شـــــلة بنــــاات الشـــــرقيــــة

6

" بنفس اليوم دق خالد على خويه إبراهيم و طلعوا مع بعض "
خالد : اش رايك بجو الشرقية مو احلى من جو كندا ؟
إبراهيم : هههههههههه احلى من جد ضحكتني هو ما في احلى من الوطن صح بس الجو اسمح لي اقولك هناك احلى ههههههه ..
خالد : ههههههههههه كنت عارف .. خليني اللحين احكي لك قصص قلبي .. اش تتوقع انا حبيت ذيك البنت ..؟
إبراهيم : هذا السؤال قلبك يجاوب عليه انا ما أؤمن بالحب ..
خالد: معقول انت ما تحب ؟ اجل ليه كله سرحان هالأيام ؟
إبراهيم : من قال اني سرحان لا ني بسرحان و لا شي كل السالفة اني متضايق لأني برجع بكرة على كندا ..
خالد : يا سلام ومن متى حبيت الشرقية ؟
إبراهيم : اكيد احب الشرقية و احب السعودية بكبرها ..
خالد : اجل دق علي بكرة اوديك المطار ..
إبراهيم : لا لا .. لا تتعب نفسك بخلي اخوي يوصلني ..
خالد : لا انت اللي لا تتعب اخوك اخوك وراه الف شغله و شغله غير توصيلك اما انا فاضي ما عندي شي و رح اوصلك يعني بوصلك .. الساعة كم طيارتك ؟
إبراهيم : الساعة 9 بالليل ..
خالد : حلو أنا بهالوقت فاضي .. اللحين خلني ادق على صلاح و فارس و نجمع الشلة و نسوي لك حفلة وداع ..
إبراهيم : لا تكلفون على انفسكم انا ما رح اقعد هناك على طول .. بكل فترة اذا سمحت لي الظروف بجي و بعدين باقي لي كم من شهر اصلاً و بخلص الدراسة و بقعد هنا على طول الزبدة ما لها داعي الحفلة ..
خالد : ياخي حنا نبي نستانس لا تخرب وناستنا ..
إبراهيم : اييييه تستانسون على حسابي ..
------------------------------------------------------------------------
" في اليوم الثاني الساعة 7 و نص بالليل دق إبراهيم على خالد بذاك الوقت كان خالد و إلهام قاعدين بالصالة .."
خالد : ألو هلا برهوم .. (فز قلب إلهام و قالت : يا لبه قلبك يا برهوم و يا حلو اسمك ..)
إبراهيم : هلا فيك .. يلا اذا تبي تجيني انا جاهز ..
خالد : اوكي ربع ساعة واكون عندك ..
إبراهيم : يلا استناك ..
إلهام ( بفضول مبرر ) : وين رايح ؟
خالد : ابوصل إبراهيم عالمطار ..
إلهام : يعني بيسافر ؟
خالد : أي بيرجع كندا يلا هانت باقي له كم من شهر و يخلص .. إلا انتي ليش مهتمة و تسألين ؟ ( فهمها خالد و حاس فيها )
إلهام : لا و لا شي مجرد سؤال ..
( وقالت بخاطرها هالكلام الموجه لـ إبراهيم ) ..
لاتنزعج ماودي أزعجك واشقيك
بس القدر حكم بحكم الفراقي..,
ماهوب قلبي لاتصبرت ناسيك
بعدك على هالحال زاد اشتياقي..'
أبنتظر لو طول البعد وأرجيك
أشيل حمل الشوق لو مايطاقي
" بعدين طلع خالد و راح سافر و كان في بالشرقية من ينتظره على احر من الجمر "
" بعد يومين من سفر إبراهيم "
إلهام : يا ربي اش هذا اللي فيني ليه كله يطري على بالي ؟ ليه ودي اكون قريبه منه ؟ ( كان عند إلهام لسته كامله مليانه بكلام كله اشواق بس اكثر شي اعجبها هذي الكلمات حست انها توصف حالها ..)
لـو طالت الغيبه
وصار للظلام هيبه
بأشعل فتيل قلبي
ماهمني لو يحترق
بس المهم (مانفترق )
بأكتب بدونك ما أعيش
إذا بدونك ما للعمر قيمه
وتصير كل هالدنيا عتيمه
ويصبح الفوز ابشع هزيمه
أنا ماهمني لو عمري مني ينسرق
بس المهم (مانفترق )
حتى لو فرقتنا المسافه
وضاع عمري مني بحسافه
وكان القدر اقوى
وافترقنا عن بعضنا...
ترى المشاعر تتفق
بس المهم قلوبنا
(ماااااااااااااااااااااتفترق)
" إلهام كانت عايشة بحالة من الضياع هي تحب هذا الشخص و تقول عنه كلام حب حقيقي و يمكن حتى تموت عليه بس ما تدري عنه اذا حتى فكر فيها اصلاً .. وش أقسى من انك تحب انسان لكن ما تدري اذا هو يحبك ولا لا ؟ و ش أقسى من انك تحب شخص يمكن تتفاجئ بعدين ان عنده اللي يحبه و يملى حياته وش أقسى من انك تحب شخص دايم بعيد عنك .. إلهام كانت نقدر نقول مضطربه عاطفياً ما تعرف اش هو الحب ما تدري هل فعلاً تحبه و لا قاعده توهم نفسها و تعيشها بسراب ما هي عارفة اش تسوي جافاها النوم تعبت تفكر حتى لو نامت تشوفه بمنامها بإختصار حالتها كانت صعبة "
-----------------------------------------------------------------------
" ببيت ليان كانت ليان حابه تعزم الشلة عندها بالبيت "
ليان : يمه ابي اعزم شلتنا .. شلة بنات الشرقية عندنا بالبيت اذا ما تمانعي ؟
ام ليان : لا طبعاً ما عندي مانع اعزمي اللي تبينهم ..
ليان : مشكوره يمه يا بعد قلبي انتي ..
" راحت ركض دقت على إلهام و شهد و هديل و عزمتهم وكلهم وافقوا يجون .. وفعلاً جوا "
ليان : يلا حيهم حيا الله من جانا ..
إلهام : الله يحييك يا عمري .. تسلمين ما قصرتي ..
ليان : شوفوا انا عزمتكم لأنو في شي ببالي ابي اسويه اتفقنا عليه أنا وهديل ..
شهد : هدهد متفقه معها من وراي على شي ما اعرفه ما توقعته منك ..
هديل : و الله انا ما لي دخل هي كلمتني اليوم و قالت لي لا تعلمينهم ..
إلهام : أي ليون من وراي ..
ليان : و الله شوفي دامك انتي و شوشو تسوون شي من وراي انا و هدهد ما يضر اننا انا وياها نسوي شي من وراكم ..
شهد : أي يلا قولي و شو الشي ؟
ليان : انا و هديل قررنا نلعب معكم لعبة هي مو لعبة لعبة فيها شي من الواقع اللعبة هي لعبة المحققين .. طيب انا و هدهد رح نكون محققات و انتي و شوشو رح تكونون المتهمات ..
إلهام : واو هههههههههههههه شوشو صرنا مجرمات ..
شهد : هههههههههههههه قويه ..
هديل : هههههه يلا عاد لا تتمسخرون انتي وياها احنا بنسألكم وانتو تجاوبون فهمتوا ..
شهد : أي يلا ابدوا ..
ليان : خلاص رح نبدا معك يا شهد ..
شهد : اوكي يلا ..
" اطفت ليان اللمبات و جابت مصباح و سوت المكان كأنه مكان تحقيق عن جد .."
ليان : السؤال الأول : هل بينك و بين إلهام سر ما نعرفه أنا و هديل ؟
شهد : لا انتي تستغليني باللعبة ..
ليان : ما يصير لازم تجاوبين و لا بزعل ..
" شهد لفت على إلهام و كأنها تقول لها اش اسوي فعطتها إلهام إشارة انه عادي تقول .."
شهد : أي في بينا سر ..
ليان : أنا ما رح أسألك عن سر إلهام أنا رح أسألك عن سرك و لا تلفين على إلهام لأن هذا سرك وبإيدك ولازم تقولينه ..
شهد : أوكي تبين تعرفين بقولك اني أنا احب شخص إلهام تعرفه ..
ليان : هل هذا الشخص هو خالد؟
شهد ( ترددت كثير قبل لا تقول ) : اممممم .. أي .. اشلون عرفتي ؟
ليان : حبيبتي كل شي كان واضح ..
شهد : اهاا .. بس لا تعلمون احد انا ما احبه يعني لهالدرجة ..
هديل : قلتي لي ما تحبينه طيب ليه خبيتي علي احنا من متى نخبي على بعض ..؟
شهد : يوووه يا هدهد صار اللي صار لو ما هذي اللعبة ما كان قلت .. ما احب اعترف بهالشي إلهام كشفتني و لا انا ما قلت لها شي ..
ليان : هدوله خلاص خلصنا من شهد اللحين دور إلهام استجوبيها انتي ..
هديل : اوكي يلا لهو مستعده ؟
إلهام : أي بس قبل لا نبدا بسأل ليان سؤال .. ليون انتي تحبين شخص معين ؟ او في ببالك احد ؟
ليان : لأ ما في احد و ما اظن رح يكون في ..
إلهام : طيب يلا ابدي يا هديل ..
هديل : السؤال الأول : أنا عارفه لا ومتأكدة أنك تحبين شخص فبدخل بالموضوع على طول قولي لي من هو ؟
إلهام : اشلون دريتي اني احب ما ادري .. اما اسمه ما اقدر اقولك اياه ..
هديل : لا تخرقين قوانين اللعبه مهمن كان لازم تقولين اسمه اما اشلون دريت فواضحه الحب ما يتخبى ..
إلهام : يعني مصرين تعرفون ( قامت الهام طالعت ليان و بتردد قالت ) : إبراهيم ..
ليان : يا ويلي إبراهيم ولد عمتي ما غيره ..
إلهام : أي إبراهيم فيه شي ؟ ليه مستغربه اذا انتي تحبينه قولي لي انا بتركه هو ما يسوى منك شي يا ليون ..
ليان : هههههههههههههه يا الهبله انا ما احبه و لا عمري فكرت فيه بالعكس اعتبره زي اخوي لا أكثر و لا اقل بس انصدمت لأنه في وحده تحبه ..
إلهام : هاااااااااااا .. وحده مين ؟
ليان : شفتي زوجة أخوه عبد الرحمن اختها الهنوف تحبه حتى اعتقد انهم متفقين عليه ..
إلهام ( نزل عليها الخبر كالصاعقة ) : ايش اش تقولين ؟
ليان : هذا اللي قالته زوجة عبد الرحمن بس لا تخافين إبراهيم ما يطيقها بس هذي الهنوف شريه و طويلة لسان اصلاً ما هي بلايقه عليه ..
إلهام : كنت عارفه ما لي نصيب فيه عشان كذا ما قلت لكم ..
ليان : لا لا تقولين كذا انا رح اساعدك ..
إلهام : لا تكفين ما ابيه يدري بشي و لا كأنك عرفتي ..
ليان : اوكي بس ليه ما علمتيني مو انا وانتي صديقات الروح بالروح ..
إلهام : ما قدرت لأنه يصير لك خفت تكونين انتي تحبينه فقلت بشوف اذا طلعتي تحبينه بتركه ..
ليان : يا بعدي والله .. بس انا اعتبره اخوي .. و حتى لو كان في بيني و بينه شي كنت رح اقول ما رح اخبي و انتي تعرفيني ..
إلهام : خلاص خلينا نسكر على هالشي و لا كأنكم عرفتو اتفقنا ..
ليان : خلاص اتفقنا براحتك يعني اذا هذا اللي تبينه .. ( و كأن ليان رح تسكر الموضوع ) ..
------------------------------------------------------------------------
" بعد مرور 5 أيام بدأ الفصل الدراسي الثاني كان مليان أحداث .."
شهد : اه يا شلة بنات الشرقية رجعنا للمدرسة ..
ليان : ما اشتقتوا لها ؟
هديل : لا مين يشتاق للمدرسة ؟
إلهام : أنا اشتقت لها ..
شهد : ووووووععععع المدرسة !!
إلهام : اش فيك ما اشتقتي لمعجباتك ؟
ليان : أي قولي كذا انتي اشتقتي لنور ؟
إلهام : مين نور ؟
هديل : ياالله اتسوي عمرها ما تدري .. يا زين برائتك يا الهام ..
إلهام : ههههه حلوه براءه هذي .. بس والله جد ماني ذاكره بس كاني سامعه بالاسم .. ايييييي نور معجبتي الجريئه.. تذكرتها ..
شهد : ههههههه نزل عليك الوحي و تذكرتي سبحان الله ..؟
إلهام : ههههههههه لا بس لأنها قدامي هناك شوفوها قلت ان وجهها مو غريب علي ..
ليان : هههههههههه صدقناك !
إلهام : خخخخخخخ كيفكم بتصدقون و لا لأ شي راجع لكم .. تتحدون اروح اكلمها اللحين مع اني يالله ذكرتها ..
ليان : يلا روحي يا اللي ما تحبين المعجبات ..
إلهام : صح أنا ما احبهم بس رح اشوف نور يمكن تفيدني بالمستقبل ما تدرون .. بعدين خلاص اللحين صارت صديقتي نمون على بعض يعني ..
" راحت إلهام لـ نور طبعاً نور مو مصدقة كانت نور مع خويتها سارة "
سارة : نور شوفي إلهام جايه عندك ؟
نور : وشو إلهام ؟! ما اصدق ..
سارة : و الله شوفيها جاية .. خلاص اسكتي جت ..
إلهام : مرحبا نور ..
نور بارتباك : أهلا .. أعرفك هذي خويتي سارة ..
إلهام : مرحبا سارة ..
سارة : أهلين ..
إلهام : نور ابي امشي معك نسولف يعني .. و خلي خويتك سارة معنا بعد اتعرف عليها اكثر ..
سارة : لا أنا بروح البنات كانوا يستنونا انا و نور لكن خلاص انا بروح و بقولهم ان نور معك ..
إلهام : طيب براحتك .. يلا نور..
" مشوا مع بعض كانت السالفة كلها على بعضها تحدي "
إلهام : نور كلميني عن نفسك انتي ما عندك خوات مثلاً ..
نور : إلا عندي وحده أكبر مني اللي هي سمر تدرس بكندا بعثة ..
إلهام : الله بكندا واو وناسة يا حظها ..
نور : أي و عندي بعد اخت اصغر مني اسمها فدوى و هي بالمتوسطة اللحين ..
إلهام : محظوظة عالاقل عندك خوات مو أنا ما عندي الا اثنين اخوان ..
" خذتهم السوالف....
يتبعععععع