#الدنيا_صغيرة
الحلقه : { 8 }
سهر : حبيبي
عادل : اتفضلي الڤيزا
سهر : ماما عامله أيه ؟
عادل : حالتها وحشه أوي وأحتمال أخدها وأسافر باره
سهر : ( بحيره وتردد ) انا ، انا بيتهيقلي أنك قولتلي قبل كدا ان مامتك ماتت
عادل : ( بارتباك ) انا ؟ اه هي فعلا أمي ماتت من زمان ، من وانا صغير وأمي اللي بقولك عليها دي هي حماتي
سهر : نعم حماتك ؟ وانته تعالج حماتك ليه ، وتقولي انها امك ليه ؟
عادل : اصل هقولك هفهمك بس ركزي ، هى حماتي دي كانت جارتنا وهي اصلا خالتى اخت امي اه خالتي
سهر : يعني هو أنته متجوز بنت خالتك ؟
عادل : اه
سهر : أنته مش قولتلي أن أبوك غصب عليك تتجوز بنت عمك ؟
عادل :اه ما هي بنت عمي ، بصى ابويا وعمي اتجوزو امي وخالتي فا بنت خالتى هى هى بنت عمي فهمتي
سهر : امممممممم
عادل : وخالتي بقى حالتها خطر أوي ادعيلها
سهر : ربنا يشفيها
عادل : اتفضلي الڤيزا
سهر : هي خالتك أسمها ايه ؟
عادل : مروى
سهر : وعمك ؟
عادل : طارق
سهر : اممممممم ماشي
عادل : خلي بالك من نفسك ، سهر انا بحبك اوي
سهر : وانا بموت فيك
**** ( بقلم : هند محمد ) ****
( مشي عادل وداخلت سهر )
أيمن : كنتي فين ؟
سهر : هاااااااااا ، بسم الله الرحمن الرحيم ، خضتني مالك كدا طالعلي من الضلمة ؟
أيمن : كنتي فين ؟
سهر : بتمشى في الجنينه مخنوقه بشم هواء
أنت تقرأ
الدنيا صغيرة
Любовные романыبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره