الحلقه { 145 }
سلامة : انا مش عارف يا علي انا المهندس اللي بيشرف على الموقع هو اللي بيقولي في قوه جات و واحد من المحافظه ومعاهم أمر بوقف الشغل
علي : دا حتى النهاردة الجمعة هو في حد بيشتغل الجمعة ؟
سلامة : مانا مستغرب والله يا علي ، انا شويه كدا وهسافر واشوف في أيه ؟
علي : طيب تحب أجي معاك ؟
سلامة : لا خليك أنت هنا وانا هشوف كدا
علي : طيب خير أن شاء الله
**** ( بقلم : هند محمد ) ****
نبيل : هو أيه اللي خير يا نجوى ، بقولك الشغل وقف
نجوى : تلاقي بس في مخالفه في البنا ولا الموظف المختص عاوز رشوه ولا حاجه ، أنته قلبك خفيف ليه ؟
نبيل : رشوة أيه يا بنتي بقولك دا أمر من المحافظة
نجوى :محافظة ايه يا عمي هو في حد شغال دا النهاردة يوم الجمعة
نبيل : الجمعة ؟
بقولك ايه يا نجوى هي الارض بأسمك سجلتيها ؟
نجوى : اه طبعا والورق حمزة معه نسخه منه
نبيل : الله أومال في أيه ؟
نجوى : انا بقولك تلاقي بس الموظفين عاوزن رشاوي ولا حاجه متقلقش ، أحنا الاوراق بتاعتنا مظبوطه
نبيل : ماشي يا نجوى ، سلام دلوقتي
نجوى : سلملي على طنط
نبيل : حاضر السلام عليكم
نجوى : عليكم السلام
صهيب : أقفلي الفون دا بقى و ركزي معايا بقى
نجوى : عيوني يا صهوب ، مع اني المفروض أجهز وأروح لناجي
صهيب : ما تكبري بقى بلا ناجي ولا ناجيه
نجوى : حرام عليك دا ناجي دا طول عمره وأقف معايا وعمري ما قولتله حاجه وقالي لا ولاكسل ولا حتى طنش
وبعدين انا بعتبر ناجي دا أخويا الصغير
صهيب : ماشي يا ست الاخت الكبيرة
أنت تقرأ
الدنيا صغيرة
Romanceبسم الله الرحمن الرحيم قصتى المرادي ابطالها مش جداد كل الابطال معروفين ولكن عشان الدنيا مستمره والدنياصغيره كل ابطال القصص بتعتي هيقبلو بعض وهيدور بينهم أحداث ومشاكل وقضايه وحب وأوقات حلوه وصدقات عاوزين تعرفه ايه اللي هيحصل تابعو الدنيا صغيره