الدنيا صغيرة

الحلقه { 91 }

#الدنيا_صغيرة
الحلقه :  { 91 }
قاسم : لا اللي داخلتلك دي من شويه
سيف : دي بتقول عليها بنوته ؟ دي دكر
قاسم : دكر ؟
سيف : دكر والمصحف وجلدها جلد خنزير لا بتحس ولا بتفهم دي متخلفه ، وقليلت الزوق طب تصدق بأيه ؟
قاسم : لا اله ألا الله
سيف : انا بدعي ربنا الشركه دي تولع وهي الواحيده اللي تموت محروقه ، هو انته بتسألني عليها ليه ؟
قاسم : ( بتردد ) مش هخبي عليك ، انا كنت هتقدملها
سيف :  ( بفرحه ) أيه تتقدم لها ، بس لعلمك هي مش دكر بس محترمه ، ومتدينه دي حفظه حوالي 20 جزء قرءان
قاسم : ما شاء الله ، بس أنته لسه قايل أنها دكر ومش بتحس وقليلت الزوق
سيف : وانا عند كلمتي ، بس المعني في بطن الشاعر قولي أزاي ؟
قاسم : أزاي ؟
سيف : ( قام من على مكتبه وقعد على الكرسى المقابل لقاسم بجوار المكتب ) انا قولت أنها دكر ، يعني ملهاش في سهوكة البنات والحركات بقى اللي بيعملوها ، دا غير لا بتحط روچ ولا حتى قلم كحل ، ولبسها زي مانته شايف طويل وووووو حاجه محترمه يعني
قاسم : أمال أيه جلدها جلد خنزير ومبتحسش دي ؟
سيف : يعني مش أي حد يقولها كلمه حلوه ولا كلمه مايعه كدا ولا كدا تحس بقى انها بنوته وعسولاه وكيوته   ، مانته عارف بنات الايام دي ربنا يهديهم
قاسم :  اها انا فعلا حسيت انها ملهاش في الكلام خالص وكلامها أستريت أوي بس ايه قليلت الزوق دي ؟
سيف : دي دي دي كلمه كدا ، طب أقولك حاجه ؟  دي بنت عمتي اصلا
قاسم  : بجد ؟
سيف : والمصحف ، بنت عمتي وأيه عمتي دي بحبها موت موت موت هي وجوزها عمو عبدالله
قاسم : طيب هي حد خطبها قبل كدا او مشية مع حد
سيف :  هي دي حد بيطيق يقرب منها دي دي رخمه
قاسم : رخمة ؟
سيف : اااااااااا أقصد لخمه لخمه وملهاش بقى في الصحاب والفرند والكلام دا ، طب اقولك الكبيرة ـ تصدق أن احنا اهو 2026 وهي معندهاش فيس بوك خاص بيها
قاسم :  معقول لا
سيف : والله لا فيس ولا تويتر ولا جوجل بلاس ولا حتى اسناب شات ولا أنستجرام ، عشان اكون صادق معاك هي عامله واتس وكانت بتبعت عليها بقى الرسايل باعت عذاب القبر والثعبان الاقرع وأهوال يوم القيامه لما خلتني حظرتها
قاسم :  طيب في مشكله ، انا من اسكندريه ممكن اهلها يوفقه تيجي معايا هناك ؟
سيف : متقتلقش اتكل على الله أنته وانوي تتقدم وانا اللي هوصلهالك لحد البيت والزفه عليها من بيتها في الزيتون لحد بيتكم في الاسكندريه وطول الطريق الصحراوي
**** ( بقلم : هند محمد ) ****
فريال : خبر أيه اللي منصور قالك عليه دا ؟
روكا : مش عارفه والله يا ماما هو كلمني وقالي في خبر حلو وقالي أجمعكم كلكم ؟
عماد : ماحنا كنا لسه كنا مع بعض في المصنع ؟
روكا : مش عارفه
نعيمة : هو عيان ولا ايه ؟
روكا : لا بعد الشر على منصوري
هند :  انا نزولي من شقتي لحد شقة ماما مش حاجه سهله والله لو موضوع تافه لهوريها حركات بتاعت زمان ، بس حد يمسكهولي
جابر :  انا همسكهوك يا هند ولا يهمك
دالبا :  محدش يقرب من بابا ، هو أكيد في خبر حلو ومجمعنا كلنا عشانه
  عز : هيكون ايه يعني انا عاوز أروح لأوسكر
كارما : وانا عاوز أروح أشوف فافي
صالح : أستنه شويه يا جماعه دلوقتى منصور يوصل ونعرف كل حاجه
نسرين :  طيب انا هدخل أرضع لميس لاحسن جعانه
فريال :  خلاص أدخلي جوه واقفلي عليكي الباب
زينب : يا خبر بفلوس كمان شويه يبقى ببلاش
مالك : بس طيب يلمح الموضوع اللي عاوزنا فيه مش نفضل مستنين بسلمته
شاهر : زمانه جاي ، انا هفتح البرنامج بتاع منى رجب زمانه جه
زينب : اها دانا كنت عاوزه أشوف الحلقه كويس انك أفتكرت يا شاهر
( شاهر فتح التلفزيون )
ريهام : دا لسه شغال أهو
**** ( بقلم : هند محمد ) ****
منى :  السلام عليكم وراحمة الله وبركاته
الحلقه اللي فاتت أتكلمنا عن المستثمرين الاجانب والعرب والكلام دا أكيد فكرين انا قولت ايه ومش هعيد الكلام عشان الكلام مالوش لازمه تاني
بس انا قولتلكم انا حبه أسمع رأيكم وبجد طول النهار ألنهاردة عماله أقراء التعلقات بتعتكم وهقول منها شويه دلوقتي
أول تعليق :   من Sally Saeed بتقول ايه بقى سالي ؟  { كلامك صح ومش في مصر بس ده في كل الوطن العربي بيعملوا كده يبنوا مولات ويستورد ولم نسال الاسعار غاليه ليه يقول اصلو مستورد طيب عايزن انتج بنفس كفاءه المستورد وكده يبقي بنشجع صناعه بلدان يارت  }
وانا مع سالي في الكلام دا المشكله مش في مصر يا سادا لا دا في كل الوطن العربي ، عمرك نزلت لقيت البنطلون دا مصنوع في الكويت ولا مصنوع في الاردن ؟
ولا غساله مصنوعه في تونس ؟ لا كلو مستورد وحتى لو في حاجات بتتصنع في البلد بتبقى قطع المنتج بيبقى مستورد وبس بيتقفل هنا في البلد
في تعليق تاني واحده أسمها Toty Medo : {  الاستثمار الاصلاحي هو الافضل ولما نحسن مستوي البلد نبني ترفهه نفسنا لكن طول ما دماغنا ف الدلع وتلجد لا عمرنا مهنتقدم لازم نبني ونزرع ونشغل البلد علشان مستقبل افضل لكن غير كدة هنفضل عاييشين علي المعونات وعلي طول ف النازل ولازم نهتم بالتعليم التعليم ثم التعليم ثم التعليم  }
_ مش هعلق لان توتي قالت كل حاجه  ما شاء الله بجد
في كمان نونه طنطاوي : فعلا كل مستثمر همه الربح السريع لكن يحاول افاده البلد لا و العيب فى القوانين اللى بتدى فرصه للحاجات التافه ومش مديه فرصه للاعمال الجاده
_ ممكن والله يا نونه ممكن تكون القوانين نظريه برضك انتي صح مول ايه بس مصر عرفت المولات قبل ما يبقى اسمها كده زي عدس و رفولي و شيكورل و كانت ٢ دور و ٣ دور و من قبل ما تتأمم
Maha Mohammed EL-Shimy  : مصر محتاجه لإستصلاح زراعي و عودة زراعة القطن و القمح و استخدام اسمده عضوية ( روث و جثث الحيوانات النافقه ) بدل الكميائية و مصانع و محطات توليد طاقة شمسية بديلة لضخ كهرباء رخيصة ... محتاجه مزارع سمكية و قوارب صيد حديثة ... محتاجه بتعمل حديقة للتماسيح ف بحيرة ناصر ... محتاجه توعية بأهمية الغوص ف البحر الاحمر و خصوصاً عند تيران و صنافير و رأس محمد و البلو هول ف دهب محتاجه تعمير سيناء و عمل سياحة التخييم ف الصحراء ...
_ كلام محترم جدا يا مها يا رب حد يسمع بس
أخر كمنت بيقول من Rody Gadoo : زى ماعايزين استثمار مزارع ومصانع وكدا لازم يكون فيه استثمار ترفيهي برضوا
اها دي بقى بجد اللي محتاجه كلام ، ترفيهي ما كفايه رفاهيه ، دي الكافيهات باقت اكتر من افران العيش يا رودي ، دا المحلات اللي بتبيع الحاجات المستورده والمركات أكتر من محلات الفول والطعميه يا رودي ، اها انا عرفت انتي تبع الناس اللي عاوزه حماة يلعب ألعب يا حمادة
فاصل وراجعين تاني
**** ( بقلم : هند محمد ) ****
هند  : حتى الناس رأيها زيي انا وأنته يا شاهر
عماد  : ما دا كلام العقل ، قبل ما اعمل محل لازم اشوف هبيع ايه في المحل دا
فريال : أحنا مش هنخلص بقى من موضوع المولات والحاجات دي بتاعت صهيب دا ؟
مالك :  ما هو اللي جابو لنفسه ، حماه اللي الراجل أبو اليازيد دا مش هيسكت في حق بنته
هند : أيمن أهيشتري نصيب أبو اليازيد في الشركه وكمان نصيب صهيب
جابر : أحسن وترجع الشركه بتعتك انتي وهو بس
هند : ما هو قالي كدا ، بس صهيب اللي واقع في مشكله المولات مليكتها بتتسرسب كدا من تحت ايدو
مالك : يا رب بس اللي يشتريها يبقى مصري / مش حد من هنا ولا من هنا ويطلع عينه في الادارة
هند : ربنا يستر
( جرس الباب رن ورا بعض ورا بعض ورا بعض )
دالبا : بابا حبيبي
منصور : دلبوبتي القمر
مساء الخير يا جماعه
الجميع : مساء النور
نعيمة : خير يابني مجمعنا ليه كدا كلنا
منصور :  خبر بمليار جنيه يا ماما نعيمة فا قولت نفرح كلنا
نسرين  : انا جيت انا جيت ها قال الخبر ولا لسه ؟
جابر : لا لسه بيزيع التيتر 
الجميع : ههههههههههههه
منصور :  جمدو اعصبكم هقول الخبر أهو
هند : ما تقول بقى يا منصور
منصور : أيه دا يا هند هي بطنك كبيره كدا ليه  ؟
هند  : بطني كبيره ليه ؟  حامل حامل يا منصور
منصور : حامل وانا معرفش ؟ انا زعلان
هند  :    انا حامل والعيال بتشلت جوه ومش قادره
منصور:  اوك سمحتك بس لما تولدي قوليلي لازم اعرف
زينب : اه طبعا ، بس هند مش بتحب تقول سرها لحد
شاهر : سر أيه يا زينب دي حامل وفي الشهر السادس يعني على وش ولاده
عماد :  ماتقول يابني ايه الخبر اللي أنته مجمعنا عشانه
منصور : فاكر يا ماما من 10 سنين لما نزلت اشتغل معاك في المصنع انا وعدتك بأيه  ؟
عماد : من عشر سنين ؟
منصور : أها
عماد : لا طبعا مش فاكر
منصور: هفكرك ، انا وعدتك ان هخلي المصنع دا أشهر مصنع في مصر وكمان منتجات فراوله دي هخليها مركه من المركات وتكون براند ، فاكر ؟
فريال : اها انا فكره
منصور : والحمد لله بعد 10 سنين تعب وسهر وشغل ليل نهار ، نفذت وعدي ، مركة فراوله باقت معتمده من الشركه القبضه للصناعات في مصر ، وكمان كلها كام شهر وتعتمد الموافقه على أنها مركه عالميه وأنها ذات كفائه وجاودة
عماد : بجد يا منصور ؟
منصور  : والله العظيم انا مش بجدب
نعيمة :لوووووووولي / مبروك يا حبيبي
منصور : الله يبارك فيكم
( الكل قام وحضن وباس منصور على اللي عمله )
هند : تعالي لما أبوسك لاحسن مش هقدر أقوم تعالي يا منص حبيب أختك
**** ( بقلم : هند محمد ) ****
نجوى : ها لقيت تذاكر ؟
مازن : اممممم الحمد لله ، بس انا قلقان من حاجه أني ملاقيش شغل هناك
نجوى : متقلقش انا أعرف ناس هناك وهيسعدونا ، انا مش حاكتلك كل حاجه  ؟
مازن : اه حكيتي بس
نجوى :  انا مش بحب التردد دا ، لازم تدخل على الحياه بصدر كدا ومتخفش حتى لو وقعت قوم نفض هدومك وكمل
مازن :  حبيبتي ممكن بدل الكلام الكتير دا كان ممكن تقولي ، لازم يكون عندك أيرادة وهدف ، مش لازم تقولي تدخل الدنيا بصدر والكلام دا أنتي راحه لأمريكان متخليهمش ياخدو فكره وحشه عنك
نجوى : كل الكلام بيقدي لمعني واحد ، وبعدين دي طرقتي
مازن : قولنا نتغير ، ونبقى كلاس شويه ، انتي هتتعملي مع ملياردير لازم تكوني بتتكلمي بمستوى
نجوى  : طيب حاضر هحاول
مازن :  وكمان في ملحوظه ، متتكلميش باديكي كدا ، وبصوبعك لازم أيدك تبقى في مستوى منخفض
نجوى : وبالنسبه للحواجب عاوزها سابعات ولا ثمنيات  ؟
مازن : انا بتكلم بجد
نجوى : وانا كالت ، الطياره أمته؟
مازن : بكرا الساعه 10 الصبح
نجوى : طيب انا طالعه أنام
مازن : طب استني معايا شويه
نجوى  : لا كلامك قفلني
مازن : تاني قفلني ؟
نجوى : انا هطلع عشان مخلكش تاخد لقب شهيد الغربه ، تصبح على خير ( وسابته وطلعت اوضتها )
مازن : وانا هفضل وراكي لما تتغيرييا نجوى
**** ( بقلم : هند محمد ) ****
قاسم :  أتفضل يا عمي دا ورق المدرسه بتاع داليا اللي طلبته
فجر :  متشكر اوي يا قاسم
منى : بس يا خالو المدرسه اللي أنته عاوز تحط فيها داليا دي غاليا أوي ، انا مش هقدر عليها
أم فجر : هو حد طلب منك فلوس
فجر : بالظبط انا طلبت منك حاجه ؟ وبعدين هي داليا مش زي فجر وجودي وجلال وندى ونادر وسمسمه
منى : أيوه يا خالو بس
فجر : ما باسش ، لازم تتعلم كويس عشان لما تكبر تنفع نفسها والمجتمع ، ولا أيه يا داليا ؟
داليا : بس يا خالو انا في مدرسه خاصه والمدرسه دي لغات وانا مش هعرف أذاكر المواد بتاعتها
فجر : حبيبه هتسعدك ، صح يا حبيبه ؟
حبيبه : اه طبعا زي ما بساعد فجر وجودي
قاسم : عمي هفرحك مش انا لقيت عروسه
أم فجر : بجد ؟ مين ؟
**** ( بقلم : هند محمد ) ****
سيف : والله زي ما أكون لقيت واحد بينقذني من الغرق
أروى : هههههههههه للدرجادي ؟ 
سيف : دعاء لو استمرت في الشركه عندي أكتر من كدا ، يا انا هموت مفقوع ، أو هقتلها وأموت مشنوق ، فا الحل أيه أنها تتجوز وتغور
أروى : طب والعريس دا كويس ؟
سيف : من خبرتي ، شكلو معقد ومتزمت شويه ، بس مش أشكال والله لو كان أيه المهم انه هيخلصني من دعاء
أروى  : طب ما لو دعاء مشيت مين هيمسك بدلها؟
سيف :  هرجع السكرتيره اللي ولدة الحمد لله بقالها اسبوعين ـ يعني تقدر ترجع الشغل
أروى :  دي بترضع
سيف : ولا لو كانت بتغير البامبرز المهم الشغل ، وهي بقالها معايا فتره وواخد عليها
أروى : أمممم وانا بحبها
سيف : يبقى هكلمها وأقولها تجيب الواد معاها في المكتب وخلاص
**** ( بقلم : هند محمد ) ****
( وتاني يوم )
فارس : ألو  ؟
صهيب : معاك يا فارس نجوى كلمتك ؟
فارس : اه كلمتني وبتقولي مش هنظهر غير لو شافت ورقة طلقها
صهيب : فارس انا عرفت غلطتي وخلاص دارين طلقتها وسافرت وكمان أناهيد سافرت امبارح ، انا دلوقتي لنجوى وبس
فارس : انا معرفش الكلام دا انا عاوز اختى ، طلق نجوى يا صهيب رسمي وخليها ترجع
صهيب : مقدرش انا بحبها ، والله بحبها
فارس : لو كنت بتحبها ماكنتش عملت اللي عملته
صهيب : حط نفسك مكاني ، انا ماكنتش في واعيي وانا شايف مراتي ملفوفه بملايه هتعمل ايه ؟ 
فارس : لو انا مكانك كنت هقف جنبها ولما نرجع بيتنا نتكلم بهدوء نتكلم وأفهم أيه اللي حصل
صهيب : انا بعترف بغلطي ومستعد أعمل اللي يرضى نجوى بس ترجعلي
فارس : نجوى مش هترجع غير لو انته طلقتها
صهيب : وانا مش هطلقها ، مش هضيع حب عمري مني ، انا بحب نجوى يا فارس حس بيه
فارس : "
"
"
صهيب :  فارس لو على المحلات اللي حرقتها هصلحهم على حسابي ، لو على البضاعه اللي في المخازن هدفع تعويض
فارس : وأمي اللي ماتت بسببك ؟
صهيب : مستعد أعمل أي حاجه بس نجوى ترجع ، وبعدين انا كمان خسرت البابي نجوى أجهضت بسببي ودا مش حاجه سهله والله أعلم كان ولد ولا بنت
فارس : طب هقولك ، طلق نجوى رسمي ، وهي لما تطمن أنك بعدت هي هتظهر وبعدها روح وصالحها منك ليه  ؟
صهيب : لامش هسيبها مش هسيب نجوى الموت عندي أهون
فارس :  ما هي ممكن تخلعك على فكره
صهيب : هي خلاص ؟ كرهتني ؟
فارس : لسه بتسال ؟
صهيب  : والله بحبها ، والله بحبها اكتر من نفسي
**** ( بقلم : هند محمد ) ****
حاتم : أوك يا بيري الساعه 9 هروح المطار وأستناهم ، سبيني اشتغل بقى
بركة : أوعي تتأخر عليهم
حاتم : حاضر
بركة :  قولت اليكس أن تحضر شقه تبع المستشفى لمازن ؟
حاتم : كلو مشغول مفيش شقق فاضيه ، بس هي قالتلي هتقعده في الشقه اياها يا قمر
بركة :  اللي هي أيه ؟
حاتم : هااااااااااا نسيتي ، الشقه اللي كنا سكنين زمان قبل الفيلا ؟
بركه : أها تمام أفتكرت ، فاكر كان لينا فيها ذكريات حلوه
حاتم : أممم حبينا بعض فيها واتجوزنا فيها
بركة : كانت احلي أيام والله
حاتم : انا وأنتي كل أيامنا حلوة يا سهوكه
**** ( بقلم : هند محمد ) ****
( وفي الطيارة )
مازن : الرحله طويله أوي
نجوى :  انا بقالي حوالي شهرين راحه جايه بالطيارات راحه جايه
مازن : امممم مانا عارف ، بقولك ايه هو مين الناس اللي هنروح لهم دول
نجوى : بركة وحاتم
مازن : اها يقربولك ايه  ؟
نجوى : أصحابي
**** ( بقلم : هند محمد ) ****
( وفي التليفون )
ماجده : وكويسين الناس دول يا سيف ؟
سيف : طاااااااااااابعا ، دول ناس طيبه أوي ، ابوه راجل اعمال وعمه دكتور في الجامعة ومحامي كبير أوي
ماجدة : بس المحاميين دول فلوسهم حرام دول بيخرجه  الحرمية وبتوع المخدارات
سيف : لا ما دا عمه مش ابوه ملناش داعوه بعمه ، ركزي مع أبوه
**** ( بقلم : هند محمد ) ****
ساره  : ايه دا انته أيه موقفك كدا ؟
عادل : عاوز اتكلم معاكي
ساره : المفروض ان احنا كل حاجه بنا أنتهت
عادل :  بس في بنا ريتال وناديم
ساره : اكتر من مره قولت لمامتك لو عاوز تيجي تشوفهم انا وأهلي معندناش مانع
عادل : تعالي نرجع يا سارة ، انا بحبك وأنتي كنتي بتحبيني
سارة  : أديك قولت كنت بحبك
عادل :  أوعدك اني هتغير ، انا لقيت شغل والحمد لله مرتبي حلو
سارة :  انا بجد مش عاوزاك بعد أزنك ( وسابته وطلعت البيت )
عادل : هفضل وراكلي يا ساره لحد ما ترجعيلي ، انا غلط لما سبتك بس مش هغلط تاني واتنازل عنك للأبد ( ووقف تاكسي وركبه ومشي )
**** ( بقلم : هند محمد ) ****
مروى : ( بتتفرج على التلفزيون هي وريتال وشايله ناديم ) مالك داخله تنفخي ليه  ؟
سارة : لما رجعت من الشغل لقته مستنيني تحت
مروى : مين دا اللي مستنيكي
ساره : ( غمزتلها ومسكت صوبعها مكان الدبله ) لقيته تحت
مروى  : اها وعاوز ايه  ؟
ساره : عاوز يرجع ، وبيقولي لقى شغل ونرجع وهو أتغير وكلام كدا بقى
مروى : اها ، طب متفكري يا ساره عشان العيال
سارة : دا كداب  وخاين
مروى :  معلش متخربيش على نفسك ، مين هيقبل يتجوز واحده معانا ولد وبنت ، وحتى لو لقيتي العيال دول هيتشتتو بينكم ما اكيد انا هاخد الحضانه وبكدا هيبعدو عنك وعنه
سارة : هو غلط في حقي جامد يا ماما ، مش سهل أسامحه
مروى : معلش فكري تاني فكري
**** ( بقلم : هند محمد ) ****
أدم : ها يا دكتور طمني ؟
غدير : أطمنك على ايه ؟  مامتك زي الفل
أدم : يعني هتخس ؟
رباب  : ما تتلم يا واد ، ايه هخس دي ؟
أدم :  أيه يا ماما عاوز أطمن عليكي
غدير : هي طبعا ممكن تخس ، بس تلتزم بالبرنامج اللي هنعمله
رباب : هلتزم والله انا نفسي أخس من زمان ، بس مش بعرف
غدير : لا معايا هتخسي ان شاء الله
**** ( بقلم : هند محمد ) ****
أسر : بس كدا هنصرف كتير اوي يا زهره ؟
زهره : مدام نجوى عامله برنامج حلو اول بص أنته ومجدى وركز يا فهمي
فهمى : مركز والله قولي
زهرة : شركة المقاولات سواء بتاعتنا او بتاعت بركة للمقاولات ، البيت دورين هيتكلف حوالي 80 الف جنيه تمام ؟
الشركه هتبني البيت على حسابها ، وحق البيت دا صاحب البيت هيسدده من شغلو مع شركة نجوى ، يعني احنا هنعملهم بيت ونوفر لهم شغل وهنشغلهم وفي نفس الوقت هترجع  لنا فلوسنا
أسر : بس كدا مفيش ربح ؟
زهره : كفايا الاعلانات اللي هتتعمل للشركه على أسم المشروع
مجدى :  لاوكمان انا هديهم أثاث للبيت كدا بلاوشى لازم أكسب انا بدفع مرتبات
زهره :  أقولكم انتم تعملو أجتماع مع اصحاب شركة بركه ومع مدام نجوى وتشوفه انا كل اللي هعمله هراعي الايتام والارامل واعمل شغل الجامعيه العادي
**** ( بقلم : هند محمد ) ****
حامد : هتوحشيني
مي : أيه دا أول مره تقولي كدا
حامد  : ألله مش خاطبتي
مي : أمممم ، وانته كمان هتوحشني
حامد : هجيلك بكرا نخرج نشوف باقي العفش
مي : ماشي متتأخرش
حامد : عيوني
**** ( بقلم : هند محمد ) ****
قاسم : اه خادلي معاد يوم الجمعه
هناء : ودول ناس كويسين ؟
قاسم :  اها والبنت كمان طيبه ومحترمه جدا
أبراهيم ، على خيرة الله ، المهم انا الصبح روحت البنك وقدمت على القرض بضمان المصنع
قاسم : يعني هنقدر نشتري المول ؟
أبراهيم ، المبلغ الناقص حوالي 5 مليون واحنا معانا 17 مليون
هناء : طب والمول دا هيجيب الفلوس اللي هنشتريه بيها دي يا ابراهيم ؟
ابراهيم : اه طبعا واكتر كمان
هناء : ما شاء الله
**** ( بقلم : هند محمد ) ****
أستنوني بكرا وهكملكم الاحداث