنـــه يـصـــونــك
قـــلـــت ويــنــك حبيبــتي ويـــن صـــار قـــدرك
قريــبه مـن قلبـي و لا بعيــده عنـي عـــيــونـك
وينك يا اللي اشتـــاق لــك القــلــب وانــتظــرك
وينك يا اللي صـرت كلي لك و صرت مـجنونـك
وينك يا اللي تعبــت الروح كثر مـــا احتــرتـــك
وينك يا اللي يفرح القلب و تسعد العين بشوفك
وينك يا اللي تــركــتي الـزمــن عـنــي أبــعـدك
وينك يا اللي من بعد الفرقى ضـاعـت دروبـــك
حبيتــك ويشهــد رب السمــا إنــي أعـشـــقــــك
أمـوت بصــوتك وجمالـهــا نظـــرت عيــونــك
أنتي القــمــر نــفســه يـقـــول مـــا اجــمــــلــك
و أنـــا قلـبـــي يــقــــول مـــا يــقـــدر بــدونـك
يــا اللــي أبــعــدك عـنــي الــزمــن و أشغــلــك
مـا زلت عـلى حــبــك و بــعــدنــي مـجنـونـك
و إن كـــان لك هـــم بـــــه الــدنـيـــا أتــعــبـــك
مــا فـي غيري يــا عمري يشــيــل همـــومــك
وليد : صح لسانك ..خلك تشيل هموم نفسك عشان تشيل همومها .. ما ني مصدق كل هالكلام فيها ..؟
راكان : و اكثر هذا حتى ما يعبر عن اللي بقلبي ..
وليد : القلب اذا حب مشكله .. الحب عذاب و يتعب ..
راكان : ليش ؟ جربت الحب ؟
وليد : قاعد اجربه ..
راكان : من هي سعيدة الحظ ..؟
وليد : وحده ما تعرفها ..
راكان : لا عاد اكيد اعرفها .. قول و لا تستحي .. و لا تخبي عني شي لاني انا ما اخبي عنك ..
وليد : اه منك اذا تبي تعرف الشي لازم تعرفه ..
راكان : يلا قول و لا تصرف ..
وليد : بصراحه ورود اللي معنا بالشركه عاجبتني مره حلوه و اسلوبها راقي ..
راكان : مين ورود ؟
وليد : ورود بنت عم الهام ..
راكان : ما شفت الا هذي ؟ اخت الحقير سعود ..
وليد : وش فيها ورود ماهي زي اخوها ..
راكان : تكفى وليد كلهم زي بعض ..
وليد : لا تحط بذمتك و تظلم البنت مو زين عشانك ..
راكان : كيفك انت حر انا ما رح اتدخل .. خلني في همي .. هم واحد قاسي يكفيني ..
" دخلت شهد اش تسوي وليد تأخر عليها خذته السوالف .."
شهد : وليد يلا نبي نروح ما صارت كل هذي السوالف والله طلعتو تسولفون اكثر من الحريم ..
وليد : يلا جاي ..
" راحت السوق وخذت كل اللي تبيه و رجعت بدري عشان عندها دوام الصبح مع العزيمه رح تتعب كثير .."
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ