#الدنيا_صغيرة
الحلقه : { 52 }
حبيبه :: وحشتيني أوي اوي اوي يا نجوى أوي
نجوى : وأنتي كمان يا بنبوني والله ، طول مانا في امريكا على طول في بالي
أم فجر : وحلوه امريكا دي بقى با نجوى ؟
نجوى : والله هي حلوه بس أرجع واقولك مصر احلي
منى : يا نجوى دانتي لسه حلفه بالله ، مصر احلى في ايه ، التراب ولا الحر ولا الفساد ولا المحسوبيه ولا الشعب اللي خلاص مات وأتدفن وعايش زي الزومبي ؟
نجوى : مين اللي فقده الامل في الحياه دي ؟
حبيبه : منى بنت عمتى فاطمة
نجوى : بصي يا مني الحر والتراب دي عوامل جو والجو بأيد ربنا يا حبيبتي
أم مي : ونعم بالله
نجوى : أما بقى الفساد والمحسوبيه ، لو كل وأحد بدء بنفسه فينا وقال مش هدفع رشوه مش هسرق مش هختلس همشي بما يرضي الله ومش هدخل جيبي مال حرام ، وكل واحد حط في دماغو ان ربنا طول الوقت شايفه ومرقبه ، هتلاقي الشعب صحي وضميرو رجع ينبض تاني ومش هيبقى زومبي ولا حاجه
العيب مش في البلد العيب في الشعب اللي انا وانتي وحبيبه وكل اللي قعدين جزء منه
أم فجر : والله فجر أبني بيقول نفس الكلام ، يسلم بؤقك ويا خسرتك والله انتي طالعه من عيني
منى : أنتي بس بتقولي كدا عشان ربنا فاتحها عليكي ، ومتجوزه راجل غني عندو فلوس اد كدا
نجوى : مين قالك أني متجوزه راجل غني ؟
منى : حبيبه
نجوى : ( بصوت واطي قربت من حبيبه وقالتلها ) هي بتكلم بحسن نيه ولا هي عنيها وحشه ؟
حبيبه : ( بصوت واطي ) لا عنيها وحشها وبتكره كل الناس
نجوى : وراحه تقوليلها جوزي غني دانا هعبوطك
حبيبه : أسفه يا نجوى
نجوى : نوتي جيرل
منى : أنتم بتقولو أيه ما تعلو صوتكم ؟
أنت تقرأ
الدنيا صغيرة
Romansaبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره