الدنيا صغيرة

الحلقه { 120 }

الحلقه { 120 }
فجر : ايه هي الفكره يا بكار ؟
بكار : نرجع الاقاب تاني
فجر : القاب ؟ مش فاهم ؟
بكار : بص يا دكتور فجر لمؤخذه الناس في البلد دي بتموت في المنظره والفشخره ، فا لو رجعنا البشاويه والبهاويه تاني هنكسب داهب
فجر : البشاويه والبهويه ؟ الكلام دا كان ايام الملك فاروق يا بكار
بكار : وأيه يعني نرجعها تاني
اللي عاوز يبقى باشا يدفع مليون دولار
واللي عاوز يبقى بيه يدفع مليون جنيه
واللي عاوز يبقى أمير يدفع نص مليون جنيه
والستات بقى  نديهم القاب برضو
اللي عاوزه تبقى برنسيسه تدفع مليون دولار
واللي عاوزه تبقى أميرة تدفه مليون جنيه
شوف بقى البلد هتلم كام ؟
فجر : الدستور بيمنع الاقاب يا بكار
بكار : عدلو الدستور واعملو استفتاء والناس لما تعرف ان دا في مصلاحة البلد هيقوله نعم
فجر : تقول نعم عشان نعمل بشاوات ويهوات
بكار : اه مش هيدفعه يبقى حقهم ، اسمع كلامي بس والله دانته هتلاقي قمم عاوزين يبقى بشوات وبهوات
صدقني بلدنا دي بلد فشخرة
فجر : ماشي يا بكار هشوف الموضوع دا ، المهم الفلوس معاك عاوز اشوف دعايه تشرف
بكار : ويمين الله لاعملك دعايا متعملتش لابو اسماعيل
فجر : لما اشوف
**** ( بقلم : هند محمد ) ****
أنجى : هي مشيره هتيجي امتى ؟
علي : ايه وحشتك ؟
أنجي : لا بس اكيد وحشتك انته
علي : هو انتي شكلك بقالك كتير منكدتيش عليا فا قولتي تجددي نشاطك صح ؟
أنجي : لا طبعا بس يعني بقول فرصه ومشيرة مش هنا نعمل حفلة فرحنا
علي : انا متشأم من الحفله دي اول مره جينا نعملها لقينا خالتك ، تاني مره أروى عملت الحادثه
تالت مره ربنا يستر
أنجي : تقصد تقول ايه اني نحس ؟
علي : مشيرة فكك من حوار الحفله دي
أنجي : طب والفستان اللي فصلته ، دانا هموت والبسه
علي : ما تلبسيه يا أنجي ، هو لازم حفله ؟
أنجي : يعني هو ينفع البسه في البيت ؟
علي : يعني هيقول لا ؟
البسيه وانزلي في الشارع وخلي عيال حبيبه وسامح يزفوكي هههههه
أنجي : شكرا يا علي ربنا ما يحرمني منك ياللي دايما مفرحني ياللي عمرك ما حرمتني من حاجه
علي : العفو والله انا عارف اني بغمرك بالسعاده بس بحاول اردلك شويه من اللي انا شايفه معاكي
أنجي  : هااا ليه بقى مقصره معاك في ايه بيتك وسخ ؟، ولادك مش نافعين ؟ ، عمرك جيت ولقتني رحتي بصل ولا منكوشه ؟
علي : خلاصتي ولا لسه في نكد كماله ؟
أنجي : كماله هو انا بغرفلك كشري ؟
ماشي يا علي ، متشكره انا داخله انام
علي : تصبحي على خير
أنجي : كمان تصبحي على خير
بقولك ايه ما تقوم تروح شقتك بدل انا منكده عليك ؟
علي : لو نطقتي كلمه تاني هروح بجد شقتي ومش هتشوفي وشى باقى الاسبوع
أنجي : ( داخلت اوضتها ورزعت الباب )

**** ( بقلم : هند محمد ) ****
شوقيه : راحه فين يا نجوى دلوقتي ؟
نجوى : هدي الورق دا لدكتور فجر عشان عندي اجتماع مهم بكرا
شوفيه : طب مالك ماشيه كدا ليه ؟
نجوى : اصل البوت دا واسع عليا من الرقبه وانا ماشيه حسه انه هيتخلع مني
شوقيه : طب ما تقلعيه ؟
نجوى : اصله فلات وطري مريحني في المشي
- بصى الوقت أتاخر انا هروح واجي بسرعه
شوقيه : انا هعمل شاي بلبن تشربي ؟
نجوى : اشرب
**** ( بقلم : هند محمد ) ****
بركة : اخيرا نورتينا في المطعم
اروى : مانا كنت في المستشفى واليومين اللي فاتو كنت باخد اول جلسه في علاج الضمور
حاتم : وبتعملي التمرينات اللي بيكر قالك عليها ؟
اروى : بصراحه لا
سيف : بصراحه انا عاوز اشكيلك منها يا دكتور حاتم
طول ما هي في البيت يا قدام التلفزيون او نايمه
حاتم : لا ما كدا ماينفعش المجهود اللي بتعمليه في الجلسه بتضيعيه في البيت
بركه : دانتي لازم تدربي ليل نهار عشان العضلات تقوى
أروى : بتعب بابقى حسه ان رجلي خلاص مش قادرة احركها
بركة : ارتاحي نص ساعه وارجعي تاني
تعرفي انا زمان لما كنت عيانه كان عندي بدال زي العجله كدا بحطه على الارض
سيف : ما هو دا اللي عندنا في الشقه
حاتم : دي بيري ماكنتش بتقوم من عليه
أروى : بس دا بيوجع الرجلين اوي
بركة : متركزيش في الوجع شغلي تلفزيون اسمعي مزيكه اقولك حطي اكل جنبك واتسلي انا كنت بعمل كدا
أروى : هو انتي كان عندك ايه ؟
**** ( بقلم : هند محمد ) ****
ننوسة : يخليك ليه وميحرمنيش منك والله والله انته الاب المثالي
أحمد : طبعا منا لسه شاريلك العربيه و مطلعلك الرخص
ننوسه : شفتي يا ماما بابا بيحبني ازاي ؟
أحمد : دا انا بحبك حب يعني مش قادر اقولك ضحى : ربنا يخليك ليها
أحمد : ربنا يهديها يا رب من اللي هي فيه ويرحمني بقى
ضحى : يرحمك من ايه ههههههه
أحمد : من الجمله اللي جايه دي
ننوسة : بابا حبيبي كنت عاوزه فلوس اشتري عرايس للعربيه ودباديب
أحمد : ارحمي يا رب
**** ( بقلم : هند محمد ) ****
( وتاني يوم في الشركه  )
نبيل  : يبقى كدا الحمد لله الارض اتسجلت ناقص بس الموافقه من المحافظه على المشروع
فجر : انا ماشي في الاجراءات
حمزه : بس انا حاسس ان الواقت طول شويه  ؟
فجر : متنسوش اني باخد تصريح من وزارة السياحه والاثار والبترول والمساحه والاستثمار
صهيب : انا اعرف وزير الاستثمار ممكن اكلمه وكمان السياحه
كريم : وانا خلاص ظبط كل العربيات وكمان كلمت مصنع بيعمل خزانات كبيره اللي هنخزن فيها المايه الحلوه
حمزه : وانا اتفاقت مع مصنع مواسير وهيدونا الموسير بسعر حلو اوي
وكمان قربت اتفق مع شركه تورد لنا العدادات
نجوى : طب كدا كلو واقف على الترخيص ؟
همتك معانا بقى يا دكتور فجر ؟
فجر : ان شاء الله اسبوع بالكتير
نبيل : ان شاء الله
نجوى : وانا الفلوس نصيبي موجوده
صهيب : وانا كمام
حمزة : يبقى احنا كلنا واقفين على التراخيص ( وبعد شويت كلام و حورات الكل مشي معادا صهيب )
نجوى : ايه مش هتمشي
صهيب : لا
نجوى : الاجتماع خلص
صهيب : يا شيخه ما يخلص كلينا نتونس ببعض
نجوى : صهيب انا عندي شغل أمشي
صهيب : هو انا جيت جنبك
انا على الكنبه اهو انته اقعدي على مكتبك وكأني مش موجود
( نجوى قعدت على مكتبها ومتجهله صهيب على الاخر )
نجوى : ( دخل ناجي ) انته ايه اخرك كدا ؟
ناجي : كنت بخلص الحوار بتاع البنك في القريه الزكيه
-  ازايك يا مستر ؟
صهيب : الحمد لله
ناجي : هو قاعد ليه كدا ؟
نحوى : سيبك منه اعتبره مش موجود
المهم شركات المحمول كلها فعلت الخدمة ؟
ناجي : اه والاشتراك هيبقى لو مش الرصيد او هيبقى بالشحن او هيبقى بحساب الكاش
وكمان عملت رقم ساخن لخدمة العملاء ولقيت شقه وحاليا بخلص فيها
نجوى : حلو اوي الاعلانات عملت فيها ايه ؟
ناجي : افتحي اي قناه هتلاقي الاعلانات قبل المسلسل وبعد المسلسل وجوه المسلسل
نجوى : تمام روح انته و شوفلي حساب البنك ناجي : حساب البنك اتعمل ومستني الناس تشارك هو انتي شغاله مع عاويل دانا ناجي
صهيب : الله يديك الصحه يا ناجي
مش ناوي تتجوز ؟
ناجي : والله في اتنين متكلمين عليا ولسه بفكر ههههه
نجوى : يلا يا خفيف ورانا شغل روح ووزع الاتبلتات على المحلات يلا
ناجي  : ما اتوزعو وخلاص كل سوبر مركت واحد راح الشركه عند مستر رامز واستلم التبلت بتاعه
نجوى : تمام روح طب شوف حاجه اعملها
ناجي : حاضر ( وخرج )
نحوى : انته مش هتمشي ؟
صهيب : الدبله بتعاتي فين ليه قلعاها ؟
نجوى : وانته مالك يا رخم يا لازقه يا سأيل ؟
صهيب : مهما شتمتيني هفضل احبك
**** ( بقلم : هند محمد ) ****
سيف : طب عشان خطرب العبي على البدال شويه
أروى : تعبت انا بقالي ساعه
سيف : ايه ساعه ما مس بركه كانت بتقعد ب 5 ساعات
اروى : متقرنيش بحد بقولك تعبت
انا مش بقدر استحمل الوجع افهم بقى
سيف : لا مش موضوع واجع انتي معندكيش ايراده أنتي مش عاوزه تخفي ، عاوزه تفضلي زى مانتي
أروى : متزعقش يا سيف
سيف : لا هزعق مانتي مش بتيجي غير بكدا
عمال احيلك وادلع فيكى وانتي مافيش فايده
عاجبك اللي انتي فيه دا ؟
"
"
"
بتعيطي ليه دلوقتي ؟
أروى : مانته بتزعق
سيف : بزعق عشان قرفت
الدكاتره قالو العلاج من غير تمرينات وتقوية العضلات زي قلته وانتي ولا هنا
خلاص بدل انتي عجبك اللي انتي فيه دا ننزل مصر
لزمتها ايه الغربه والمصريف ؟
أروى : على فكره علي اللي بيدفع مش انته
سيف : "
"
"
علي
طيب انا نازل مصر خلي علي ينفعك بقى
( وداخل الاوضه وقفل الباب وسبها على الركنه )
أروى : طب والله باتعب هو مش حاسس بيه ليه  ؟
يعني انا عاوزه افضل كدا
**** ( بقلم : هند محمد ) ****
عبد الرحمن : خلاصتي ؟
داليا : اخر يوم الحمد لله في التسجيل ، وشوف ادوني فلوس
عبد الرحمن : ايوه يا عم بكرا تبقى نجمه ومحدش هيعرف يكلمك
( وصلت ننوسة بعربيتها )
ننوسة : ( نزلت من العربيه وقفلتها بالريموت وبتعالي وغرور )  هاي
داليا : هاي
ننوسة : ايه رايكم في عربيتي الجديده ؟
عبد الرحمن : ودي جيباها من معرض ولا من mbc3  هههههه
ننوسة : ( بدلع وغلاسه ) لا جيباها من معرض مستر سامح
داليا  : مبروك
ننوسة : اممم طيب انا طالعه بقى عشان عيب اقف اتكلم مع شباب في الشارع عشان سمعتي باي ( وسابتهم وطلعت )
داليا : شايف بتلسن عليا
عبد الرحمن : سيبك منها هي متغاظه عشان سبتها وحبيتك انتي
داليا  : بجد يا عبد الرحمن بتحبني ؟
عبد الرحمن : والله بحبك
**** ( بقلم : هند محمد ) ****
عامر : الله يرحم المدرسه اللي كنت فيها كنت باجيب جزمه من محل اسمه ظلط الجزمه تفضل معايا السنه كلها
امال : هههه ظلط ايه بقولك اليونيفورم السنادي شامل الشنطه والجزمه
عامر : عبد الرحيم كلو على بعضو كام ؟
أمال : اليونيفورم وال be
عامر : ال ايه ؟
أمال : ال be لبس الالعاب
عامر  : اه
امال : والجزمه جزمه والكوتشي والشنطه 5000 جنيه
عامر : دا بالكتب ؟
أمال : كتب ايه دا اللبس بس غير المصريف والباص
عامر : تصدقي وتأمني بأيه ؟
امال : لا اله الا الله
عامر : انا من اولى ابتدائي لحد ثانوي جبت لبس للمدرسه ميكملش ألف جنيه
امال : مانته كنت مدارس حكومه دى مدارس انترناشونل
عامر : امري لله مانا لازم أعلم العيال
حاضر هجبلك ال 5 الف
امال : لا انا عاوزه 40
عامر : ايه ؟
أمال : ما لسه ساشا وكمان الباص و الكتب وفلوس ادوات المدرسه
عامر : ادوات ايه ؟
أمال : ما المدرسه عامله نظام كل الولاد يشتره نفس الكرسات ونفس الاقلام ونفس المقالم
عامر : وليه دا كلو ؟
امال : عشان الولاد كلهم مستواهم يبقى واحد
عامر : لا وانتي الصدقه عشان يفلسوني
**** ( بقلم : هند محمد ) ****
صهيب : ايه دا كنتم فين ؟
أناهيد : كنت باجيب لها حاجات المدرسه
حياة : بابا انا مش عاوزه اروح المدرسه بالباص
صهيب : اومال هتروحي ازاي بالمكروباص ؟
حياة : لا بعربيه عاوزه عربيه تكون بتعتي وبسواق يوديني ويحبني
صهيب : بس كدا حاضر
أناهيد : لا طبعا الباص امان اكتر
حياه : بس انا عاوزه عربيه وتكون كبيرة ولونها اسود
ولو خايفين عليا هتولي جهاز الgbs وراقبوني لو مش واثقين فيها
صهيب : وهو انتي هتمشي بالجهز في شنطتك ؟
حياة : يا بابا gbs دا ممكن يكون في ساعه ولا في خاتم او في مادليل مش شرط جهاز جهاز يعني
صهيب : والخاتم دا تروحي اي حته يقولي انتي فين ؟
حياه : اه نزل بس البرنامج على الموبيل وتراقب كل تحركاتي
صهيب : ( اخد حياه في حضنه ) دانا هجبلك حتت عربيه
اناهيد : افرحي بقى شفتي الدلع
حياة : بابا حبيبي ربنا يخليه لية
**** ( بقلم : هند محمد ) ****
( وبعد كام يوم )
ابراهيم : الو انته فين يا فجر ؟
فجر : انا كنت في المحكمه بس موجود خير ؟
أبراهيم : الواد اللي اسمه بكار دا ملزق صورك في الحي كلو وماجر عربيه نقل وحاطط عليها سماعات ورايح جاي يقول انتخبه فجر قاسم الراجل الحق يحب الحق
وابن الدايره وكلام كدا
فجر : ايوه ما دا عشان الانتخابات
أبراهيم : بس مش كدا دا الصور على كل حاجه دانا خايف افتح التلاجه الاقي صورتك
**** ( بقلم : هند محمد ) ****
أروى : هتفضل كدا على طول ؟
سيف : متكلمنيش
اروي : طب مانا بتمرن اهو
سيف : هو انك تلفي لفتين وتوقفي ساعه كدا تامرين ؟
أروى : وحده واحده انا مش متعوده على المجهود دا
سيف : بصي انا زهقت وانتي مش عاوزه تتعلجي تعالي نرجع مع مشيرة
اروى : لا مش هنرجع وهنكمل
سيف : بالوضع دا مفيش نتيجه
أروى : لا انا هتمرن اكتر بس بلاش تزعل مني خليني اتقوه بيك
سيف : انا جنبك ومعاكي بس انتي مستسلمه
أروى : اصلك مجربتش تتوجع
سيف : دي هتقولي اتوجع
أروى : انا هتمرن اهو شوفلي بقى هعمل اد ايه
سيف : ماشي الساعه 8 يلا ابدأي
**** ( بقلم : هند محمد ) ****
ايزاك : يعني خلاصت التراخيص ؟
علي : الحمد لله واول الاسبوع الجاي هحفر اساس المصنع
ايزاك : تمام وانا هقول لسلامه يجيلك مصر عشان يسعدك وانا اول ما المبني يتبني هشحنلك المكن
علي : ان شاء الله
**** ( بقلم : هند محمد ) ****
نحوى : ازاي يا دكتور فجر احنا مقدمين للوزاراة قبل علي صلاح وعلي ياخد التصريح والورق واحنا لسه؟
فجر : عشان هو معه شريك امريكي
فا الحكومه بتشجع الاستثمار
نجوى : واحنا معانا شريك بالجبنه يعني ؟
فجر : معلش يا نجوى الصبر
نجوى : طب ما صهيب سعودي مينفعش يسرع الورق شويه ؟
فجر : هو انا خلاصت الورق اللي خلص دا غير على حس صهيب اصلا
نجوى : استعفر الله يعني عشان احنا مصريين نفضل مركونين كدا والمستثمرين الاجانب وراقهم يخلص الاول ؟
فجر : اعترضي بقى
**** ( بقلم : هند محمد ) ****
فريد : حمدالله على السلامه
رباب : الله يسلمك
داليا : البيت كان وحشني اوي
أدم : طب انا هروح بقى
فريد : تروح فين لا انته هتفضل معانا
أدم : معاكم فين ؟
فريد : في اوضة الحجه
كبيره وفيها سرير كبير ودلاب
أدم : لالا مينفعش عشان داليا
داليا : مالها داليا ، وباعدين ماحنا كنا في الاوتيل سوي هيفرف ايه هنا
فريد : يلا ادخل دخل الشنط بتعتك جوه
أدم : ماما ما تقولي حاجه
رباب : سيبه برحته يا فريد
فريد : راحته ايه انا ابني مايبتش بعيد عن عيني
يلا ادخل الاوضه وارتاح
وانته جهزولنا العشا بقى
أدم : بس اصل
فريد : بلا اصل بلا فصل
يلا
رباب : اسمع الكلام يا أدم
أدم : انا هسمع الكلام انهاره بس ، وبكرا هروح شقتي
فريد : لما يجي بكرا نبقى نشوف
**** ( بقلم : هند محمد ) ****

انجي : انته بتلبس تاني ورايح فين  ؟
علي : في واحد جاي من امريكه هروح استقبله واوديه اوتيل
أنجي : مين دا ؟
علي : واحد تبع المشروع الجديد
انا نازل عاوزه حاجه ؟
انجي : لا شكرا

**** ( بقلم : هند محمد ) ****
صهيب : وحشتني
نجوى : انته جايلي البيت انته رخم اوى
صهيب : اشتمي برحتك
المهم خودي دى
نجوى : ايه دي ؟
تفتكرو ايه دي ؟