الدنيا صغيرة

الحلقه { 109 }

الحلقه { 109 }
أدم : انا عاوزك تخلي بالك منها ،  يعني متقساش عليها ولا تزعلها او تمد ايدك عليها
فريد : انا عمري ما مدية ايدي على ست ، دي حتى داليا انا عمري ما ضربتها ،  اقسى حاجه بعملها ممكن ازعق
أدم : لا ولا حتى تزعق لها ، لازم كل حاجه تتحل بالحوار وبراحه
فريد : حاضر اوعدك اني مش هزعلها ولا ادايقها ابدا
داليا : ايه طلباتك التانية ؟
أدم : شغل البيت مش كلو يبقى على دمغها انتي المفروض تشاركي معاها
داليا : لا في دي متقلقش  انا وماما هنظبط شغل البيت سوي في دي متقلقش
فريد : و بالنسبة للمهر و الشبكة والمؤخر
أدم : لالا انا وماما مش عاوزين فلوس اهم حاجه تعاملها كويس ، عشان انا ماما ياما شافت معايا
فريد : وعد مني و الله شاهد علينا انا هكون لها زوج صالح و هكون ليك اب بعد ولدك الله يرحمه
أدم : اتمني كدا امين
داليا : طب مش هتيجى ماما رباب بقى عشان نلحق ننزل نشتري الشبكة
أدم و فريد : شبكه ؟
داليا : اه عشان نلحق وقتنا وتتجوز يا بابا قبل ما الدراسة تبدء وأدم يروح الكلية
فريد : ايوه بس انا ماجبتش معايا فلوس
داليا : ما انا وانا نازله خات الفيزا
أدم : انا هقوم أجيب ماما ( وقام )
فريد : داليا احنا متفقناش ننزل نجيب حاجه النهاردة
داليا : يا بابا خير البر عاجله
فريد : بجد انا متغاظ منك
داليا : معلش معلش
أدم : تعالي يا ماما ، انا جبت ماما اهو
فريد : ( وقف هو وداليا عشان يسلمه على رباب )
رباب : ( بكسوف وبصوت واطي ) السلام عليكم
فريد و داليا : عليكم السلام
داليا : ( حضنتها وباستها ) وحشاني اوي
رباب : وانتي كمان
فريد : ( بتردد مد ايدو يسلم على رباب ) ازاي حضرتك
أدم : ( مد ايدو هو وسلم عليه ) هى تمام الحمد لله اتفضل اقعد اتفضل اقعدي يا ماما
(  و قعدو على الكراسى قصاد بعض فريد قصاد رباب و داليا قصاد أدم وبينهم التربيزة بطول الكنبه الكبيرة )
فريد : انا سبق وطلبت ايدك من أدم وهو موافق
رباب : ( بكسوف ) خلاص اللي يشوفه أدم
داليا : ايه رأيك ننزل نشتري الشبكة دلوقتي
رباب : بسرعه كدا
داليا : اه هنستني ليه ؟
أدم : طب حتى نشرب حاجه او حتى نقرا الفاتحه
رباب : انا هقوم اجيب حاجه نشربها الاول
داليا : والله مانتي قايمة انا وأدم هنعمل كل حاجه
رباب : ازاي بس اااا
داليا : فين المطبخ يا أدم ؟
أدم : من هنا اللي جنب الباب دا
داليا : طب تعالي نشوف نشرب ايه
فريد : داليا مش كدا
داليا : خليك مع ماما رباب وانا شويه وجايه ( وداخلت المطبخ هي و أدم )
فريد : البنت شقيه اوي
رباب : مش اشقى من أدم ، دا عفريت
فريد : بس واضح انه متعلق بيكي اوي
رباب : انا وهو مش ام وابنها ، تقدر تقول ان احنا أصحاب وأخوات
فريد : انا وداليا كدا على فكره ، مع اني مقصر معها على طول في الشغل وسيبها
رباب : لا انا و أدم بنخرج و بنتفسح وحتى الاكل لازم نفطر ونتغدا ونتعشا مع بعض
فريد : ما شاء الله ، مش بياكل بره ؟
رباب :ممكن ياكل حاجه خفيفه لو جاع بس الاكل الاكل بيكون في البيت اصلي بخاف من اللحوم والحاجات اللي باره دي
فريد : اممم عندك حق
( ووقت ما رباب و فريد كانه بيتكلمو كانت داليا وادم بيتكلمه برضو في المطبخ )
أدم : افهم من كدا ان ابوكي ملاك بجناحين
داليا : مفيش بشر ملاك بس هو طيب وعمرو ما ممكن يعمل حاجه وحشه في مامتك
وبعدين انا اللي متصدره في الجوازة  دي ، اذا كان على بابا هو مكتفي بالشغل
أدم : و أنتي مستفيدة ايه من الجوازة دي ؟
داليا : بابا على طول مشغول وانا طول الوقت في الشقه لوحدي
أدم : اه يعني عاوزة دادا تسليك
داليا : لا والله انا عاوزة ام انا امي ماتت وهي بتولدني فا اتحرمت من امي ونفسي يكون عندي ام
أدم : بصي يا داليا انا ماليش في الدنيا دي غير امي واللي يزعلها وديني اشيلو من على وش الارض
داليا : متخفش عليها والله هخليهالك في عيني المهم هي بقى متعملش معايا حركات مرات الاب دي
أدم :لا متقلقيش
داليا : طب يلا بقى نعمل حاجه تتشرب عشان نلحق نشتري الشبكة
أدم : احنا لسه هنعمل حاجه تتشرب ، بصي كل واحد ياخد كنزايه كوكاكولا وخلاص
داليا : بابا مش بيشرب الحاجات دي عشان معدته بتوجعه
أدم : معدته ؟
اه صح هو عندو ضغط او سكر او اي امراض يعني من دي ؟
داليا : لا والله بابا زي الفل بس هو عندو القولون العصبي
أدم : امممم طيب بسيطه دي
**** ( بقلم : هند محمد ) ****
هشام : ماما ادخل أصحي بابا دا كدا نايم بقاله كتير اوي ؟
مشيرة : هو قالي بليل اسيبه ينام مصحهوش
هشام : اصلي كنت عاوزه
مشيرة : عاوز ايه يا قلب ماما وانا اعملهولك
هشام : كنت عاوز اتكلم معه في حاجات كدا
مشيرة : اه حاجات ايه يعني ؟
هشام : كنت عاوز اروح امريكا اطمن على أروى
مشيرة : والله يا هشام اروى برضو وحشتني وكمان خالك عمر وحشني أوي
هشام : طب ما تيجي نروح ونسافر كام يوم كدا قبل المدارس
مشيرة : فكرة حلوه لما علي يصحى هقولة
هشام : طب أقولك ما تيجي نعمله اكله حلوه كدا عشان يواقف على طول
مشيرة : اكله طب هو اكتر اكله بيحبه صنية البطاطس بالفراخ وانا مش بعرف اعملها والبنت اللي بتنضف وبتطبخ هتيجي بعد بكرا
هشام : هندخل النت ونعرف الطريقه وانا هسعدك
مشيرة : هااااا بجد طب يلاه بينا عشان نلحق الغدا
**** ( بقلم : هند محمد ) ****
( في محل الدهب )
داليا : ها اختاري
رباب : كل الاطقم حلوه
فريد : خلاص نشيريهم كلهم
رباب : لا طبعا
أدم : طب اختاري ، بصي دا حلو اوي
داليا : بس الفصوص بتعته مش حلوه دا احلي
فريد : انتم بتختارو على اساس ايه المفروض أم أدم هي اللي تختار
رباب : انا عجباني دي
داليا : بس دي صغيرة وخفيفه
رباب : لا شكلها حلو ورقيقه
فريد : خلاص ناخد دي واجبلك كمان خاتم سلويتير
داليا : والدبل
فريد : ودبل وكمان محبس
رباب : بس كدا كتير أوي
فريد : مفيش حاجه تكتر عليكي
**** ( بقلم : هند محمد ) ****
نجوى : الو
علي : يعني مفيش مره وتغلطي وتكلميني أنتي ؟
نجوى : واكلمك ليه ؟
علي : مش احنا اتفقنا نعمل مشروع  سوي وهنحلي مياه البحر
نجوى : بس انته قولت انك مش بتشارك غير أخواتك
علي : اخواتي والناس الغاليه عندي
نجوى : مستر علي انا مش بحب حد يكلمني ب الاسلوب ده
علي : ايه انا قولت ايه ؟
نجوى : مش بتقول الناس الغاليين عندي ، انا اعرفك منين عشان اكون غاليا عندك ؟
علي : مش لازم نعرف بعض عشان نكون غاليين عند بعض
وانا حاسس اني اعرفك من زمان ، او كنت اتمني اني اعرفك من زمان
نجوى : بقولك ايه انا ياما سمعت الكلام دا وانا مش بنت صغيرة بضفيرتين هفرح بكلمتين حلوين عشان انا ياما سمعت ، فا كل واحد يلزم حدوده عشان منخبطش في بعض
علي : ههههههه ليكي حق تقلي أدبك وتخربشي يا قطه مانا مش قدامك ، لو قدامك انا كان زمانك واقفه زي الكتكوت المبلول ههههههههه ههههههه
نجوى : انا كتكوت مبلول ، ماشي يا علي ماشي
علي : انا كمان شويه هروح أقبل صهيب عشان اكلمه على الطلاق
نجوى : لا متتعبش نفسك هو غصب عنه هيطلقني ولو مطلقش هخلعه
علي : انا مش باخد رأيك انا بقولك انا هعمل ايه ، وكمان اطمني انا لقيت أرض حلوه اوي تنفع في مشروعنا على البحر المتوسط
نجوى : طب حلو اوي فين الارض دي ؟
علي : هقولك بس بشرط
نجوى : اللي هو ايه ؟
علي : انك انتي اللي تكلميني وتسأليني
نجوى : طب ما تقول دلوقتي اختصار للوقت
علي : مش مهم الوقت المهم اسمع صوتك تاني وتكوني انتي اللي مكلماني
نجوى : بس كدا انا ممكن أعملك مشاكل مع مشمشه وانوج
علي : لالا متقلفيش
نجوى : طيب هبقى اكلمك سلام عشان انا لازم اقوم عشان هروح مشوار
علي : هتروحي فين ؟
نجوى : وانته مالك
علي : ماشي سلام اموووه
نجوى : نعم يا
علي : ياا ايه هههههه
نجوى : انته فاكر اني بخاف منك ؟
علي : البوسه دى لأروى لما تروحلها ادهالها بس انتي اللي فهمتي غلط
نجوى : معلش اصلي غبيه
**** ( بقلم : هند محمد ) ****
فجر : ماما انا نازل عاوزه حاجه ؟
أم فجر :"
"
"
"
فجر : ماما انتي بتعملي ايه ؟
أم فجر : بقرا سيناريو مسلسل جديد بس حلو اوي يا فجر
فجر : بجد أسمه ايه بقى ؟
أم فجر : اسمه ، النهايه واحده ( كوكب حنتوسه )
فجر : هههههه كوكب ايه حنتوسه دا ايه دا مسلسل كرتون ؟
أم فجر : لا كرتون ايه دا مسلسل اجتماعي رومانسي خيال علمي فنتازيا
فجر : كمان فنتازيا ، وانتي دورك ايه بقى ؟
أم فجر : انا دوري أم الارشدوك 
فجر : في كوكب حنتوسه ازاي يعني ؟
أم فجر :  زي الناس عادي
فجر : ماما هو في حاجه اسمها كوكب حنتوسه ؟ مش هما كانو 9 كوكب عطارد والزهره والارض والمريخ والمشترى وزوحل واورنس ونبتون وبلوتو ؟ ايه حتنوسه دا ؟
أم فجر : الله المؤلف كاتب كدا هنتدخل في خيال الكاتب كمان ؟
فجر : لا نتداخل ايه لا برحتو ، انا ماشي بقى
أم فجر : رايح فين ؟
فجر : هروح استلم المكتب ال20 يوم خلصو
**** ( بقلم : هند محمد ) ****
تريز : ربنا يباركلك يا قمر ويفتح عليكي انتي وجوزك يا رب
قمر : امين يا رب ، يعنى مرتاحه مع الشغل مع نجوى ؟
تريز : هو انا مش بتعامل مع نجوى بس الشغال معاها اللي اسمه ناجي كل ما اكون معايا بضاعه يجي يشيلها ويروح باعتلي ثمنها على طول بصراحه ناس محترمه
قمر : طب الحمد لله ، المهم يكون فرق معاكي
تريز : اه طبعا دا الاول كان بيطلع عيني عقبال ما نوزع الانتاج ، لاكن دلوقتي لا الحمد لله التوزيع كلو عليهم هما
قمر : طب الحمد لله ، المهم حولي تخلي ناس كتير تشتغل معاكي
تريز : انتي من غير ما تقولي وكمان الستات بتقول لبعضها والحمد لله كل يوم ناس بتيجي وتقول عاوزه اشتغل
قمر : ربنا يفتحها عليكي يا رب
**** ( بقلم : هند محمد ) ****
حمزة : ايه الابتسامه دي خير ؟
تقى : خلود لسه مكلماني وبتقولي الموقع جالو اعلانات
حمزة : بتاع كوكو واوا ؟
تقى : اه وكمان مش هتصدق اللي حصل مع خلود ؟
حمزة : ايه هتتجوز ؟
تقى : لا يا حبيبي هتعمل برنامج طبخ في التلفزيون
حمزة : وأزاي وصلت للتلفزيون مين اكتشفها ؟
تقى : نجوى
حمزة : ازاي ؟
تقى : هقولك اصل خلود كان نفسها تعمل مشروع اكل وتبيعو
فا انا قولت لنجوى عشان هي تديها الفراخ والبيض والحاجه يعني بالجمله ، فا نجوى قالت ماشي بس انته عارف دماغ نجوى بقى اول ما اتعرفت على رجل أعمال عندو قناه قالتله على خلود واتفقو ان البرنامج تبقى منتاجاته من كوكو واوا والشركه هي الراعي الرسمي للبرنامج
حمزة : اللي يعرف نجوى كويس مستحيل يصدق ان الافكار دي منها ابدا
تقى : ليه هو انته شايفها متخلفه ؟
حمزة : لا مش متخلفه بس بيئه ولو كلاس
تقى : اكتر من مره أقولك متقولش كدا على اختي
حمزة : نصيحه مني خليها تغير من اسلوبها على الاقل تتكلم من غير ما تشوح بأديها
**** ( بقلم : هند محمد ) ****
سلامه : ملكيش داعوه بحد ومتتغيريش عشان حد . لو عاوزه تتغيري يبقى تتغيري عشان نجوى
نجوى : بس يا سلامه انا بتدايق لما حد بيتريق عليا مع اني انا على طبعتي
سلامه : خليكي زي مانتي واللي مش عجبو يشد في حوجبه
نجوى : ههههههههه انته ليك في اللغه ؟
سلامه : انا من السيده يا بنتي انتي فكراني من الزمالك ؟
نجوى : لا من الاهلي ههههه
سلامه : لا خلي بالك انا زملكاوي اوي ها الا الزمالك
نجوى : الله يمسيكي بالخير يا بوسي
سلامه : مين بوسي
**** ( بقلم : هند محمد ) ****
بوسي : حبيبي مش المفروض تروح تدفع المصريف لمديحه احنا باقينا 7 في الشهر
مهنى : مش عاوز أشوف وشها
بوسي : بس دي ام ابنك
مهنى : وانتي أمي ومراتي وبنتي وكل اللي ليه
بوسي : طب قوم روح ودلها الفلوس و شوف هاني ، متقصرش معه يا مهنى الولد مالوش داعوه
مهنى : بكرا طيب وبعدين انتي ناسيه ان النهاردة عندنا حفله في مينا هوس
بوسي : يا خبر دانا كنت ناسيه خالص
مهنى : يلا يا عمري قومي البسي واتشيكي عشان نسهر ونعيش حياتنا
بوسي : حاضر يا عيوني
**** ( بقلم : هند محمد ) ****
أم حامد : لووووولي مبروك يا حبيبي
حامد : الله يبارك فيكي يا رب
مي : اتفضلي يا ماما العصير
أم حامد : عقبال با رب ما اشرب مغات سبوعك يا رب ، مي اول بنت هتسموها تهاني ماشي
مي : حاضر يا ماما
حامد : مالك يا عمي
فرج : لا ابدا بس انا بقول اتأخرنا مش يلا بقى
أم حامد : لسه بدي متخلينا قعدين
فرج : دول عرايس عاوزين يفرحه ببعض ، نبقي نجلهم بعدين
مي : لسه بدري يا عمي وبعدين مكملتش القهوه
فرج : مره تانيه ان شاء الله يلاه يا تهاني
ام حامد : حاضر قايمه اهو
مبروك يا حبايب قلبي
حامد : الله يبارك فيكي
( وبعد ما مشيو حامد اخد مي في حضنه وقعد على الكنبه واخد مي على رجله  )
حامد : اخير باقينا لوحدنا
مي : ماحنا طول النهار لوحدنا
حامد : اهمل ايه مش بشبع منك ، عاوزك في حضني كدا على طول
مي : مش هتزهق مني ؟
حامد : هو ممكن الواحد يزهق من حضن مراته ؟
مي : اه كتير اوي
حامد : دي يا حبيبتي مش بيحبو بعض
مي : يعني انته بتحبني ؟
حامد : بموت فيكي
**** ( بقلم : هند محمد ) ****
علي : مين عمل البطاطس دي ؟
مشيرة : انا وهشام ، قولي طمني الاكل حلو ؟
علي : دلع شويه محتاج ملح
مشيرة : اتفضل الملاحه
هشام : وفلفل كمان اهو
علي : شامم ان الخدمه الخمس نجوم دي مش لوجه الله ، هو في طلبات ولا ايه ؟
مشيرة : طول عمرك زكي وبتعرفها وهي طايره
علي : لا ما دا المتوقع ، مابقاش في حاجه تتعمل لله من غير مقابل
مشيرة : دي تريقه ؟
علي : لا لا مش تريقه ، خير عاوزه ايه ؟
مشيرة : انا وهشام عاوزين نسافر أمريكا لأروى وكمان انا عمر أخويه وحشني اوي
علي : هتقعدو قد ايه ؟
مشيرة : يعنى 20 يوم او شهر ، المهم هنرجع قبل المدارس
علي : طيب ماشي سافره
هشام : شكرا يا بابا يا حبيبي
علي : لو كنت قولت لا مفيش سفر كنت برضو هفضل بابا حبيبك ؟
هشام : اه طبعا
علي : ماكنتش هتسميني الارشدوك مثلا
هشام : هههه لا طبعا مع ان الارشدوك دا حاجه حلوه على فكره
مشيرة : يعني ايه الارشدوك اصلا ؟
هشام : الارشدوك دا في لغة الفضائين زى الامبراطور او السلطان او الرائيس
مشيرة : امممم فهمت ، انته بتعرف الحاجات دي منين يا هشام ؟
هشام : من الافلام الاجنبي
علي : الحمد لله انا كالت هقوم احلق دقني واخرج
مشيرة : هتروح فين ؟
علي : شغل يا مشيرة ادعيلي ولو اللي في دماغي كمل هقولك كل حاجه
مشيرة : حاضر هدعيلك بس مشروع ايه اديني فكره
علي : لا مش دلوقتي
مشيرة : اوك برحتك
**** ( بقلم : هند محمد ) ****
فجر : تحفه يا بكار
بكار : وبص السراميك خلتهولك تبص تشوف وشك فيه والله بلاطه بلاطه عملتها بأيدي
فجر : تمام تمام ، اهو كدا المكتب يليق باالنائب الدكتور فجر قاسم
بكار : نأئب هو انته في مجلس الشعب ؟
فجر : لا لسه بس هترشح
بكار : اه طب هتترشح فين ؟
فجر : اسكندريه
بكار : امممم حلو مش عاوز حد يمسكلك الدعايا ؟
فجر : لا انا مش محتاج دعايا
بكار : ليه مش محتاج دعايا عمر الشريف
فجر : نعم
بكار : اهل الدايره لازم يعرفه هينتخبو مين مش يروحو يعلمه كدا  عمياني
وكمان لازم يعرفه انته هتعمل ايه في الدايره وهتوفر لهم ايه ؟
فجر : وانته أيه عرفك الكلام دا يا بكار دانته المفروض فاشل ؟
بكار : اه فاشل في التعليم بس عارف حقوقي كا مواطن
فجر : هههههه مواطن ؟ طب قولي يا سيادة المواطن ، طلباتك ايه من مجلس الشعب وانا اعملهولك ؟
بكار : متعلمش غصب عني اتعلم بمزاجي واذاكر حاجات تفدني مش افضل احفظ واصم وفي الاخر اطلع مش عارف الالف من كوز الذره
وكمان اللي اتعلمته استغل بيه ماتخرجش من حقوق واشتغل اسواق تاكسي
فجر : يعني عاوز تتعلم في كلية السواقه ؟
بكار : ليه لا على الاقل هتعلم السواقه على اصولها واعرف القوانين والاشارات
عندك انا اهو في حقوق وبشتغل نقاش
فجر : خلاص فهمتك ، عاوز ايه تاني
بكار : ( بحزن ويأس ) نفسي اتجوز
فجر : هههههههههه طب بتقولها كدا ليه ؟
بكار : اصلي حبيت واحده وأكيد لو روحت اتقدمتلها اهلها هيرفضه
فجر : ليه يا بكار دا حتى انته شكلك متربي وابن ناس وراجل ؟
بكار : اصلها بنت راجل اعمال وكمان طول عمرها متربيه في مدارس غاليا وانا مدارس حكومه
فجر : لو حبيتو بعض بجد هتتجوزه وكمان متنساش ان ربنا كاتب كل حاجه متخفش ومتقلقش
بكار : لا مش قلقان
المهم هتعمل ايه في الدعايا
فجر : هفكر واقولك
**** ( بقلم : هند محمد ) ****
صهيب : انا مش هطلق
علي : وهي كدا مش هترجع دا غير انها بتقول لو مطلقتهاش هتنزل البابي
صهيب : انته عرفت الكلام دا منين
علي : نجوى في امريكا زي ما قولتلم وهي بتروح ﻻختي وبيتكلمه سوي
و أروى قالتلي انها عملت سونار والبابي طلع ولد
صهيب : ههه بجد بجد يا علي طلع ولد
علي : يعني هجدب عليك ؟
احسن حاجه تطلقها عشان تكمل الحمل وكمان تنزل وتولد قصاد عينك
صهيب : "
"
"
"
تفتكرو صهيب هيعمل ايه ؟