شـــــلة بنــــاات الشـــــرقيــــة

41

" راكان راح للمكان الوحيد اللي يذكره بحبه المكان اللي عاش فيه احلى ايام حياته راح للبحر اللي جمعه بإلهام راح له بس هالمره لحاله هالمره راح يشكي همومه و يرميها بحر .. كانت دموعه مغرقه وجهه كان يبكي من قلب لانه حس انه خسرها للأبد مع انه كان عارفه انه خاسرها خاسرها .. ع البحر و بالرغم من انه كان بحاله مره تكسر الخاطر الا انه طلع هالكلمات من قلبه و باحساس صادق و مليان حزن كان يعاتبها بهذي الكلمات لكن من يسمع غير البحر .."
حبيبــتي غيبتك عنــي صـــارت طـــويــلـــه
اســــنيــن و أنـــا أدور عــــليــك و أنــــادي
مــن بــعـــدك يـــا عمـري روحي لك أسـيــرة
كــلك عـــلى بـعـضـك مــا تغـيبي عــن بــالـي
قلبي حب و ما عرف وش بيكون مـــصـيــره
و لا درى إنه بيتعذب هـا الكــثر و يعـــانـــي
حـبيبتــي وينــك صـــدق المســألة عــجيــبـة
غلطـــانه و أنــا اللــي عليك ينشغل بـــالـــي
ليـــه مــــو إنتــي اللـــي تصيـــرين حبيبــه
و تقوليـــن آســف حبيبــي طـــول غيــابــي
تدرين حتى الشعــر فيــك ما صــرت أجيــــده
صرت أفكر بس و أقول متى ينتــهــي عذابـي
تعالــي لــي و عذابــي إنتــي اللــي تنــهينــــه
إنتي الوحيده اللي تــداوي جروحــي و آلامـــي
يمكن مافي أمل للرجعة و تبقى روحي وحيده
مــن بعـــدك مـا فـي شي بها الدنيا يسـوى لـي
أتــرجــاك لا اطــولـيـنــهــا وهـــي قــصـيــرة
يمكن أنا غلطت بس ليش قـلـبـك لــي مــعـادي
إذا غــلـطت فــإنـتـــي غــلــطــتــك كـــبــيــره
بـس أنــا ســامـحتــك و أقـــول لــك تـعــالــي
أنـا اللــي إشــتــقـــت لــك و إنـــتــي بـعـيــده
أنـا اللــي مـا قـدرت أتحمــل فـراقـك ثـوانــي
أنـا اللــي حـبـيـتـك و إنتـي جنبـــي قـــريبــة
و إلحيــن تقوليــن لــي تــرى حبنــا عـــادي
يا عمـري مـــا دريـــت إنــك هـالقـد غـريبـة
إذا عاندتك يـوم فـإنـتي أشـــد مــن عنـــادي
لـــو أقـــدر بـس عــلــى قـلبــك و أجـيــبـــه
سـاعــتهــا مـــا يقـــدر أحــــد على إبـعـادي
" من عاش نفس الموقف رح يعرف معنى الإحساس اللي كان يحس فيه راكان احساس ماله وصف .. لكن الحياه تمشي .. راكان كتب بعض الابيات و كأنه التقى بإلهام كان هذا احساسه حتى لو ان بعض الكلام اللي كتبه مو صحيح بس يبقى هذا احساسه .. زي مثلا بسالفة العناد حس انها تعانده لما يلمح لها بحبه و هي تتجاهل .. و يقصد بتقولين لي ترى حبنا عادي قصده فيها لما الهام تقول له اعتبرك مثل اخوي .. للتوضيح فقط .."
-----------------------------------------------------------------------
" في صباحية زواج إلهام يوم قعدت من النوم ما لقت سعود نايم تمنت انه يكون طلع راح دوامه أي شي .. بس للاسف طلع الاخ بالحمام .."
سعود : اوه حبيبتي قعدتي من النوم ..
إلهام : لا تقول حبيبتي ماهي لايقه عليك ابد ..
سعود : ههههههههههه مره دمك خفيف .. بعدين ليه ما نمتي بفراشك ..؟ ما تعبتي و انتي نايمه ع الكنبه ؟
إلهام : مو شغلك .. جنبك انت مستحيل انام .. ياليتك بس تدري اش قد اكرهك و ما ني طايقتك ..
سعود ( بعصبيه ) : إلهاااام انتي ترى زودتيها قاعده بس تجرحي فيني .. و تراني ما لمستك الى اللحين لاني احبك و ما ابي اسوي شي غصباً عنك بس ترى صبري له حدود ..
إلهام : يعني انت تهددني اللحين ..؟!
سعود ( هدى صوته شوي ) : يا إلهام يا عمري انتي ..انا ما اهددك بس لك حق علي و انتي زوجتي ..
إلهام ( نرفزها كلامه ) : انت عارف انك متزوجني غصب عني انجبرت عليك جيتك و ترجيتك و قلت لك انا ما ابيك بس انت عاندت و هذا جزاة عنادك .. انا بس ابغا افهم انت اشلون تقدر تعيش مع انسانه ما تواطنك بعيشة الله ..
سعود : ما رح ارد عليك .. مع الوقت رح تحبيني ..
إلهام : بأحلامك احبك ..
سعود ( ما قدر يتحمل كلامها ) : إلهااااام انتي كان في بحياتك شخص صح ؟
إلهام : ما لك دخل كان في و لا لا هذا شي يخصني ..
سعود : لااا مو يخصك لحالك انتي اللحين زوجتي و لازم اعرف كل شي عنك ..
إلهام : تراك عشت الدور و صدقت نفسك اني زوجتك ناط لي كل شوي زوجتي و زوجتي .. فرحان بعمرك .. مستانس لانك متزوج وحده ما تبيك ..
سعود : انا نازل افطر تحت مع اهلي .. ما ودي اكمل نقاش معك عشان ما اغلط عليك ..
إلهام : اتهبا تغلط علي مو انت و لا عشره من اشكالك يغلطون على إلهام ..
سعود ( هالمره جد عصب و صارخ على إلهام ) : الهاااااااام تراني سكت و سكت و اخر سكوتي شي ماهو بزين ..
إلهام : يلاا استناك وريني اش بتسوي ؟ بتضربني ؟ بتعطيني كف ؟ يلااا اتفضل ما رح تغير فيني شي حتى لو شنقتني .. تحمل عواقب انانيتك .. روح روح انزل افطر قبل لا يصير شي مو بزين على قولتك ..
" سعود سكت و فضل انه ما يرد لانه خاف يتهور ويعطيها طراق من جد و اذا سواها رح يكره نفسه و رح يسبب مشكله هو يحبها فعلاً لدرجة انه مستعد يتحمل منها أي شي .. السكوت افضل له سكت و نزل لأهله تحت .. "
" اما إلهام رمت نفسها ع السرير و قامت تبكي على حالها كالعاده .. صحيح سعود ما لمسها بس ما رح يتركها كذا خافت انه يسويها ما تبغا هالشي لكن لا بد ما يسويها .."
------------------------------------------------------------------------
" الشي الغريب ان راكان ما رجع طول الليل و وليد كان يدق على جواله مقفول كان حده قلقان عليه خايف يكون صار له شي .. لكن مع طلوع الشمس راكان رجع البيت وكان تعبان بالحيل ماله خلق احد .."
وليد : رااكان انت وينك ؟ من اليوم قاعد ادق عليك ما ترد اشغلتني عليك حتى اني ما نمت كنت بطلع ادورك ..
راكان : أنا آسف يا اخوي جوالي خلص شحنه .. رحت البحر شوي ..
وليد : أي شوي ؟ انت من نص ليلة امس و انت مو مبين .. الله يهديك بس خوفتني عليك و اللحين انا ما نمت و المشكله وراي دوام ..
راكان : انا اسف يا وليد ما خطر لي انك تكون منشغل علي .. اللحين تكفى خلني انام انهد حيلي بالمره .. احسني تعبان و ما لي خلق ..
وليد : والدوام ؟!
راكان : الله يهديك شايف ان حالتي تسمح لي اداوم .. سجلوني غياب و انتهينا ..
وليد : طيب طيب روح نام ..
" وليد : الله يعينه المشكله ما خلاني اقول له ان منالوه درت .. خليها على الله .. والله يستر .."
------------------------------------------------------------------------
" ببيت إبراهيم كانت امه تحضر لخطبة ولدها .."
ام ابراهيم : لا تنسى يا وليدي خطبتك بكره ..
إبراهيم : يما انا ما ودي اتزوج اللحين .. بعدين البنت ما ني حاببها ..
ام ابراهيم : اش هالكلام اللي اسمعه .. بعدين اشلون منت حاببها .. يا ولدي الحب يجي بعد الزواج .. صدقني الهنوف بنت حلوه و متربيه و اخلاقها زينه ..
إبراهيم : انا ما اشك بهالشي بس ماهي راضيه تدخل قلبي ..
ام ابراهيم : لا ان شاء الله رح تدخل قلبك بس يبي لك وقت ..
إبراهيم : زين .. قلتي حق اخوي عبدالرحمن يبلغ زوجته تبلغ اهلها ؟
ام ابراهيم : أي قلت له و انبسط كثير ..
إبراهيم : يعني مافي امل اتراجع ؟!
ام ابراهيم : ليش انت ناوي تتراجع ؟ .. بعدين ام عيون زرقه تزوجت خلاص و شافت نصيبها .. انت لازم تشوف نصيبك ..
إبراهيم ( ارتبك ما عرف اش يرد ) : هاا .. اش قصدك يما ؟.. ما فهمت ..
ام إبراهيم : لااا انت فاهمني زين و عارف اش اقصد .. يلا جهز عمرك حق بكره و انا بروح المطبخ ..
" الا باب بيتهم يدق و الطارق كان ليان .."
إبراهيم : روحي يما انا بفتح الباب ..
ام ابراهيم : زين ..
إبراهيم : هلااا ليون اش اخبارك ؟
ليان : هلا برهوم الحمدلله انا زينه انت اللي اش اخبارك ؟
إبراهيم : والله ماشي حالي .. حياك اتفضلي رح توقفين عند الباب ؟
ليان : ههههه لأ طبعاً ..
إبراهيم : هاا اش جايبك اليوم ؟
ليان : يا سلام هذا بدال ما تقول حياك بأي وقت و البيت بيتك و تضيفني .. تقول لي اش جايبك ؟!
إبراهيم : لا والله ما اقصد بس انتي ما تجين الا فيه سالفه كلامي صح و لا انا غلطان ..
ليان : امممممم يعني في منه صح ..
إبراهيم : اول امري اش تشربين ؟ عشان ما تقولين اني ما ضيفتك ..
ليان : هههههههه لااا مشكور انت راعي واجب ما تقصر.. الا عمتي وينها ؟
إبراهيم : بالمطبخ تسوي الغدا ..
ليان : زين لاني ما ابيها تسمعنا ..
إبراهيم : طيب قولي اش عندك ؟
ليان : لا والله هو بصراحه ما عندي شي بس جيت اتطمن عليك ..
إبراهيم : تتطمني علي ؟! ليه وش فيني ؟
ليان : ما تأثرت بزواج إلهام يعني ؟
إبراهيم : تأثرت و خلصت ما ابي اتذكرها ما ابي افتح جروحي ..
ليان : يعني خلااص بكل سهوله بتنساها ..؟
إبراهيم : اش تبينني اسوي لازم انساها .. ما خطبتي بكره ..
ليان : اييييييش ؟! من جدك ولا تمزح ؟
إبراهيم : لا والله جد امي اصرت تبي تخطب لي الهنوف اخت زوجة عبدالرحمن ..
ليان : أي اعرفها بس متى كنتو ناويين تعلمونا ؟
إبراهيم : والله امي قالت اذا خطبنا و وافقوا و تم كل شي على خير نعلمكم ..
ليان : يعني خلااص انت بتتزوج ؟
إبراهيم : وانا عندي حل ثاني .. اول شي لازم انسى الهام .. ثاني شي امي قامت تشك .. بعدين انا ما عندي عذر مقنع حتى ارفض الزواج .. مو بإيدي يعني حاولت مع امي و قلت لها ما ابي بس هي مصره ..
ليان : والله احياناً احس انك ما عمرك حبيت إلهام ..
إبراهيم : والله ماني فاهمك .. اش تبغيني اسوي اروح اخطفها و لا اعيش حياتي بحزن و اسى و هي مبسوطه مع زوجها ..
ليان : معقول انت تقول هالكلام ؟ لااا و عن مين عن إلهام الحب اللي صار قديم عندك .. انت تدري ان إلهام انجبرت ..
إبراهيم : لااا ما كانت مجبوره لو قالت لأ ما كان احد رح يجبرها بس هي اختارت تضحي عشان ابوها ما اختارت تضحي عشاني ..
ليان : أي هذا ابوها و لازم تضحي عشانه .. يعني لو انحطيت انت بهالموقف مين رح تختار امك و لا إلهام ..
إبراهيم : اذا كانت امي ما رح تزعل اكيد رح اضحي عشان إلهام ..
ليان : يعني الهام يوم ضحت عشان ابوها مو لأنها خافت انه يزعل ؟
إبراهيم : ما ادري ما ادري بس اللي اعرفه ان القرار كان بإيدها و هي اختارت القرار الغلط ..
ليان : أنا لو اقعد افهمك من اليوم لين بكره ما رح تفهم .. حسافه بس ..
------------------------------------------------------------------------
" منال راحت تقعد راكان للغدا .. قعد بس قال ماهو مشتهي شي .."
منال : راكان علمني اش فيك فضفض لي ..
راكان : منال جد ما فيني شي ..
منال : بس مبين عكس كلامك ..
راكان : تكفين ما لي خلق شي ..
منال : انا عارفه بلاااك .. انت مبتلي بالحب صح و لا لا ؟
راكان : لأ مو صح ..
منال : انا سمعت كل شي امس اصلاً كنت شاكه من قبل و تأكدت شكوكي امس .. ليش ما خطبت البنت من اول دامك تحبها هالقد ؟
راكان : لأني اساساً يوم تعرفت عليها كان بحياتها شخص تحبه و ما كان في امل ..
منال : اجل ليه حاب البنت و انت تدري انها ما رح تكون لك كذا و لا كذا ؟
راكان : ما ادري حبيتها و خلاص ..
منال : والله اني اشفق عليك .. طيب اش رايك اخطب لك اللي احسن منها ؟
راكان : منال انتبهي تجيبين سيره لهالموضوع مره ثانيه .. انا يا اتزوجها هي يا ما اتزوج ابد ..
منال : ول لهالدرجه ..
راكان : أي لهالدرجه .. اللحين ممكن تخليني اكمل نومتي ؟
منال : و الغدا ؟
راكان : ماني مشتهي ..
" و ينسدح ع السرير و يغطي نفسه .. منال منصدمه من هالحب .. بعدين حملت نفسها و راحت على غداها .."
............يتبع